ICC World Cup 2027 Schedule: ભારતના ગ્રુપમાં ઓસ્ટ્રેલિયા અને પાકિસ્તાન, કોની સામે ક્યારે રમશે ટીમ ઈન્ડિયા? જુઓ ફુલ શેડ્યૂલ

ICC World Cup 2027 Schedule: આગામી વર્ષે યોજાનાર ICC મેન્સ વર્લ્ડ કપ 2027ની જાહેરાત કરવામાં આવી છે. ગુરુવારે (1 ઓક્ટોબર) ICCએ આ મેગા ઇવેન્ટનું શેડ્યૂલ જાહેર કર્યું. 50 ઓવરનો વર્લ્ડ કપ 2027 દક્ષિણ આફ્રિકા, ઝિમ્બાબ્વે અને નામિબિયામાં યોજાશે. ICC શેડ્યૂલ મુજબ, ટુર્નામેન્ટ 2 ઓક્ટોબર, 2027ના રોજ શરૂ થશે, અને ફાઇનલ 21 નવેમ્બરના રોજ યોજાશે. કુલ 57 મેચ 12 સ્થળોએ રમાશે. દક્ષિણ આફ્રિકામાં આઠ, ઝિમ્બાબ્વેમાં ત્રણ અને નામિબિયામાં એક મેચ રમાશે.

ભારતને ગ્રુપ Aમાં અફઘાનિસ્તાન, ઓસ્ટ્રેલિયા, પાકિસ્તાન, ઝિમ્બાબ્વે અને ક્વોલિફાયર 1 સાથે મૂકવામાં આવ્યું છે. બીજી તરફ ગ્રુપ Bમાં બાંગ્લાદેશ, ઇંગ્લેન્ડ, દક્ષિણ આફ્રિકા, શ્રીલંકા, ન્યુઝીલેન્ડ અને ક્વોલિફાયર 2નો સમાવેશ થાય છે. ટીમ ઇન્ડિયા 7 ઓક્ટોબરે કેપટાઉનમાં ઓસ્ટ્રેલિયા સામે તેના અભિયાનની શરૂઆત કરશે, ત્યારબાદ 10 તારીખે જોહાનિસબર્ગમાં પાકિસ્તાન સામે મેચ રમશે.

2027 વર્લ્ડ કપ માટે ભારતીય ટીમનું ટાઈમટેબલ

• 7 ઓક્ટોબર - ભારત વિરુદ્ધ ઓસ્ટ્રેલિયા - કેપ ટાઉન
• 10 ઓક્ટોબર - ભારત વિરુદ્ધ પાકિસ્તાન - જોહાનિસબર્ગ
• 14 ઓક્ટોબર - ભારત વિરુદ્ધ અફઘાનિસ્તાન - ત્શ્વેન
• 17 ઓક્ટોબર - ભારત વિરુદ્ધ ક્વોલિફાયર A - બ્લોમફોન્ટેન
• 24 ઓક્ટોબર - ભારત વિરુદ્ધ ઝિમ્બાબ્વે - વિક્ટોરિયા ફોલ્સ
• 17 નવેમ્બર - સેમિ-ફાઇનલ 1 - કેપ ટાઉન
• 18 નવેમ્બર - સેમિ-ફાઇનલ 2 - ત્શ્વેન
• 21 નવેમ્બર - ફાઇનલ - જોહાનિસબર્ગ

વર્લ્ડ કપ ફોર્મેટ

2027 વર્લ્ડ કપનું ફોર્મેટ અલગ અને નવું હશે, જેમાં નોકઆઉટ સ્ટેજ પહેલા ત્રણ સ્ટેજ હશે. ટુર્નામેન્ટ 2 ઓક્ટોબર, 2027ના રોજ વિન્ડહોકમાં "સુપર સિરીઝ" સાથે શરૂ થશે. આ ત્રણ ટીમોનો સ્ટેજ હશે જે ગ્રુપ સ્ટેજ માટે ફાઇનલિસ્ટ નક્કી કરશે. બાકીની 12 ટીમોને 6 ટીમોના 2 ગ્રુપમાં વિભાજિત કરવામાં આવશે, જેમાં શ્રેષ્ઠ સાત ટીમો "સુપર 7" સ્ટેજમાં આગળ વધશે. ટોચની 4 ટીમો સેમિફાઇનલ માટે ક્વોલિફાય થશે, અને ફાઇનલ મેચ 21 નવેમ્બરે રમાશે.

2003માં શું થયું હતું?

જ્યારે ઝિમ્બાબ્વે અને નામિબિયા પણ ICC વર્લ્ડ કપ 2027નું આયોજન કરી રહ્યા છે, ત્યારે મોટાભાગની મેચ દક્ષિણ આફ્રિકામાં રમાશે. છેલ્લો 50 ઓવરનો વર્લ્ડ કપ 2003માં આ દેશમાં યોજાયો હતો. સૌરવ ગાંગુલીના નેતૃત્વમાં, ટીમ ઇન્ડિયા ફાઇનલમાં પહોંચી હતી પરંતુ ઓસ્ટ્રેલિયા સામે કારમી હારનો સામનો કરવો પડ્યો હતો. રિકી પોન્ટિંગની કેપ્ટનશીપમાં, કાંગારૂ ટીમ વર્લ્ડ ચેમ્પિયન બની હતી.

