ઉલ્ટી ચાલ ચલીને ગ્રહોના રાજકુમાર કરાવશે બંપર અણધાર્યો લાભ, આર્થિક-કરિયરના મોરચે ખુલશે પ્રગતિના દ્વાર

વક્રી ચાલનો અર્થ

બુધ વક્રી અવસ્થામાં આવશે એટલું એવું નહીં કે બુધ વાંકો ચાલે અથવા તો ઉલ્ટો હોય. સૂર્ય અને ચંદ્રને બાદ કરતા બધા ગ્રહો વક્રી અવસ્થામાં જોવા મળે છે. જ્યારે રાહુ અને કેતુ તો હંમેશા વક્રી અવસ્થામાં જ હોય છે. ક્યારેક ક્યારેક કોઈ ગ્રહ એક રાશિમાં વક્રી થઈને પાછલી રાશિમાં જાય છે અને ક્યારેક તે રાશિમાં જ રહે છે. પછી જેવો વક્રી સમય પૂરો થાય કે પાછો માર્ગી થાય છે. એટલે કે જૂની સ્થિતિમાં આવે છે. પરંતુ તમને જણાવી દઈએ કે ગ્રહ ક્યારેય પાછળ ચાલતો નથી. આ એક ભ્રમ છે જે પૃથ્વીથી જોવા મળે છે. પૃથ્વી પોતાની ધરી પર ફરે છે અને ફરતી પૃથ્વીથી ગ્રહનું અંતર અને પૃથ્વી તથા તે ગ્રહની પોતાની ગતિના અંતરના કારણે એવું લાગે છે કે જાણે ગ્રહ વક્રી અવસ્થામાં છે એટલે કે ઉલ્ટો ચાલે છે. ગ્રહોની સ્થિતિ, ચાલની અસર આપણા જીવન પર પડતી હોય છે. જેને લઈને જ્યોતિષ શાસ્ત્રમાં અલગ અલગ મત પ્રવર્તતા હોય છે. હવે બુધની આ વક્રી ચાલ કઈ રાશિઓને ફાયદો કરાવશે એ પણ જાણી લો.

વૃષભ રાશિ

શુક્ર જેના સ્વામી છે તે વૃષભ રાશિવાળા માટે આ સમય સકારાત્મક રહી શકે છે. પરિવારમાં લાંબા સમયથી ચાલતી અણબન દૂર થઈ શકે છે. સામાજિક ક્ષેત્રે મજબૂત ઓળખ ઊભી થઈ શકે છે. નવી નોકરી શોધતા લોકોને સારી તક મળી શકે છે. પરીક્ષાની તૈયારી કરતા જાતકોને સકારાત્મક પરિણામ મળી શકે છે. સંતાન તરફથી સારા સમાચાર મળી શકે છે. આર્થિક મોરચે પણ ફાયદો થઈ શકે છે.

ધનુ રાશિ

બૃહસ્પતિ ગુરુ જેમના સ્વામી છે તે ધનુ રાશિના જાતકો માટે બુધની આ વક્રી ચાલ નવી તકો લાવી શકે છે. વિદેશ જવાની યોજના ઘડતા હશો તો સકારાત્મક પરિણામ મળી શકે છે. વિદેશમાં કારોબાર હોય તો લાભ થઈ શકે છે. વિઝા અને જરૂરી દસ્તાવેજોના કામ પૂરા થાય તેવી શક્યતા છે. આર્થિક સ્થિતિમાં સુધારો થઈ શકે અને કમાણીના નવા દ્વાર ખુલી શકે છે. નોકરીયાતોને નવી તક મળી શકે છે.

કુંભ રાશિ

કુંભ રાશિના સ્વામી શનિ પોતે છે. લાંબા સમયથી ચાલી રહેલો વિરોધ કે કામમાં આવતી અડચણો દૂર થઈ શકે છે. પૈતૃક સંપત્તિના મામલે રાહત મળવાના અને પરિવારમાં કોઈ માંગલિક આયોજન થાય તેવા સંકેત છે. સ્પર્ધાત્મક પરીક્ષાની તૈયારી કરતા લોકોને મહેનત રંગ લાવી શકે છે. ધનલાભના સંકેત મળી રહ્યા છે. (Disclaimer: અહીં અપાયેલી માહિતી જ્યોતિષ માન્યતાઓ તથા ગ્રહ ગોચરની વ્યાખ્યાઓ, સામાન્ય માન્યતાઓ અને જાણકારીઓ પર આધારિત છે, Z 24 કલાક તેની પુષ્ટિ કરતું નથી.)