Gold Price Today: સોનાના ભાવમાં આજે જોરદાર કડાકો, ચાંદી પણ ધડામ થઈ, 24-22 કેરેટના ભાવ જાણીને લેવા દોડશો

Gold-Silver Price Today: કાલે દશેરાનો તહેવાર ગયો અને નવરાત્રીના દિવસો પણ પૂરા થયા ત્યારબાદ હવે આજે સોના અને ચાંદીમાં ઘટાડાનો માહોલ જોવા મળી રહ્યો છે. MCX પર સોનું જ્યાં 0.40 ટકાના ઘટાડા સાથે જોવા મળ્યું છે ત્યાં ચાંદી પણ 1.18 ટકાના ઘટાડા પર નોંધાઈ છે. બીજી બાજુ IBJA પર સોનું હાલ 1.44 લાખ પ્રતિ 10 ગ્રામ અને ચાંદી 2.05 લાખ પર જોવા મળી છે. સોના અને ચાંદીના લેટેસ્ટ ભાવ સાથે સાથે કેરેટ પ્રમાણે ભાવ પણ ખાસ જાણો.

આજનો સોનાનો ભાવ

IBJAની વેબસાઈટ પર આજના ખુલતા ભાવ જોઈએ તો 10 ગ્રામ 24 કેરેટ સોનાનો ભાવ 1884 રૂપિયા તૂટીને 144060 રૂપિયા પર ખુલ્યો છે જે 19મી ઓક્ટોબરે 145944 પર બંધ થયો હતો. ગઈ કાલે દશેરાની રજા હોવાથી નવા ભાવ જાહેર થયા નહતા. 48 કલાકમાં સોનું 2346 રૂપિયા તૂટ્યું છે. કારણ કે 19મી ઓક્ટોબરે સવારે સોનું 146406 રૂપિયાની સપાટીએ ખુલ્યું હતું.

મોબાઈલ નંબરથી લઈને સરનામા સુધી લીક: દેશની સૌથી મોટી બેંક SBI ના ગ્રાહકોનો ડેટા ડાર્ક વેબ પર લીક થવાની આશંકા

ચાંદીના ભાવમાં પણ મોટો ઘટાડો

ચાંદીના ભાવ જોઈએ તો આજે એક કિલો ચાંદીના ભાવમાં 2900 રૂપિયાનો ઘટાડો નોંધાયો છે અને ભાવ 205850 રૂપિયા પ્રતિ કિલોગ્રામના સ્તરે ખુલ્યો છે. જ્યારે 19 ઓક્ટોબરના રોજ ભાવ 208750 રૂપિયા પ્રતિ કિલોગ્રામ પર બંધ થયો હતો. 48 કલાકમાં એક કિલો ચાંદીના ભાવમાં 3617 રૂપિયાનો ઘટાડો નોંધાયો. કારણ કે 19મી ઓક્ટોબરે ચાંદી 209467 રૂપિયા પર ખુલી હતી.

અત્રે જણાવવાનું  કે એસોસિએશનના ભાવ દેશભરમાં માન્ય છે અને આ ભાવમાં મેકિંગ ચાર્જ અને જીએસટી સામેલ હોતા નથી. ભાવ દિવસમાં બેવાર જાહેર થાય છે અને શનિવાર તથા રવિવાર અને જાહેર રજાઓના દિવસે નવા ભાવ જાહેર થતા નથી.

કેરેટ પ્રમાણે ભાવ

• 24 કેરેટ સોનાનો એક ગ્રામ પ્રમાણે ભાવ 14406 રૂપિયા
• 22 કેરેટ સોનાનો એક ગ્રામ પ્રમાણે ભાવ 14060 રૂપિયા
• 20 કેરેટ સોનાનો એક ગ્રામ પ્રમાણે ભાવ 12821 રૂપિયા
• 18 કેરેટ સોનાનો એક ગ્રામ પ્રમાણે ભાવ 11669 રૂપિયા
• 14 કેરેટ સોનાનો એક ગ્રામ પ્રમાણે ભાવ  9292 રૂપિયા
• એક કિલો ચાંદીનો ભાવ 205850 રૂપિયા

દિવાળી પહેલા સોનાના ભાવમાં ઘટાડો, શું ધનતેરસ સુધીમાં સસ્તું થશે ગોલ્ડ ? જાણો

વાયદા બજારમાં ભાવ

MCX પર બપોરના 12.50 વાગ્યાના સુમારે 4 ડિસેમ્બરના વાયદાવાળું 10 ગ્રામ સોનું 0.40 ટકાના ઘટાડા સાથે 145930 રૂપિયાની સપાટીએ જોવા મળ્યું છે જ્યારે 4 ડિસેમ્બરના વાયદાવાળી એક કિલો ચાંદી 1.18 ટકાના ઘટાડા સાથે 208991 રૂપિયાની સપાટીએ જોવા મળી છે.