Apple એ રિલીઝ કર્યું iOS 27.2 અપડેટ, જાણો શું નવું મળશે અને કયા iPhones મોડલ પર કરશે સપોર્ટ?

Apple એ પોતાના iPhone યૂઝર્સ માટે iOS 27.2 અપડેટ રિલીઝ કરીને સૌથી મોટા ખુશખબર આપી દીધા છે. આ અપડેટમાં Siri AI ને પહેલાં કરતા વધુ સ્માર્ટ બનાવવા સાથે મેસેજ અને Photos એપમાં પણ નવા ફીચર્સ જોડવામાં આવ્યા છે. કંપનીના જણાવ્યા મુજબ, અપડેટમાં 160 થી વધુ સુરક્ષા ટેકનિકલ ખામીઓને ઠીક કરવામાં આવી છે. હવે Siri અગાઉની વાતચીતના આધારે સવાલોના જવાબ આપી શકશે. આ ઉપરાંત, યૂઝર્સને રોજના કામ કરવા માટે ઘણા નવા વિકલ્પો પણ મળશે.

નવા અપડેટમાં મળશે આ ફીચર્સ

અગાઉની વાતચીતના આધારે જવાબ આપશે Siri

iOS 27.2 અપડેટ પછી Siri અગાઉની વાતચીતને ધ્યાનમાં રાખીને સવાલોના જવાબ આપી શકશે. ઉદાહરણ તરીકે, જો Siri એ ગયા અઠવાડે કોઈ રેસ્ટોરન્ટનું સૂચન કર્યું હતું, તો યૂઝર પછીથી ફરીથી તે રેસ્ટોરન્ટ વિશે પૂછી શકે છે. આનાથી દર વખતે પૂરી માહિતી ફરીથી આપવાની જરૂરિયાત ઓછી થઈ શકે છે.

ઘણી એપ્સમાંથી માહિતી લઈ શકશે Siri

Siri હવે મેસેજમાં શેર કરેલી તસવીરો, કેલેન્ડરમાં રહેલા લોકો, વોઈસમેલ, Safari ની બ્રાઉઝિંગ હિસ્ટ્રી અને રીડિંગ લિસ્ટમાંથી પણ માહિતી મેળવી શકશે. જો કે, યૂઝર્સ પાસે આ પસંદ કરવાનો વિકલ્પ હશે કે કઈ એપ્સનો ડેટા Siri અને Search વાપરી શકે છે. આ ઉપરાંત, Siri ના જવાબના કોઈ ખાસ ભાગને પસંદ કરીને કોપી કરવું પણ સરળ બનશે.

નવી AI સુવિધામાં હિન્દીનો સપોર્ટ નથી

Apple ની નવી AI ફીચર્સમાં ફ્રેન્ચ, જાપાનીઝ, કોરિયન, પોર્ટુગીઝ અને સ્પેનિશ ભાષાઓનો સપોર્ટ સામેલ હોવાની વાત કહેવામાં આવી છે. જો કે, હાલમાં હિન્દી ભાષાનો સપોર્ટ ઉપલબ્ધ હોવાનું જણાવાયું નથી. આ AI સુવિધાઓ બધા iPhone મોડલ્સ પર નહીં, પરંતુ કેટલા ગણતરીના ડિવાઇસ પર જ મળશે.

મેસેજ એપમાં મળશે સ્માર્ટ અભિપાયો

મેસેજ એપમાં યૂઝર્સને વાતચીતના આધારે સ્માર્ટ અભિપાયો મળી શકે છે. ઉદાહરણ તરીકે, જો કોઈ મિત્ર પેકેજનો ટ્રેકિંગ નંબર મોકલે છે, તો એપ પેકેજ ટ્રેક કરવાનો વિકલ્પ આપી શકે છે. વળી, કોઈ મિત્રનું ડિનર ઇન્વિટેશન મળવા પર કેલેન્ડરમાં કાર્યક્રમ જોડવાનું સૂચન પણ મળી શકે છે. આનાથી મેસેજ સાથે જોડાયેલી જરૂરી માહિતીને સંભાળવી સરળ બનશે.

Photos એપમાં પણ જોડાશે નવા ફીચર્સ

Photos એપમાં Shared Albums ના કેપ્શન્સ અને કમેન્ટ્સને એડિટ કરવાની સુવિધા મળવાની વાત કહેવામાં આવી છે. આ ઉપરાંત, એક જ તસવીરને વારંવાર આલમ્બમમાં જોડવાથી રોકવા અને આલમ્બમની સમય મર્યાદા પૂરી થતા પહેલાં રીમાઇન્ડર મેળવવા જેવા ફીચર્સ પણ સામેલ હોવાનો દાવો છે. AI થી બનાવેલી અથવા બદલેલી તસવીરોની ઓળખ કરવામાં મદદ માટે Google ની SynthID વોટરમાર્ક ટેક્નોલોજીનો સપોર્ટ પણ જણાવાયો છે.

FaceTime અને સ્માર્ટ હોમ યૂઝર્સ માટે નવા વિકલ્પો

FaceTime માં લાઇવ કેપ્શન આપનાર વ્યક્તિ અથવા થર્ડ-પાર્ટી સાઇન લેંગ્વેજ ઇન્ટરપ્રિટરને કોલમાં સામેલ કરવાનો વિકલ્પ મળવાની વાત કહેવામાં આવી છે. ગ્રૂપ વિડિયો કોલમાં Dual Capture ફીચરનો વિસ્તાર પણ કરવામાં આવી શકે છે.

iPhone માં iOS અપડેટ કઈ રીતે કરવું?

• સૌથી પહેલા iPhone ને Wi-Fi સાથે કનેક્ટ કરો અને ફોનમાં પૂરતી બેટરી સુનિશ્ચિત કરો.
• Settings એપ ખોલો.
• General વિકલ્પ પર ટેપ કરો.
• Software Update પર જાઓ.
• જો અપડેટ ઉપલબ્ધ છે, તો Download and Install વિકલ્પ પસંદ કરો.

કયા iPhone માં ચાલશે iOS 27.2 અપડેટ?

iOS 27.2 અપડેટ તે બધા iPhone મોડલ્સ માટે ઉપલબ્ધ છે, જેમાં iOS 27 સપોર્ટ કરે છે. તેની લિસ્ટ iOS 26 ને સપોર્ટ કરનારા iPhone મોડલ્સ જેવી જ છે. તેમાં iPhone 11 સિરીઝ અને તેના પછી લોન્ચ થયેલા તમામ મોડલ સામેલ છે. એટલે કે વર્ષ 2019 કે તેના પછી લોન્ચ થયેલા iPhone યૂઝર્સ આ અપડેટનો ઉપયોગ કરી શકે છે. આ ઉપરાંત, iPhone SE ની બીજી અને ત્રીજી જનરેશનના મોડલ્સ પણ આ લિસ્ટમાં સામેલ છે. નવા લોન્ચ થયેલા iPhone 18 Pro, iPhone 18 Pro Max અને iPhone Duo માં પણ iOS 27.2 નો સપોર્ટ મળશે.