ચાંદીના વરખવાળી મીઠાઈ ખાતા પહેલાં સાવધાન! અમદાવાદમાં ઝડપાયું નકલી વરખ બનાવતું કારખાનું!

Ahmedabad : દિવાળીના તહેવાર દરમિયાન મીઠાઈ ખરીદતા પહેલા સતર્ક રહેજો. કારણ કે મીઠાઈ પર લગાવવામાં આવતા વરખને લઈને ચોંકાવનારા સમાચાર સામે આવ્યા છે. અમદાવાદ મ્યુનિસિપલ કોર્પોરેશન (AMC)ના ફૂડ વિભાગે શહેરમાં કાર્યવાહી કરીને અખાદ્ય એલ્યુમિનિયમ વરખ બનાવતા વેપારીનો પર્દાફાશ કર્યો છે. કાલુપુરના જૂના ઓક્ટ્રોય નાકા વિસ્તારમાં આવેલી એક દુકાનમાંથી અખાદ્ય વરખનો મોટો જથ્થો મળી આવ્યો છે.

'મેં મારા પુત્રને મારી નાખ્યો છે સાહેબ, હવે મને પણ મારી નાખો...' સાણંદમાં અંધશ્રદ્ધાએ લીધો માસૂમનો જીવ

AMCના ફૂડ વિભાગની મોટી કાર્યવાહી

મળતી માહિતી મુજબ, આ સ્થળેથી એલ્યુમિનિયમ વરખ બનાવવામાં આવતું હતું અને ત્યારબાદ આ વરખનો સપ્લાય મીઠાઈના વેપારીઓને કરવામાં આવતો હતો. આ વરખનો ઉપયોગ મીઠાઈ પર ચાંદીના વરખ તરીકે કરવામાં આવતો હોવાની વિગતો સામે આવી છે. એટલે કે, મીઠાઈ પર ચમકતા ચાંદીના વરખ તરીકે જે વસ્તુનો ઉપયોગ થતો હતો તે વાસ્તવમાં ખાવા માટે અયોગ્ય એલ્યુમિનિયમ વરખ હોવાનું સામે આવ્યું છે.

અમદાવાદમાં GMC સેનેટરી ઇન્સ્પેક્ટરની પરીક્ષામાં હોબાળો, 300 લોકોની પરીક્ષા અટવાઈ

AMCના મુખ્ય ફૂડ અધિકારી પણ સ્થળ પર હાજર

દિવાળીના તહેવારમાં મીઠાઈની ખરીદી અને વપરાશ વધતો હોય છે, ત્યારે AMCના ફૂડ વિભાગની આ કાર્યવાહી મહત્વપૂર્ણ માનવામાં આવી રહી છે. કાર્યવાહી દરમિયાન AMCના મુખ્ય ફૂડ અધિકારી પણ સ્થળ પર હાજર રહ્યા હતા. અધિકારીઓએ સ્થળ પરથી અખાદ્ય વરખનો જથ્થો ઝડપી પાડ્યો છે.

એલ્યુમિનિયમ વરખ સ્વાસ્થ્ય માટે જોખમી

અખાદ્ય એલ્યુમિનિયમ વરખનો ઉપયોગ સ્વાસ્થ્ય માટે જોખમી બની શકે છે. આવી વસ્તુઓના સેવનથી કિડનીને નુકસાન થવાની આશંકા રહે છે. આ ઉપરાંત યાદશક્તિ પર અસર થવી અને શરીરની રોગપ્રતિકારક શક્તિ નબળી પડવા જેવી સ્વાસ્થ્ય સંબંધિત સમસ્યાઓ થઈ શકે છે.