The #CWC27 groups are locked ⚡🔐

A cricketing extravaganza awaits! How to watch the schedule launch ➡️ https://t.co/Eod5GoN7zW pic.twitter.com/oVg7zVHLNF

— ICC (@ICC) October 1, 2026

વર્લ્ડ કપ અત્યાર સુધી 13 વખત યોજાયો છે, અને ઓસ્ટ્રેલિયાએ 7 વખત ટાઇટલ જીત્યું છે. વેસ્ટ ઈન્ડિઝ અને ભારતે બે-બે ટ્રોફી જીતી છે, જ્યારે પાકિસ્તાન, શ્રીલંકા અને ઈંગ્લેન્ડે એક-એક ટ્રોફી જીતી છે.

ભારતે વર્લ્ડ કપમાં કેવું પ્રદર્શન કર્યું છે?

વર્લ્ડ કપમાં ભારતનો રેકોર્ડ ખૂબ જ અસ્થિર રહ્યો છે. ટીમ ઈન્ડિયા, ઓસ્ટ્રેલિયાની સાથે, હંમેશા ટ્રોફી માટે મજબૂત દાવેદાર માનવામાં આવે છે, પરંતુ મહત્વપૂર્ણ મેચોમાં, મેન ઇન બ્લુના સપના ચકનાચૂર થઈ જાય છે. ભારતે અત્યાર સુધીમાં 8 વાર (1983 અને 2011) ટાઇટલ જીત્યું છે, જ્યારે સેમિફાઇનલમાં ત્રણ વખત (1996, 2015, 2019) અને ફાઇનલમાં બે વાર (2003 અને 2023) આઘાત જનક હારનો સામનો કરવો પડ્યો છે.

ગયા વર્લ્ડ કપમાં, ભારતે સતત 10 મેચ જીતી હતી પરંતુ અમદાવાદમાં ફાઇનલમાં ઓસ્ટ્રેલિયા સામેની કારમી હારનો સામનો કરવો પડ્યો હતો. શુભમન ગિલના નેતૃત્વમાં, ટીમ ઇન્ડિયા ત્રીજી વખત ટ્રોફી જીતવા માટે પ્રયત્નશીલ રહેશે. ભારત ઓસ્ટ્રેલિયા, ઇંગ્લેન્ડ અને દક્ષિણ આફ્રિકા જેવી મજબૂત ટીમોને હરાવવાનો પડકારનો સામનો કરશે.

2027નો વર્લ્ડ કપ કેમ અલગ હશે?

2027નો વર્લ્ડ કપ અગાઉની આવૃત્તિઓ કરતાં નોંધપાત્ર રીતે અલગ હશે. પ્રથમ, ટીમોની સંખ્યા 10થી વધીને 14 થશે. વધુમાં, સિંગલ-લીગ ફોર્મેટને દૂર કરવામાં આવશે. સ્પર્ધકોની સંખ્યા ઘટાડીને 12 કરવા માટે પ્રારંભિક "સુપર સિરીઝ" હશે, ત્યારબાદ 6 ટીમોના બે ગ્રુપ હશે, અને પછી "સુપર 7" રાઉન્ડ હશે. "સુપર 7" માંથી ચાર ટીમો સેમિફાઇનલમાં પહોંચશે. આ ફોર્મેટ ખૂબ જ કઠોર છે અને એવું લાગે છે કે તે બહુવિધ રાઉન્ડમાં સતત પ્રદર્શન કરતી ટીમોને પુરસ્કાર આપવા માટે રચાયેલ છે.

𝙈𝘼𝙍𝙆 𝙔𝙊𝙐𝙍 𝘾𝘼𝙇𝙀𝙉𝘿𝘼𝙍𝙎 🗓️

The ICC Men’s #CWC27 fixtures have been unveiled 🏆

Access the ticket ballot 🎫 https://t.co/MSLEQzcObb pic.twitter.com/dpTE4TEjO7

— ICC (@ICC) October 1, 2026

આ ટીમો વર્લ્ડ કપ 2027 માટે ક્વોલિફાય થઈ ગઈ

યજમાન દેશો દક્ષિણ આફ્રિકા અને ઝિમ્બાબ્વે પહેલાથી જ "પૂર્ણ સભ્ય યજમાન" તરીકે ટુર્નામેન્ટ માટે ક્વોલિફાય થઈ ગયા છે. જો કે, નામિબિયા પણ એક યજમાન દેશ છે, પરંતુ તે "એસોસિએટ દેશ" હોવાથી તેને આપોઆપ ક્વોલિફાય મળતું નથી. આ બે યજમાન દેશો ઉપરાંત, ભારત, ઓસ્ટ્રેલિયા, ન્યુઝીલેન્ડ, પાકિસ્તાન, ઇંગ્લેન્ડ, શ્રીલંકા, અફઘાનિસ્તાન અને બાંગ્લાદેશ ODI રેન્કિંગ દ્વારા ક્વોલિફાય થયા છે. બાકીની ચાર ટીમોનો નિર્ણય વર્લ્ડ કપ 2027 ક્વોલિફાયર દ્વારા લેવામાં આવશે.