LICની ધમાકેદાર સ્કીમ: રોજ માત્ર ₹45ના રોકાણ પર મેચ્યોરિટી પર મળશે ₹25 લાખ, જાણો સંપૂર્ણ ગણતરી

દેશની સૌથી મોટી વીમા કંપની એટલે કે ભારતીય જીવન વીમા નિગમ (LIC) દ્વારા ઓફર કરવામાં આવતા પ્લાન ન માત્ર સુરક્ષાની દ્રષ્ટિએ પોપ્યુલર છે, પરંતુ તેમાં રિટર્ન પણ ધાંસૂ મળે છે. બાળકો હોય, વૃદ્ધ હોય કે પછી મહિલાઓ, એલઆઈસી દરેક ઉંમર વર્ગ માટે પોલિસી રજૂ કરે છે, તેમાં તમે નાની રકમ રોકાણ કરી મોટું ફંડ બનાવી શકો છો.

આવી એક સ્કીમ છે એલઆઈસીની જીવન આનંદ પોલિસી  (LIC Jeevan Anand), જે મેચ્યોરિટી પર 25 લાખ રૂપિયાનો જુગાડ કરવામાં મદદરૂપ સાબિત થઈ શકે છે. તેમાં રોકાણ પર તમામ બેનિફિટ્સ પણ મળે છે.

નાનું પેકેટ, મોટો ધમાકા પ્લાન

ઓછા પ્રીમિયમમાં મોટું ફંડ ભેગું કરવાનો પ્લાન છે, તો પછી એલઆઈસીની જીવન આનંદ પોલીસે એક શાનદાર વિકલ્પ સાબિત થઈ શકે છે. એક રીતે આ ટર્મ પોલિસીની જેમ છે. જેટલા સમય માટે તમારી પોલિસી છે, તમે એટલા સમય સુધી પ્રીમિયમની ચુકવણી કરી શકો છો.

આ પ્લાન એક નહીં, પરંતુ ઘણા મેચ્યોરિટી બેનિફિટ (Maturity Benefit) ની સાથે આવે છે. તેમાં ઓછામાં ઓછા એક લાખ રૂપિયાનો સમ એશ્યોર્ડ હોય છે, જ્યારે મહત્તમ લિમિટ નક્કી નથી.

આ પણ વાંચોઃ IPO Alert: 26 થી 30 ઓક્ટોબર દરમિયાન ખુલશે 9 કંપનીઓના IPO, રોકાણ કરતા પહેલાં જાણો

25 લાખ માટે માત્ર આટલું રોકાણ

LIC Jeevan Anand Policy માં તમે આશરે 1358 રૂપિયા દર મહિને જમા કરી 25 લાખ રૂપિયા મેળવી શકો છો. આ હિસાબથી જુઓ તો દર મહિને તમારે માત્ર 45 રૂપિયાની બચત કરવી પડશે. પરંતુ એલઆઈસીની આ પોલિસીને એક લાંબાગાળાના પ્લાન તરીકે જોવામાં આવે છે.

તેનો પોલિસીનો સમયગાળો 15થી 35 વર્ષનો છે. એટલે કે જો તમે આ પોલિસી હેઠળ દરરોજ 45 રૂપિયાની બચત કરી 35 વર્ષ માટે રોકાણ કરો છો તો આ યોજનામાં મેચ્યોરિટી પૂરી થયા બાદ તમને 25 લાખ રૂપિયા મળશે. વાર્ષિક આધાર પર તમારા દ્વારા રોકાણ કરવામાં આવેલી રકમ આશરે 16300 રૂપિયા હશે.

ડબલ બોનસ સાથે મળશે આટલી રકમ

દર વર્ષે 16300 રૂપિયાનું રોકાણ તમે આ એલઆઈસી પોલિસીમાં 35 વર્ષ સુધી કરો છો તો કુલ મળી તમારી જમા રકમ 5,70,500 રૂપિયા જમા કરશો. હવે પોલિસીના નિયમ પ્રમાણે તેમાં બેઝિક સમ એશ્યોર્ડ પાંચ લાખ રૂપિયા હશે, જેની સાથે મેચ્યોરિટી પીરિયડ બાદ તમને આ રકમમાં રિવિઝનરી બોનસ 8.60 લાખ રૂપિયા અને ફાઈનલ બોનસ 11.50 લાખ રૂપિયા જોડી આપવામાં આવશે. એલઆઈસી જીવન આનંદ પોલિસીમાં બે વખત બોનસ આપવામાં આવે છે, પરંતુ તે માટે તમારી પોલિસી 15 વર્ષની હોવી જરૂરી છે.

આ પણ વાંચોઃ ધનતેરસ-દિવાળી પહેલા સોના-ચાંદીમાં મોટો ઘટાડો: ચાર દિવસમાં ચાંદી ₹16,0000 સસ્તી

પ્લાન સાથે મળે છે આ ફાયદા

જીવન આનંદ પોલિસી લેનાર પોલિસીહોલ્ડરને આ યોજના હેઠળ કોઈ પ્રકારની ટેક્સ છૂટનો લાભ મળતો નથી, પરંતુ તેમાં તમને ચાર પ્રકારના રાઇડર્સ મળે છે. તેમાં એક્સીડેન્ટલ ડેથ એન્ડ ડિસેબિલિટી રાઇડર, એક્સીડેન્ટ બેનિફિટ રાઇડર, ન્યૂ ટર્મ ઈન્શ્યોરેન્સ રાઇડર અને ન્યૂ ક્રિટિકલ બેનિફિટ રાઇડર સામેલ છે.

જો ડેથ બેનિફિટની વાત કરીએ તો પોલિસી હોલ્ડરનું કોઈ કારણે મોત થાય છે, તો નોમિનીને પોલિસીના 125 ટકા ડેથ બેનિફિટ મળશે.