ઓછા ખર્ચે ગોવા જેવી મજા, ગુજરાતના આ 5 બીચ ડેસ્ટિનેશન દિવાળી વેકેશન માટે છે બેસ્ટ ઓપ્શન

શિવરાજપુર બીચ

દ્વારકા નજીક આવેલું શિવરાજપુર બીચ બ્લુ ફ્લેગ બીચ છે. આ બીચ ભારતના સૌથી સાફ અને સુંદર બીચમાંથી એક છે. અહીં સ્કૂબા ડાઈવિંગ, સ્નોર્કલિંગ, પેરાસેલિંગ જેવી વોટર સ્પોર્ટ એક્ટિવિટી પણ કરી શકો છો.

નાગોઆ બીચ

નાગોઆ બીચ કેન્દ્ર શાસિત પ્રદેશ દીવમાં આવેલો છે. દીવમાં નાગોઆ બીચ સૌથી લોકપ્રિય અને સુંદર જગ્યા છે. દિવ શહેરથી 8 કિલોમીટર દુર આવેલો આ બીચ અર્ધ વૃત્તાકારમાં છે. અહીંનું પાણી સાફ અને બ્લુ છે. નાગોઆ બીચ ખાતે પણ વોટર સ્પોર્ટ એક્ટિવિટી કરી શકાય છે.

સુવાલી બીચ

જો તમે થોડું વધારે ટ્રાવેલ કરવા માંગો છો તો તમે સૂરત નજીક આવેલા સુવાલી બીચ પણ જઈ શકો છો. સુવાલી બીચ કાળી રેતીવાળો દરિયાકિનારો છે. અહીંનું શાંત વાતાવરણ અને દરિયાની સુંદરતા તમને શાંતિનો અનુભવ કરાવશે. સુવાલી બીચનો સનસેટ સૌથી બેસ્ટ હોય છે.

માંડવી બીચ

કચ્છમાં આવેલો માંડવી બીચ પણ ફરવા માટે બેસ્ટ જગ્યા છે. માંડવી બીચ આસપાસ પણ ફરવાની ઘણી જગ્યાઓ છે. માંડવી બીચ પર પણ ઊંટની સવારી, હોર્સ રાઈડિંગ, પેરાસેલિંગ જેવી એક્ટિવિટી કરી શકો છો. માંડવી બીચ નજીક વિજય વિલાસ પેલેસ પણ આવેલો છે. જ્યાં હમ દિલ દે ચુકે સનમ ફિલ્મનું શૂટિંગ થયું હતું.

માધવપુર બીચ

માધવપુર બીચ સોમનાથ પોરબંદર હાઈવે પર આવેલો સૌથી સુંદર દરિયાકિનારો છે. માધવપુર અરબ સમુદ્ર કિનારે આવેલી શાંત જગ્યા છે. અહીંનો દરિયાકિનારો સૌથી શાંત અને સુંદર છે. માધવપુરના દરિયા કિનારે ભાઈબીજના દિવસે મોટી સંખ્યામાં લોકો સ્નાન કરવા પહોંચે છે. દરિયામાં ભાઈ બીજના સ્નાનનું વિશેષ મહત્વ છે.