Parivarik ManuRanjan: પંકજ ત્રિપાઠી-અદિતિ રાવ હૈદરીની જામી જોડી, આ ઓટીટી પર રિલીઝ થશે રોમ-કોમ મુવી

Parivarik ManuRanjan: પહેલી વખત ઓટીટી પ્લેટફોર્મ પર એક દમદાર જોડી જોવા મળવાની છે. પંકજ ત્રિપાઠી અને અદિતિ રાવ હૈદરની નવી ફિલ્મનું ટીઝર રિલીઝ કરવામાં આવ્યું છે. પંકજ ત્રિપાઠી અને અદિતિ રાવ હૈદરીની પારિવારિક મનુરંજન ફિલ્મમાં સાથે જોવા મળશે. આ ફિલ્મ એક પારિવારિક રોમેન્ટિક કોમેડી ફિલ્મ છે. ફિલ્મનું ટીચર મજેદાર છે. આ ફિલ્મ સિનેમા ઘરોમાં નહીં પરંતુ ઓટીટી પ્લેટફોર્મ પર જોવા મળવાની છે.

પંકજ ત્રિપાઠી અને અદિતિ રાવ હૈદરીની પારિવારિક મનુરંજન ફિલ્મ ઓટીટી પ્લેટફોર્મ સોની લિવ પર રિલીઝ થશે. આ ફિલ્મની રિલીઝ ડેટ હજી સુધી કન્ફર્મ કરવામાં આવી નથી પરંતુ સોની લિવના instagram અકાઉન્ટ પર આ ફિલ્મનું ટીઝર રિલીઝ કરવામાં આવ્યું છે. પંકજ ત્રિપાઠી આ ફિલ્મમાં પહેલી વખત દર્શકોને હસાવશે અને સાથે જ અદિતિ રાવ હેદરી સાથે રોમાન્સ પણ કરશે.

આ ફિલ્મ પંકજ ત્રિપાઠી અને અદિતિ રાવ હૈદરીના ચાહકો માટે પણ સરપ્રાઈઝ છે. આ બંને કલાકારો પહેલી વખત સાથે સ્ક્રીન શેર કરી રહ્યા છે. ફિલ્મના ટીઝરમાં જે જોવા મળે છે તે અનુસાર પંકજ ત્રિપાઠી ફિલ્મમાં રંજન દુબે નામના વ્યક્તિનું પાત્ર ભજવે છે. જ્યારે અદિતિ રાવ હૈદરી હેલનની ભૂમિકામાં છે.

રંજન દુબે એટલે કે પંકજ ત્રિપાઠી એક અનમેરીડ વ્યક્તિ હોય છે જે પોતાના મોટા ઘરને સાચવવા માટે પ્રોપર્ટી મેનેજર અને હાઉસકીપર ની તલાશમાં હોય છે. તેના માટે અદિતિ રાવ હૈદરી તેના ઘરે પહોંચે છે. ટીઝરમાં જોવા મળે છે કે અદિતિ રાવ હૈદરી અને પંકજ ત્રિપાઠી વચ્ચે ધીરે ધીરે લાગણીઓ બંધાય છે. ટીઝર પરથી કહી શકાય છે કે આ એક રોમ કોમ ફિલ્મ છે. જોકે સૌથી ખાસ તો પંકજ ત્રિપાઠી અને અદિતિ રાવ હૈદરીની કેમેસ્ટ્રી છે.

ફિલ્મનું લેખન બૃજેન્દ્ર કાલા, અલી અબ્બાસ ઝફર, વરુણ શર્માએ લખી છે. ફિલ્મનું પ્રોડકશન વિનોદ ભાનુશાલી, કમલેશ ભાનુશાલી, હિમાંશુ કિશન અને એલિસિયા ઝફરનું છે. ફિલ્મનું નિર્દેશન વરુણ વી શર્માએ કર્યું છે.