અત્યંત દુ:ખદ સમાચાર: એશિયન ગેમ્સમાં 3 વાર ગોલ્ડ મેડલ જીતી ચૂકેલા પેરા એથલીટ નીરજ યાદવે જીવન ટૂંકાવ્યું

ભારતીય ખેલ જગતથી એક હચમચાવી નાખતા સમાચાર સામે આવ્યા છે જેણે હડકંપ મચાવ્યો છે. ભારતના પેરા એથલીટે આત્મહત્યા કરીને જીવન ટૂંકાવી લીધુ. પેરા એશિયન ગેમ્સમાં 3 વાર ગોલ્ડ મેડલ જીતનાર નીરજ યાદવે 42 વર્ષની વયે આ અંતિમ પગલું ભર્યું. એજન્સીના રિપોર્ટ મુજબ કદાચ તેમણે કોઈ ઝેરી પદાર્થ ખાઈ લીધો. નીરજ યાદવે જ્યારે 2018માં એશિયન ગેમ્સમાં ગોલ્ડ મેડલ જીત્યો હતો ત્યારે પીએમ નરેન્દ્ર મોદી સાથે મુલાકાત કરી હતી.

એફ 55  કેટેગરીમાં હરિફાઈમાં ઉતરતા હતા

• અત્રે જણાવવાનું કે 42 વર્ષના નીરજ યાદવ એફ 55 કેટેગરીમાં હરિફાઈમાં ઉતરતા હતા. 
• આ કેટેગરીમાં તેઓ પ્રતિસ્પર્ધા કરતા હતા જે સીટ પર બેસીને ખેલવાનું હોય છે. 
• નીરજ યાદવે અનેક રમતોમાં ભારતનું પ્રતિનિધિત્વ પેરા ગેમ્સમાં કર્યું હતું. 
• ટીઓઆઈના રિપોર્ટમાં જણાવાયું છે કે દિલ્હીની જીટીબી હોસ્પિટલમાં તેમના પોસ્ટમોર્ટમની પ્રક્રિયા ચાલુ છે. 
• અનેક અન્ય પેરા  એથલેટ આ સમયે હોસ્પિટલમાં હાજર હતા. 
• નીરજ યાદવે કયા સંજોગોમાં આ પગલું ભર્યું તે હજુ સામે આવ્યું નથી.

અભિષેક શર્માએ રેકોર્ડની લગાવી વણઝાર, ક્રિસ ગેલનો તોડ્યો રેકોર્ડ, તો કોહલીને પણ છોડ્યો પાછળ

ભારતીય પેરા એથલીટિક્સ ટીમના હેડ કોચ એસ સત્યનારાયણે આ ઘટનાની પુષ્ટિ કરતા કહ્યું કે તેમને આ  દુખદ ઘટના વિશે જાણકારી મળી છે. તેમણે કહ્યું કે નીરજે આત્મહત્યા કરી છે અને આ ખુબ જ દુર્ભાગ્યપૂર્ણ છે. રિપોર્ટ મુજબ નીરજ આ મહિને આઈચી નાગોયામાં થયેલા એશિયન પેરા ગેમ્સમાં ભાગ લઈ શક્યા નહતા. ડોપિંગ સસ્પેન્શનના કારણે તેમણે આ ટુર્નામેન્ટમાંથી બહાર રહેવું પડ્યું હતું. એવું કહેવાય છે કે ત્યારબાદ તેઓ ભાવનાત્મક રીતે ખુબ તણાવમાં હતા. જો કે તેમના મોતનું સટીક કારણ હજુ પણ સ્પષ્ટ થયું નથી.

નીરજ  યાદવની કરિયર

• ઉત્તર પ્રદેશના રહીશ નીરજ યાદવ ભારતના જાણીતા પેરા એથલીટ્સમાંથી એક હતા. સાત વર્ષની ઉંમરે પોસ્ટ પોલીયો રેસિડુઅલ પેરાલિસિસની જાણ થયા બાદ  પણ તેમણે પોતાના સપના પૂરા કર્યા અને પેરા ખેલોમાં ભારતનું સફળ પ્રતિનિધિત્વ કર્યું. 
• પેરા એથલેટિક્સમાં આવતા પહેલા તેઓ લગભગ 6 વર્ષ સુધી 2005થી 2012 વચ્ચે વ્હીલચેર ટેનિસ રમતા હતા. 
• ત્યારબાદ પેરા એથલેટિક્સમાં આવ્યા અને 2015માં તેમને મોટી સફળતા મળી હતી. 
• તેઓ દિલ્હી સ્ટેટ એથલેટિક્સ મીટમાં શોટ પુટ, જેવલીન અને ડિસ્કસ થ્રો ઈવેન્ટમાં ગોલ્ડ મેડલ જીત્યા હતા
• ત્યારબાદ વિશ્વ પટલ પર પણ તેમણે પોતાનો દમ દેખાડ્યો.

હું 2027નો વર્લ્ડ કપ રમવા માંગુ છું, તેથી મારે શુભમન ગિલને ખુશ રાખવો પડશે, જાણો રોહિત શર્માએ આવું કેમ કહ્યું

ત્રણ ગોલ્ડ મેડલ જીત્યા હતા

• નીરજ યાદવ ભારતના સફળ પેરા એથલીટ્સમાંથી હતા. 
• તેમણે એશિયન પેરા ગેમ્સમાં કુલ 3 ગોલ્ડ મેડલ જીત્યા હતા. 
• વર્ષ 2018માં જકાર્તામાં આયોજિત એશિયન પેરા ગેમ્સમાં તેમણે જેવલિન થ્રો (ભાલા ફેક)માં ગોલ્ડ મેડલ મેળવ્યો હતો. 
• ત્યારબાદ 2023માં હાંગઝોઉમાં થયેલી એશિયન પેરા ગેમ્સમાં તેમણે જેવલિન થ્રો અને ડિસ્કસ થ્રોમાં ગોલ્ડ મેડલ જીત્યા હતા. 
• જો કે ઓક્ટોબર 2023 બાદ તેમની કરિયર લગભગ ખતમ  થઈ ગઈ હતી.  કારણ કે તેમને નેશનલ એન્ટી ડોપિંગ એજન્સીએ સસ્પેન્ડ કર્યા હતા. 
• તેમનું સેમ્પલ બેંગલુરુમાં સ્ટેનોજોલોલ એક એનાબોલિક સ્ટેરોઈડ માટે તેઓ પોઝિટિવ મળી આવ્યા હતા.