Kiara Advani Second Pregnancy: કિયારા અડવાણી બનશે માતા, શેર કરી સેકન્ડ પ્રેગ્નેન્સીની ગુડ ન્યુઝ

Kiara Advani Second Pregnancy: અભિનેત્રી કિયારા અડવાણી અને એક્ટર સિદ્ધાર્થ મલ્હોત્રાના ઘરે ફરીથી ખુશીઓ આવવાની છે. કિયારા અડવાણી અને સિદ્ધાર્થ મલ્હોત્રા ફરીવાર માતાપિતા બનવા જઈ રહ્યા છે. 7 ઓક્ટોબરે બંનેએ એક કોમન પોસ્ટ શેર કરી ફેન્સને ગુડ ન્યુઝ આપ્યા છે.

કિયારા અડવાણીએ ઈંસ્ટાગ્રામ પર પોસ્ટ કરી પોતાની સેકન્ડ પ્રેગ્નેન્સીના ન્યુઝ શેર કર્યા છે. જે ફોટો કિયારાએ શેર કર્યો છે તેમાં કિયારા, સિદ્ધાર્થ અને તેની દીકરીનો નાનકડો હાથ દેખાય છે અને ત્રણેયના હાથ ઉપર એક નાનકડું મોજું રાખેલું છે. સાથે જ ખૂબ જ સુંદર કેપ્શન લખવામાં આવ્યું છે. 

બીજી પ્રેગ્નેન્સીની ન્યુઝ શેર કરતાં જે ફોટો કિયારાએ શેર કર્યો છે તે ખાસ છે. કિયારાની પહેલી પ્રેગ્નેન્સી વખતે જે મોજા સાથે ફોટો શેર કરવામાં આવ્યો હતો તેવો જ ફોટો આ વખતે પણ શેર કર્યો છે પણ ખાસ વાત એ છે કે આ વખતે કિયારા અને સિદ્ધાર્થના હાથમાં મોજા તેની દીકરી મુકી રહી છે. આ ક્યુટ ફોટો પર ઈંડસ્ટ્રીના લોકો અને કિયારા સિદ્ધાર્થના ફેન્સ ખૂબ પ્રેમ વરસાવી રહ્યા છે. 

કિયારા અડવાણી અને સિદ્ધાર્થ મલ્હોત્રા બોલીવુડના પાવર કપલમાંથી એક છે. કિયારા અને સિદ્ધાર્થ મલ્હોત્રાએ 2023 માં લગ્ન કર્યા હતા અને 2025માં તેમની પહેલી દીકરીનો જન્મ થયો હતો. તેની દીકરીનું નામ સરાયાહ છે. હવે 2026 માં કિયારાએ તેની બીજી પ્રેગ્નેન્સી અનાઉન્સ કરી છે. ઉલ્લેખનીય છે કે તાજેતરમાં જ દીપિકા પાદુકોણ અને રણવીર સિંહના ઘરે દીકરીનો જન્મ થયો છે. ત્યારબાદ હવે કિયારા અને સિદ્ધાર્થે પણ ગુડ ન્યુઝ શેર કરી છે.

વર્કફ્રંટની વાત કરીએ તો હાલમાં સિનેમાઘરોમાં સિદ્ધાર્થ મલ્હોત્રાની ફિલ્મ ધ વન રિલીઝ થઈ છે અને થોડા ઓગસ્ટ મહિનામાં કિયારાની ફિલ્મ ટોક્સિક રિલીઝ થઈ હતી.