Thalipeeth Recipe: સવારના નાસ્તામાં ખાવાની મજા પડે તેવી જુવારના લોટની થાલીપીઠ બનાવવાની રીત

Thalipeeth Recipe: સવારના સમયે સ્વાદિષ્ટ અને હલકો ફૂલકો નાસ્તો કરવો હોય તો જુવારના લોટની થાલીપીઠ બનાવી શકો છો. થાલીપીઠ મહારાષ્ટ્રનો ફેમસ નાસ્તો છે. થાલીપીઠ ફટાફટ બની જાય છે અને ચા કે દહીં સાથે તેનું કોમ્બિનેશન પણ સ્વાદિષ્ટ લાગે છે. જો તમને થાલીપીઠ કેવી રીતે બનાવવાની હોય તેની રીત ખબર ન હોય તો ચાલો તમને જણાવીએ.

થાલીપીઠ એક મહારાષ્ટ્રીયન વાનગી છે. જે સ્વાદિષ્ટ હોય છે. થાલીપીઠ જો તમે જુવારના લોટની બનાવો છો તો તમે ગ્લુટન ફ્રી નાસ્તો કરી શકો છો. તો ફટાફટ નોંધી લો જુવારના લોટની થાલીપીઠ કેવી રીતે બનાવવી.

થાલીપીઠ માટેની સામગ્રી

એક કપ જુવારનો લોટ 
બે ચમચી ચણાનો લોટ 
પનીર અડધો કપ 
ઝીણી સમારેલી ડુંગળી 
લાલ મરચું પાવડર 
મીઠું 
ચાટ મસાલો 
અજમા 
પાણી

થાલીપીઠ બનાવવાની રીત

એક મોટા વાસણમાં જુવારનો લોટ પનીર, ઝીણી સમારેલી ડુંગળી અને ચણાનો લોટ મિક્સ કરો.

આ મિશ્રણમાં લાલ મરચું પાવડર સ્વાદ પ્રમાણે મીઠું ચાટ મસાલો અજમા ઉમેરો.

બધી સામગ્રીને સારી રીતે મિક્સ કરો અને તેમાં થોડું થોડું પાણી ઉમેરો.. મિશ્રણમાં પાણી એટલું ઉમેરવું જેનાથી એક સોફ્ટ લોટ બની જાય.

લોટ તૈયાર થઈ જાય પછી તવો ગરમ કરવા મુકો. તેના પર થોડું તેલ લગાવો અને પછી જુવારના લોટનું મિશ્રણ લઈ તેને તવા પર રાખી ધીરે ધીરે ફેલાવો.

જો તમને તવા પર ડાયરેક્ટ થાલીપીઠ ફેલાવી ન ફાવે તો તમે પાટલા પર એક કપડું રાખી તેના પર થાલીપીઠ ફેલાવી લો અને પછી કપડાની મદદથી ડાયરેક્ટ થાલીપીઠને તવા પર મૂકી દો.

થાલીપીઠ તવા પર મૂકો ત્યારે ગેસને મીડીયમ ફ્લેમ પર રાખો અને ધીરે ધીરે થાલીપીઠ ગોલ્ડન બ્રાઉન થાય ત્યાં સુધી શેકો.

જ્યારે થાલીપીઠ બન્ને તરફથી એકદમ ક્રિસ્પી થઈ જાય ત્યારે પ્લેટમાં કાઢી સર્વ કરો. આ થાલીપીઠ તમે દહીં ચા સાથે સર્વ કરી શકો છો.