સફરજન ખરીદો ત્યારે તેના આ ભાગને ખાસ ચેક કરજો, ચાખ્યા વિના ખબર પડી જશે સફરજન મીઠું છે કે નહીં

સફરજનનો રંગ નહીં પેટર્ન જુઓ

સફરજન સારું અને મીઠું છે તેની ઓળખ તેના લાલ રંગ પરથી ન કરો. તેના પરની પેટર્નને ધ્યાનથી જુઓ. લાલ સફરજન સારા જ હોય તેવું નથી. જે ફળ પર પીળી અને લાલ રંગની ધારીઓ દેખાતી હોય તે ફળ મીઠું નીકળે તેવી શક્યતા વધારે હોય છે.

કડક સફરજન

સફરજન ખરીદો ત્યારે હંમેશા એવું ફળ લેવું જે કડક હોય. સફરજનની વાત હોય તો તાજા ફળ હંમેશા કડક હોય છે. જો સફરજન જરા પણ સોફ્ટ લાગે તો તે વાસી અને ગળેલું હોય શકે છે. એટલે સફરજન હંમેશા કડક હોય એવું લેવું.

સફરજનનો આકાર

સફરજન ખરીદો ત્યારે એવા ફળ પસંદ કરવા જે મધ્યમ આકારના હોય. મોટા ફળ સ્વાદમાં ફીકા હોય શકે છે. તેથી મીડિયમ સાઈઝનું ફળ લેવું.

સફરજનનો ઉપરનો ભાગ અને સુગંધ

સફરજનનું ફળ હાથમાં લઈ જે ભાગમાં ડાળખી હોય તે ભાગ ધ્યાનથી જુઓ. જો સફરજનનો આ ભાગ થોડો લીલો કે પીળો હોય અને તેમાંથી સુગંધ આવતી હોય તો તે ફળ મીઠું હશે. જે ફળ તાજા અને મીઠા હોય તેમાંથી સુગંધ આવે છે. એટલે સફરજનની સુગંધ પણ તમને જણાવી દેશે કે ફળ સારું છે કે નહીં. (Disclaimer: અહીં આપેલી માહિતી સામાન્ય માહિતી પર આધારિત છે. ZEE24kalak તેની પુષ્ટિ કરતું નથી.)