પાછું વાવાઝોડું? બંગાળની ખાડીમાં ભારે હલચલ, લો પ્રેશર બનવાની સંભાવના, 11 રાજ્યોમાં ગાજવીજ સાથે વરસાદની આગાહી

અનેક રાજ્યોમાં ગાજવીજ સાથે વરસાદની આગાહી

હવામાન વિભાગે 23 ઓક્ટોબરે તમિલનાડુ, પુડુચેરી અને કરાઈકલમાં ભારેથી અતિ ભારે વરસાદની આગાહી કરી છે. ઉત્તર ભારતમાં પણ હવામાન બદલાવાના સંકેતો છે. ઉત્તર પ્રદેશ, દિલ્હી, બિહાર, હિમાચલ પ્રદેશ, ઉત્તરાખંડ, પંજાબ, પશ્ચિમ બંગાળ, કર્ણાટક, કેરળ અને આંધ્રપ્રદેશ સહિત અનેક રાજ્યોમાં વરસાદની ચેતવણી આપવામાં આવી છે.

75 કિમીની ઝડપે પવન ફૂંકાવવાની શક્યતા

કેટલાક વિસ્તારોમાં ગાજવીજ સાથે ભારે પવન ફૂંકાઈ શકે છે, જેની ઝડપ દર કલાકે 75 કિલોમીટર સુધી પહોંચવાની આશંકા વ્યક્ત કરવામાં આવી છે. મધ્ય પ્રદેશ, છત્તીસગઢ, રાજસ્થાન, ઓડિશા, ઝારખંડ અને તેલંગાણામાં પણ હળવાથી મધ્યમ વરસાદ થઈ શકે છે. જો કે, વરસાદની તીવ્રતા અને તેની અસર જુદા-જુદા વિસ્તારોમાં અલગ-અલગ રહી શકે છે.

ટ્રોપિકલ સાયક્લોન બનશે કે નહીં તે તો સમય કહેશે

IMDના જણાવ્યાં મુજબ બંગાળની ખાડીમાં ઓક્ટોબરથી ડિસેમ્બર વચ્ચે ચક્રવાતી ગતિવિધિઓની આશંકા રહેતી હોય છે. સમુદ્રનું ગરમ પાણી અને અનુકૂળ વાયુમંડળીય પરિસ્થિતિઓ કોઈ પણ હવામાન સિસ્ટમને તાકાત આપી શકે છે. જો કે વેધર સિસ્ટમ ટ્રોપિકલ સાયક્લોનનું સ્વરૂપ પકડશે કે નહીં તેના વિશે કશું હાલ કહી શકાય નહીં. જેના રસ્તા, પાવર, અને ભારતીય કાંઠાઓ પર સંભવિત અસરની તસવીર આવનારા દિવસોમાં સ્પષ્ટ થઈ શકશે.

ગુજરાત માટે શું છે આગાહી

બીજી બાજુ રાજ્ય હવામાન વિભાગે આગાહી કરતા કહ્યું છે કે આગામી 7 દિવસ વાતાવરણ સૂકું રહેશે. ઉત્તરથી ઉત્તર પૂર્વના વાયરા ફૂંકાયા. ઓક્ટોબર મહિનામાં રાજકોટ ગરમ રહ્યું. રાજકોટમાં 2002 ના ઓક્ટોબરમાં મહત્તમ તાપમાન 41.9 ડીગ્રી નોંધાયું હતું. ત્યાર બાદ રાજકોટમાં 2020 મહત્તમ તાપમાન 40.2 ડીગ્રી નોંધાયું. ચાલુ વર્ષ 20026 ઓક્ટોબર મહિનામાં મહતમ તાપમાન 40.8 ડીગ્રીએ પહોંચ્યું. રાજકોટમાં મહતમ તાપમાન સામાન્ય કરતા 4 ડીગ્રી ઊંચું નોંધાયું. રાજ્યમાં મહત્તમ તાપમાન સામાન્યથી 2 થી 4 ડીગ્રી ઊંચું જોવા મળ્યું. ઓક્ટોબરમાં મહત્તમ તાપમાન ઊંચું રહેતા ઉનાળાની ગરમી જેવો અહેસાસ થઈ રહ્યો છે.