8th Pay Commission: ફિટમેન્ટ ફેક્ટર 2.57 vs 2.86, કર્મચારીઓના પગારમાં કેટલો તફાવત આવશે?

8મા પગાર પંચને લઈને કેન્દ્રીય કર્મચારીઓ વચ્ચે સૌથી વધુ ચર્ચા ફિટમેન્ટ ફેક્ટરને લઈને છે. હજુ 2.57 અને 2.86 જેવા આંકડા પર અલગ-અલગ ગણતરી સામે આવી રહી છે. હાલ આઠમાં પગાર પંચે ફિટમેન્ટ ફેક્ટર ફાઈનલ કર્યું નથી. પરંતુ જો આ બંનેમાં કોઈપણ લાગૂ થાય છે તો પગારમાં ખુબ મોટો વધારો જોવા મળશે.

હવે સવાલ છે કે જો 2.57ની જગ્યાએ 2.86 ફિટમેન્ટ ફેક્ટર લાગૂ થાય છે તો કર્મચારીઓના બેઝિક પગારમાં કેટલા હજાર રૂપિયાનું અંતર આવશે? અહીંથી ફિટમેન્ટ ફેક્ટર અને બેઝિક પગારનો સમગ્ર હિસાબ સમજીએ.

ફિટમેન્ટ ફેક્ટર શું છે?
ફિટમેન્ટ ફેક્ટરના આધાર પર નવા પગાર પંચમાં વર્તમાન બેઝિક પેમાં વધારો થાય છે. જો કોઈ કર્મચારીનો વર્તમાન બેઝિક પગાર 18000 રૂપિયા છે અને ફિટમેન્ટ ફેક્ટર 2.57 લાગૂ થયું તો 46260 રૂપિયા અને ફિટમેન્ટ ફેક્ટર 2.86 થાય છે તો 51480 રૂપિયાનો બેઝિક પે હશે.

આ પણ વાંચોઃ LPG સિલિન્ડર ₹490 થી ₹942 કેવી રીતે પહોંચ્યો, આ વખતે ઓક્ટોબરમાં શું થશે?

18000 બેઝિક પે હોય તો કેટલો ફાયદો?
અત્યારે આપણે 18000 બેઝિક પે હોય તેની વાત કરીએ. તો 18000 રૂપિયાવાળા માટે 2.86 ફિટમેન્ટ ફેક્ટર થવા પર 2.57ના મુકાબલે 5220 વધુ બેઝિક પે બનશે. વર્ષ પ્રમાણે જુઓ તો 62640 રૂપિયા બેઝિક પે બનશે.

પગાર અને બેઝિક પે એક જ છે?
ના. ફિટમેન્ટ ફેક્ટર સીધું બેઝિક પે પર લાગૂ થાય છે અને કર્મચારીના હાથમાં આવનાર બધો પગાર માત્ર બેઝિક પે હોતો નથી. આ પગારમાં DA, HRA અને બીજા ભથ્થા પણ સામેલ હોય છે.

નવું પગાર પંચ લાગૂ થવા પર ડીએને લઈને કેટલાક ફેરફાર થશે અને HRA સહિત ઘણા બીજા ભથ્થા પણ નવા બેઝિક પે પ્રમાણે બદલાઈ શકે છે. તેથી બેઝિક પેમાં 5220 રૂપિયાનું અંતર હોવાનો તે મતલબ નથી કે દરેક કર્મચારીનો ઇન હેન્ડ પગાર પણ 5220 રૂપિયા વધી જશે.

લેવલ 4 કર્મચારી માટે કેટલો તફાવત?
લેવલ 4 કર્મચારીનો વર્તમાન બેઝિક 25500 રૂપિયા છે, તો 2.57 અને 2.86 વચ્ચે અંતર વધુ હશે. જેમ કે બેઝિક પગાર 2500 રૂપિયા છે અને ફિટમેન્ટ ફેક્ટર 2.57 લાગૂ થાય તો બેઝિક પે 65535 રૂપિયા અને જો ફિટમેન્ટ ફેક્ટર 2.86 થાય તો 72930 રૂપિયા થઈ જશે. એટલે કે બંને વચ્ચે દર મહિને 7395 રૂપિયાનો તફાવત છે. એક વર્ષમાં જોવામાં આવે તો 88740 રૂપિયાનું અંતર છે.

આ પણ વાંચોઃ નોએલ ટાટાનો માસ્ટર સ્ટ્રોક, ટાટા સન્સના IPOથી બચવા માટે બનાવ્યો આ ખાસ ફોર્મ્યુલા!

લેવલ 6 કર્મચારીને કેટલો ફર્ક પડશે?
જો લેવલ 6ની વર્તમાન બેઝિક સેલેરી 35400 રૂપિયા છે તો ફિટમેન્ટ ફેક્ટર 2.57 લાગવા પર 90978 રૂપિયા અને 2.86 થવા પર 1,01,244 રૂપિયા બેઝિક પે થઈ જશે. એટલે કે બંને વચ્ચે 10266 રૂપિયાનો તફાવત માસિક રહેશે.

કેટલો થશે ફાયદો?
ફિટમેન્ટ ફેક્ટર 2.57થી 2.86 વચ્ચે 0.29નું અંતર છે. તેથી બંને ફિટમેન્ટ ફેક્ટર મેળવો તો 18000 રૂપિયા બેઝિક પે મેળવનાર કર્મચારી માટે આશરે 5220, 35400 રૂપિયા બેઝિકવાળા માટે આશરે 10266 રૂપિયા અને 44900 રૂપિયા બેઝિક પે કર્મચારીઓ માટે આશરે 13021 રૂપિયા પ્રતિ મહિને બેઝિક પેનું અંતર આવી રહ્યું છે. હવે જોવાનું રહેશે કે ક્યું ફિટમેન્ટ ફેક્ટર લાગૂ કરવામાં આવે છે.