અંબાલાલની આગાહી: ગરમી કરશે હેરાન પરેશાન, આ તારીખથી હવામાનમાં આવશે જોરદાર પલટો! 3 વાવાઝોડા વિશે શું કહ્યું એ પણ જાણો

ગુજરાતના આ ભાગોમાં ગરમી!

ઉત્તર ગુજરાતના ભાગોમાં પણ ઓક્ટોબરમાં 37-38 ડિગ્રી તાપમાન રહેવાની શક્યતા રહેશે. તેમના જણાવ્યાં મુજબ ઉતર સૌરાષ્ટ્રના ભાગો મોરબી, સુરેન્દ્રનગરમાં 36-થી 38 ડિગ્રી તાપમાન રહી શકે છે. આગાહી મુજબ કરછના ભાગોમાં 37-38 ડિગ્રી તાપમાન રહી શકે છે. અમરેલી જુનાગઢમાં પણ ગરમી રહી શકે છે. દ્વારકાના ભાગોમાં ‌ગરમી 37-40 ડિગ્રી રહી શકે છે. પોરબંદર જામનગરના ભાગોમાં પણ ગરમી રહી શકે છે. ભરૂચ, સુરત વગેરે ભાગોમાં ગરમી રહી શકે છે.

16 ઓક્ટોબરથી હવામાનમાં આવશે પલટો

અંબાલાલ પટેલની આગાહી મુજબ ઓક્ટોબર 15 સુધી ગરમી રહી શકે છે. 10-12 ઓક્ટોબર વાદળછાયું વાતાવરણ રહી શકે. 16 ઓક્ટોબરથી હવામાન પલટાઈ શકે છે. 17 ઓક્ટોબરથી દરિયામાં ભારે પવન ફૂંકાવવાની આગાહી કરાઈ છે. જો અલ નીનોની અસર ન થાય તો 20 ઓક્ટોબર આસપાસ વરસાદ આવી શકે છે. 26 ઓક્ટોબરથી હવામાનમાં ફરી પલટો આવી શકે. શરદ પૂર્ણિમા પર વાદળો આવે તેવી શક્યતા છે. 8-12 ઓક્ટોબર, 14-18 ઓક્ટોબરે વેસ્ટર્ન ડિસ્ટર્બન્સ રહી શકે છે.

મહિનાના અંતમાં માવઠું!

અંબાલાલે જણાવ્યું કે મહિનાના અંતમાં સ્ટ્રોંગ વેસ્ટર્ન ડિસ્ટર્બન્સને કારણે માવઠું થઈ શકે છે. બંગાળના ઉપસાગરની શાખા સક્રિય રહેશે. 12-15 ઓક્ટોબર આસપાસ બંગાળનો ઉપસાગર સક્રિય રહી શકે છે.

વાવાઝોડાની આગાહી

પ્રશાંત મહાસાગરમાં વિકરાળ વાવાઝોડું બની રહ્યું છે. જે સુપર સાયક્લોન બનવાની શક્યતા રહેશે. દક્ષિણ ચીનના ભાગો કે જાપાનના ભાગોમાં ભારે વિનાશ પણ સર્જી શકે. તેમણે કહ્યું કે વાવાઝોડું ચૂઈવાન , વાવાઝોડું નોલા, કોગોમા વાવાઝોડાની અસરો ભારે છે. જેની અસર દક્ષિણ ચીન, જાપાનમાં થવાની શક્યતા રહેશે. જેના અવશેષો બંગાળના ઉપસાગરમાં આવે તો બંગાળનો ઉપસાગર વધુ સક્રિય થશે. 12થી 15 ઓક્ટોબરમાં બંગાળના ઉપસાગરમાં સિસ્ટમ બનવાની શક્યતા રહેશે. 17મી આસપાસ બંગાળનો ઉપસાગર વધુ સક્રિય થશે. સામાન્ય કે ડીપ ડિપ્રેશન બનવાની શક્યતા રહે. અરબ સાગરમાં પણ સિસ્ટમ બનવાની શક્યતા રહે. આ મહિનાના અંતમાં એક મજબૂત વેસ્ટર્ન ડિસ્ટર્બન્સ દેશના ઉત્તરી પર્વતીય ભાગોમાં આવવાની શક્યતા રહે. જેની અસર ગુજરાતના ભાગો સુધી થવાની શક્યતા રહે.