‘અમને કોઈ ડરાવી-ધમકાવી ન શકે’… રાહુલ ગાંધીના આચરણ પર સુપ્રીમ કોર્ટની ટકોર, 12 ઓક્ટોબરની કૂચનો કર્યો ઉલ્લેખ

દેશની સર્વોચ્ચ અદાલતમાં આજે ઈન્ડિયા બ્લોકની 12 ઓક્ટોબરે જે સુપ્રીમ કોર્ટ સુધી માર્ચ નીકળી હતી તે મામલે સુનાવણી થઈ. આ દરમિયાન કોર્ટે રાહુલ ગાંધીના વ્યવહાર અંગે સવાલો ઉઠાવ્યા અને તેમને ફટકાર પણ લગાવી. સુપ્રીમ કોર્ટે લાલઘૂમ થતા કહ્યું કે અમને કોઈ ડરાવી કે ધમકાવી શકે નહીં. કોર્ટે એમ પણ કહ્યું કે રાહુલ ગાંધીએ પોતાના આચરણ અંગે સ્પષ્ટીકરણ પણ આપવું પડશે. કોર્ટે લોકસભામાં નેતા વિપક્ષ રાહુલ ગાંધી અને સપા નેતા અખિલેશ યાદવ સહિત અન્ય નેતાઓને નોટિસ પાઠવી છે. 

12 ઓક્ટોબરે શું થયું હતું?

• વાત જાણે એમ છે કે 12 ઓક્ટોબરના રોજ લોકસભામાં વિપક્ષના નેતા રાહુલ ગાંધીના નેતૃત્વ હેઠળ વિપક્ષી પાર્ટીઓએ બારાખંભા રોડથી સુપ્રીમ કોર્ટ સુધી કૂચ કરી હતી. 
• આ વિરોધ માર્ચમાં હજારો લોકો જોડાયા હતા. ત્યારબાદ સુપ્રીમ કોર્ટ પહોંચ્યા બાદ નેતાઓએ મુખ્ય ચૂંટણી કમિશનર જ્ઞાનેશકુમાર વિરુદ્ધ અરજી આપી હતી. 
• આ અરજીમાં વોટચોરીનો આરોપ લગાવીને તેમના વિરુદ્ધ  કડક કાર્યવાહી કરવાની માંગણી કરી હતી. 
• સુપ્રીમ કોર્ટે રાહુલ ગાંધીને આ મામલે નોટિસ પાઠવીને જવાબ માંગ્યો છે.

અખિલેશ યાદવને પણ કોર્ટની નોટિસ

• ન્યૂઝ એજન્સી પીટીઆઈના રિપોર્ટ મુજબ કથિત એસઆઈઆર ગડબડીઓ મુદ્દે સુપ્રીમ કોર્ટ સુધી કાઢવામાં આવેલી માર્ચ મુદ્દે કોર્ટ દ્વારા રાહુલ ગાંધી ઉપરાંત અખિલેશ યાદવ અને અન્ય લોકોને પણ નોટિસ પાઠવી છે. 
• ઈન્ડિયા  બ્લોકે 12 ઓક્ટોબરે સુપ્રીમ કોર્ટ સુધી જે માર્ચ કાઢી હતી તે મામલે આ સુનાવણી ચાલી રહી હતી. 
• જો કે અરજીમાં કેટલીક ખામીઓ હોવાના કરાણે કોર્ટે તેમાં સુધારો કરવાના પણ નિર્દેશ આપ્યા હતા. ત્યારબાદ 16 ઓક્ટોબરે સુનાવણીની તારીખ આવી હતી.

News Alert! SC also issues notice to Rahul Gandhi, Akhilesh Yadav and others on plea against march to apex court over alleged SIR irregularities. News Alert! SC seeks response of Centre, Delhi Police on plea challenging de-notification of Jantar Mantar as designated protest site.

— Press Trust of India (@PTI_News) October 15, 2026

News Alert! Nobody can browbeat judiciary: CJI after some lawyers refer to march of Rahul Gandhi, others to SC over alleged SIR irregularities. News Alert! SC issues notices to Centre, others on various pleas related to Election Commission filed by leaders like Asaduddin Owaisi. https://t.co/uhK978XThN

— Press Trust of India (@PTI_News) October 15, 2026

અમને કોઈ ડરાવી ધમકાવી શકે નહીં-કોર્ટ

• દેશના ચીફ જસ્ટિસ સૂર્યકાંતે કહ્યું કે ગ્રાઉન્ડ રિયાલિટીની અમને કશી ખબર નથી એવું નથી. 
• સીજેઆઈ સૂર્યકાંતે કહ્યું કે કોર્ટને 'કોઈ ડરાવી કે ધમકાવી શકે નહીં.'
• સીજેઆઈએ કહ્યું કે અમે કોઈ ઊંચા મહેલોમાં નથી બેઠા. અમને ખબર છે કે તેઓ બહાર શું નિવેદનો આપે છે અને કોર્ટમાં શું કહે છે. અમને બધું ખબર છે. 
• રાહુલ ગાંધીના આચરણ પર સવાલ ઉઠાવ્યા અને ચીફ જસ્ટિસે નારાજગી દર્શાવતા કહ્યું કે સુપ્રીમ કોર્ટ માર્ચ અને તે દરમિયાન થયેલી અવ્યવસ્થા પર રાહુલ ગાંધીએ સ્પષ્ટતા કરવી પડશે. પોતાની દાનત સ્પષ્ટ કરવી પડશે. 

• સીજેઆઈએ રાહુલ ગાંધી તરફથી હાજર થયેલા સીનિયર વકીલ કપિલ સિબ્બલને કહ્યું કે, તેમણે (રાહુલ ગાંધીએ) સફાઈ આપવી પડશે.