ડંકાની ચોટ પર લખી રાખજો! નવમા નોરતાથી મેઘો ખેલૈયાઓનો મૂડ બગાડશે, જાણો અંબાલાલની વાવાઝોડું અને વરસાદની આગાહી

ક્યાં અને કેટલો કમોસમી વરસાદ પડશે?

રાજ્યના પાટનગર ગાંધીનગર અને સૌથી મોટા શહેર અમદાવાદમાં પણ આગામી સમયમાં વાદળછાયું વાતાવરણ રહેવાની સંભાવના વ્યક્ત કરવામાં આવી છે. માત્ર વાદળો જ નહીં, પરંતુ રાજ્યના કેટલાક વિસ્તારોમાં કમોસમી વરસાદ અથવા છાંટા પડવાની પણ સંભાવના છે. દક્ષિણ સૌરાષ્ટ્ર અને પશ્ચિમ સૌરાષ્ટ્રના કેટલાક વિસ્તારોમાં કમોસમી વરસાદ વરસી શકે છે.

રાજસ્થાનની બોર્ડર પર આવેલા ગુજરાતના વિસ્તારોમાં સામાન્ય છાંટા

આ ઉપરાંત, દક્ષિણ ગુજરાતના કેટલાક ભાગોમાં પણ હળવા છાંટા કે કમોસમી વરસાદ પડવાની શક્યતા છે. પૂર્વ ગુજરાતના કેટલાક ભાગોમાં પણ કમોસમી વરસાદની સંભાવના છે, જ્યારે રાજસ્થાનની બોર્ડર પર આવેલા ગુજરાતના વિસ્તારોમાં સામાન્ય છાંટા પડી શકે છે.

બંગાળના ઉપસાગર અને અરબી સમુદ્રની સિસ્ટમોની અસર

હવામાન નિષ્ણાંતના જણાવ્યા અનુસાર, આગામી દિવસોમાં સમુદ્રમાં બનનારી વિવિધ સિસ્ટમોને આકાર આપશે. બંગાળના ઉપસાગરમાં સર્જાનાર સિસ્ટમના કારણે 17 થી 20 તારીખ દરમિયાન નવી સિસ્ટમ બનશે. આ સિસ્ટમ બનવાની સાથે જ ઉત્તરીય પર્વતીય ભાગોમાં એક વેસ્ટર્ન ડિસ્ટર્બન્સ (પશ્ચિમી વિક્ષેપ) આવશે. અરબી સમુદ્ર સક્રિય થશે, પરંતુ આ સિસ્ટમ ઓમાન તરફ જવાની શક્યતા છે.

28 ઓક્ટોબરથી 5 નવેમ્બર દરમિયાન ચક્રવાત અને ભારે વરસાદની શક્યતા

અંબાલાલ પટેલે આગામી ઓક્ટોબરના અંત અને નવેમ્બરની શરૂઆત અંગે વધુ ગંભીર આગાહી કરી છે. 28 ઓક્ટોબરથી 5 નવેમ્બર દરમિયાન બંગાળના ઉપસાગરમાં ચક્રવાત બનવાની શક્યતા છે, જ્યારે અરબ સાગરમાં ડિપ ડિપ્રેશન બનવાની શક્યતા રહેલી છે.

કેટલાક ભાગોમાં બે ઇંચ આસપાસ વરસાદ થવાની શક્યતા

દેશના ઉત્તરીય પર્વતીય પ્રદેશોમાં મજબૂત વેસ્ટર્ન ડિસ્ટર્બન્સ બનવાની શક્યતા છે. આ સિસ્ટમોના પ્રભાવથી ગુજરાતના કેટલાક વિસ્તારોમાં કમોસમી વરસાદ પડી શકે છે. ખાસ કરીને કેટલાક ભાગોમાં 1 ઇંચથી વધુ તો કેટલાક ભાગોમાં બે ઇંચ આસપાસ વરસાદ થવાની શક્યતા વ્યક્ત કરવામાં આવી છે.