UPI પર ચાર્જ લગાવવાનો નિર્ણય દિવાળી સુધી ટળ્યો, સરકારનો મોટો નિર્ણય
15 ઓક્ટોબર 2026થી લાગૂ થનાર યુપીઆઈ મર્ચંટ ડિસ્કાઉન્ટ રેટના નવા નિયમોને દિવાળી બાદ સુધી આગળ વધારી દેવામાં આવ્યા છે.
UPI ટ્રાન્ઝેક્શન પર મર્ચંટ ડિસ્કાઉન્ટ રેટ લાગૂ કરવાનો નિર્ણય હાલ દિવાળી બાદ સુધી ટાળી દેવામાં આવ્યો છે. સરકારે આ નિર્ણય તહેવારોની સીઝનને ધ્યાનમાં રાખી લીધો છે. વેપારીઓ સતત સરકારને યુપીઆઈ પેમેન્ટ પર ચાર્જ લેવાનો નિર્ણય ટાળવાની માગ કરી રહ્યાં હતા. નોંધનીય છે કે આ નવો નિયમ 15 ઓક્ટોબરથી લાગૂ થવાનો હતો.
તહેવારોની સીઝન વચ્ચે લેવાયો નિર્ણય
તહેવારોની સીઝનની ખરીદી વચ્ચે 15 ઓક્ટોબર 2026થી લાગૂ થનાર યુપીઆઈ મર્ચેંટ ડિસ્કાઉન્ટ રેટ (MDR) ના નવા નિયમોને દિવાળી બાદ સુધી આગળ વધારી દેવામાં આવ્યા છે. નેશનલ પેમેન્ટ્સ કોર્પોરેશન ઓફ ઈન્ડિયા અને નાણામંત્રાલયની સામે ઉઠાવવામાં આવેલી ચિંતાઓ બાદ આ ડેડલાઈનને વધારવાનો મોટો નિર્ણય લેવાયો છે.
આ પણ વાંચોઃ Big Warning For India: કંઈક મોટું થવાનું છે... ભારત સામે આ સંકટ, એક્સપર્ટે કહ્યું: ફક્ત 10 દિવસ બાકી
કેમ લેવામાં આવ્યો નિર્ણય
મહત્વનું છે કે તહેવારોની સીઝન જોતા મર્ચંટ સંગઠનો, ફિનટેક કંપનીઓ અને પેમેન્ટ સર્વિસ આપનારી કંપનીઓમાં NPCIથી આ નિર્ણયને ટાળવાની માગ કરી હતી. તેમનું કહેવું હતું કે દિવાળી દરમિયાન ખરીદી વધે છે અને તેવા સમયમાં નવો ચાર્ગ લાગૂ થવાથી ગ્રાહકો અને કારોબારીઓ પર અસર પડી શકે છે. તેને જોતા UPI સ્ટીયરિંગ કમિટીની બેઠકમાં ચાર્જ લાગૂ કરવાની તારીખ આગળ વધારવાનો નિર્ણય લેવામાં આવ્યો.
ક્યા કેટલો MDR લાગૂ થવાનો હતો?
સરકારે યુપીઆઈ પેમેન્ટ પર નવા મર્ચંટ ડિસ્કાઉન્ટ રેટનું જે ફ્રેમવર્ક તૈયાર કર્યું હતું તે પ્રમાણે 15 ઓક્ટોબર 2026થી 2000 રૂપિયાથી ઓછાના ટ્રાન્ઝેક્શન પર એમડીઆર ઝીરો રાખવામાં આવ્યો હતો, તો આ રકમથી વધુના યુપીઆઈ પેમેન્ટ પર પર્સન ટૂ મર્ચંટ 0.4 ટકા એમડીઆર લગાવવામાં આવ્યો હતો. સરકારના સર્કુલરમાં સ્પષ્ટ કરવામાં આવ્યું હતું કે ફ્લેટ 5 રૂપિયાથી 300 રૂપિયા સુધીના ચાર્જ અલગ-અલગ કેટેગરીના ટ્રાન્ઝેક્શન પર લાગૂ થશે.
