ગુજરાતમાંથી ચોમાસાની વિદાય! છતાં વેસ્ટર્ન ડિસ્ટર્બન્સને કારણે 17 રાજ્યોમાં વરસાદની આગાહી, જાણો ગુજરાતનું કેવું રહેશે હવામાન?

ગુજરાત રાજ્યમાં હાલ ઉત્તર-પશ્ચિમથી ઉત્તર દિશાના પવનો ફૂંકાઈ રહ્યા છે. હવામાન વિભાગની આગાહી મુજબ, રાજ્યમાં આગામી દિવસોમાં હવામાન મુખ્યત્વે શુષ્ક રહેવાની સંભાવના છે. સૌરાષ્ટ્ર અને કચ્છમાં વરસાદની કોઈ જ શક્યતા નથી. જોકે, સૌરાષ્ટ્રના કેટલાક વિસ્તારોમાં મહત્તમ તાપમાન સામાન્ય કરતા નોંધપાત્ર ઊંચું રહ્યું છે. રાજકોટમાં 39.8 ડિગ્રી સેલ્સિયસ સાથે રાજ્યનું સૌથી વધુ મહત્તમ તાપમાન નોંધાયું છે. રાજ્યમાં મહત્તમ તાપમાન સામાન્ય કરતાં અંદાજે 1 થી 2 ડિગ્રી વધુ રહેવાની સંભાવના છે, જેના કારણે લોકોને ગરમી અને બફારાનો અનુભવ થઈ રહ્યો છે.