મુસાફરોને મોટો ઝટકો: ઇન્ડિગોએ ડોમેસ્ટિક અને ઇન્ટરનેશનલ રૂટ પર ફ્યુઅલ ચાર્જ ફરી વધાર્યો, 6 ઓક્ટોબરથી લાગુ થશે નવા દરો!

એવિએશન ટર્બાઇન ફ્યૂલ (ATF) ની કિંમતોમાં એક મહિનામાં 14 ટકાના વધારા બાદ ઈન્ડિગોએ ઘરેલું અને આંતરરાષ્ટ્રીય ઉડાનો પર ફ્યૂલ ચાર્જ વધારી દીધો છે. એરલાઇન પ્રમાણે ATF ની કિંમત છેલ્લા એક દાયકાના હાઈ લેવલ પર પહોંચી ગઈ છે અને તેનાથી ઓપરેશન ખર્ચ પર દબાવ વધ્યો છે. ઘરેલું ઉડાનોમાં હવે અંતર પ્રમાણે 375થી 1300 રૂપિયા પ્રતિ સેક્ટર સુધી ફ્યૂલ ચાર્જ આપવો પડશે. એપ્રિલમાં આ ચાર્જ 275 થી 950 રૂપિયા સુધી હતો. એરલાઇને તે પણ કહ્યું કે તે સ્થિતિ પર નજર રાખશે અને જરૂર પડવા પર યોગ્ય ફેરફાર કરશે. ઈન્ડિગો દરરોજ 2200થી વધુ ફ્લાઇટ ઓપરેટ કરે છે.

IndiGo ની ઓપરેટર કંપની ઇન્ટર ગ્લોબ એવિએશનના શેર 5 ઓક્ટોબર આજે બપોરે આશરે 2 કલાકે BSE પર 4930 રૂપિયા પર કારોબાર કરી રહ્યાં હતા, જે પાછલા બંધ ભાવથી 0.18 ટકા ઉપર હતો.

ANI ના રિપોર્ટ પ્રમાણે ઈન્ડિગોએ કહ્યું કે ઈંધણ ખર્ચમાં સતત વધારાની ભરપાઈ કરવા માટે વધારે શુલ્ક વધારવો પડતો, પરંતુ ગ્રાહકો પર ભાર ઓછો રાખવા માટે કંપનીએ સામાન્ય અને નિયંત્રિત વધારો કર્યો છે.

IndiGo has announced a fresh recalibration of fuel charges across its domestic and international routes, effective for all new bookings made after 0001 hours on October 06, 2026. The airline stated that a sustained rise in Aviation Turbine Fuel (ATF) prices, including a recent month-on-month surge exceeding 14%, has forced a revision of its operational cost structure to offset the volatile fuel market environment. IndiGo expressed regret over the additional financial strain on its passengers but emphasized that the adjustment is a relatively modest approach to counter volatile global fuel prices.

— ANI (@ANI) October 5, 2026

રોયટર્સ પ્રમાણે એરલાઇન્સના ઓપરેટિંગ ખર્ચમાં જેટ ફ્યૂલનો હિસ્સો 40 ટકા સુધી હોય છે અને કિંમતોમાં ભારે ઉતાર-ચઢાવથી તેના નફા પર અસર પડે છે. ઈન્ડિગોને પ્રથમ ક્વાર્ટરમાં 3.82 અબજ રૂપિયાનું નુકસાન થયું હતું. કંપનીએ મેમાં કહ્યું હતું કે તે માર્જિનને સુરક્ષિત રાખવા માટે ફ્યૂલની કિંમતોના હેજિંગ પર વિચાર કરશે.

આંતરરાષ્ટ્રીય ઉડાનો પર પણ વધ્યો ચાર્જ
SAARC, 500 કિમી સુધી: ₹1,000

SAARC, 501 કિમીથી વધી: ₹3,000

દક્ષિણ-પૂર્વ એશિયા: ₹5,500

GCC અને મિડલ ઈસ્ટ: ₹5,500

ઉત્તર અને પૂર્વી એશિયા: ₹5,500

આફ્રિકા: ₹6,000

યુરોપ: ₹10,000