ખતરનાક ચક્રવાતનું એલર્ટ: 125 કિમીની ઝડપે ફૂંકાશે પવન, 7રાજ્યોમાં ભારે વરસાદની ચેતવણી

બંગાળની ખાડીમાં બની રહેલું લો-પ્રેશરનું ક્ષેત્ર સતત મજબૂત થઈ રહ્યું છે અને ચક્રવાતી તોફાનમાં પરિવર્તિત થવાની તૈયારીમાં છે. હવામાન વિભાગ શનિવારે જણાવ્યું કે 27 ઓક્ટોબર સુધી તે ગંભીર ચક્રવાતી તોફાનમાં બદલાઈ શકે છે. આ સાથે ઓડિશા, પશ્ચિમ બંગાળ, આંધ્ર પ્રદેશ, તમિલનાડુ, છત્તીસગઢ અને કેરલમની સાથે અન્ય કેટલાક રાજ્યોમાં ભારે વરસાદ થઈ શકે છે.

ક્યારે ચક્રવાતી તોફાનમાં બદલાશે આ સિસ્ટમ

હવામાન વિભાગે જણાવ્યું કે હળવા દબાણનું ક્ષેત્ર પશ્ચિમથી ઉત્તર-પશ્ચિમ તરફ વધવા અને 26 ઓક્ટોબરની સવાર સુધી બંગાળની ખાડીના પૂર્વ-મધ્ય અને તેની નજીક પશ્ચિમ-મધ્ય હિસ્સાની ઉપર ચક્રવાતી તોફાનમાં પરિવર્તિત થવાની પ્રબળ સંભાવના છે. હવામાન વિભાગ પ્રમાણે ત્યારબાદ 27 ઓક્ટોબરની સવાર સુધી તોફાન પશ્ચિમ-મધ્ય બંગાળની ખાડીની ઉપર ગંભીર ચક્રવાતી તોફાનમાં બદલાવાનું અનુમાન છે. તેના ઉત્તર-પશ્ચિમ તરફ વધવા અને વધુ તીવ્ર થઈ ગંભીર ચક્રવાતી તોફાનમાં પરિવર્તિત થવાની આશંકા છે.

ક્યારે કિનારા પર ટકરાશે વાવાઝોડું?

હવામાન વિભાગે જણાવ્યું કે 28 ઓક્ટોબરની સવાર સુધી આંધ્ર પ્રદેશના કિનારાની પાસે પશ્ચિમ-મધ્ય બંગાળની ખાડી સુધી પહોંચવાનું અનુમાન છે. તે 28 ઓક્ટોબરે પૂર્વાહ્ન બાપટલા અને વિશાખાપટ્ટનમ વચ્ચે આંધ્ર પ્રદેશ તથા યામનના કિનારે ખુબ ગંભીર ચક્રવાતી તોફાનના રૂપમાં પાર કરવાની પ્રબળ સંભાવના છે.

આ પણ વાંચોઃ CEC જ્ઞાનેશ કુમાર વિરુદ્ધ 'જન મહાભિયોગ' લાવશે વિપક્ષ, મોટી રેલી પહેલા ચાલશે મોક સંસદ

125 કિમી પ્રતિ કલાક હોઈ શકે છે હવાની ગતિ

વિભાગ અનુસાર આ દરમિયાન હવાની મહત્તમ નિરંતર ગતિ 115થી 125 કિલોમીટર પ્રતિ કલાક રહી શકે છે, જ્યારે પવનના ઝાપટાંની ગતિ પ્રતિ કલાક ૧૪૦ કિલોમીટર સુધી પહોંચવાની શક્યતા છે. હાલ બંગાળની ખાડીમાં હવાઓની ગતિ 60 કિલોમીટર પ્રતિ કલાકની આસપાસ છે.

26 ઓક્ટોબરે હવાની ગતિ 70થી 80 કિલોમીટર પ્રતિ કલાક રહી શકે છે. તો કિનારાની નજીક પહોંચવા પર ગતિ 100ની આસપાસ જઈ શકે છે. હવામાન વિભાગનું કહેવું છે કે 25 ઓક્ટોબરથી અંડમાન નિકોબાર દ્વીપસમૂહમાં વરસાદનો સિલસિલો શરૂ થઈ શકે છે. ઓડિશામાં 26 ઓક્ટોબરથી વરસાદ શરૂ થઈ શકે છે. ભારે પવન સાથે વરસાદ મોટી સંખ્યામાં વૃક્ષો વેરવિખેર કરી શકે છે. તેવામાં લોકોને ઘરમાં રહેવાની સલાહ આપવામાં આવી છે.