'દિલ્હી કેદમાં કેમ છે...': રાહુલ ગાંધીનો પ્રશ્ન, 'ઇન્ડિયા' ગઠબંધનના નેતાઓ આજે અરજી દાખલ કરવા સુપ્રીમ કોર્ટ જશે

મુખ્ય ચૂંટણી કમિશનર  (CEC) જ્ઞાનેશ કુમાર વિરુદ્ધ દિલ્હીમાં થઈ રહેલા પ્રદર્શનો પર કોંગ્રેસ નેતા રાહુલ ગાંધીએ કહ્યુ કે લોકોને દિલ્હી આવતા રોકવામાં આવી રહ્યું છે. દિલ્હીને કિલ્લો બનાવી દેવામાં આવી છે. ચારેતરફ પોલીસકર્મી તૈનાત છે. અમે ઈચ્છીએ છીએ કે દિલ્હીમાં 20-30 હજાર પોલીસકર્મી તૈનાત રહે. તેનાથી ખ્યાલ આવે છે કે સરકાર જ્ઞાનેશ કુમારને બચાવી રહી છે. મારી દિલ્હી પોલીસ સાથે વાત થાય છે. આશરે 50 ટકા પોલીસકર્મી અમારી સાથે છે અને તે કહી રહ્યાં છે તમે જે કરી રહ્યાં છો તે સારૂ કરી રહ્યાં છો.

લોકસભામાં નેતા વિપક્ષ રાહુલ ગાંધીએ કહ્યુ કે પોલીસ અને વહીવટી તંત્રના લોકો પણ સરકારથી નારાજ છે. પોલીસકર્મી કહી રહ્યાં છે કે તમે અમારા હાથે બાળકોને કેમ મરાવી રહ્યાં છો. તે બાળકો સાથે ગેરવર્તન કરવા ઈચ્છતા નથી. પરંતુ ભાજપ અને સંઘના લોકો બાળકો સાથે અત્યાચાર કરી રહ્યાં છે. વોટ ચોરી વિરુદ્ધ આંદોલનને સરકાર દબાવવાનો પ્રયાસ કરી રહી છે પરંતુ હું પૂછવા ઈચ્છુ છું કે જ્ઞાનેશ કુમાર કેમ રાજીનામું આપી રહ્યાં નથી. સરકારે જ્ઞાનેશ કુમાર વિરુદ્ધ પ્રદર્શન માટે કોઈ જગ્યા નથી આપી. જંતર-મંતર જવા દેવામાં આવી રહ્યાં નથી.

‘સરકાર ખુબ મોટી ભૂલ કરી રહી છે’
લોકસભામાં વિપક્ષ નેતા રાહુલ ગાંધીએ કહ્યું- 'અમે ઈચ્છીએ છીએ કે રસ્તાઓ પર 20-30 હજાર પોલીસકર્મી તૈનાત કરવામાં આવે. સરકાર મોટી ભૂલ કરી રહી છે, કારણ કે અમે દેશને કહેવા ઈચ્છીએ છીએ કે મોદી જી જ્ઞાનેશ કુમારને બચાવી રહ્યાં છે. તેમને જેટલી વધુ સુરક્ષા મળશે, અમે અંતે તેમના કંટ્રોલર સુધી સરળતાથી પહોંચી જઈશું. અમને તેવા સમાચાર મળી રહ્યાં છે કે પોલીસકર્મી પરેશાન છે કારણ કે તેને બાળકોને મારવાનો આદેશ આપવામાં આવ્યો છે, જ્યારે RSSના સભ્યોને ખુલી છૂટ આપવાનો નિર્દેશ આપવામાં આવી રહ્યો છે.'

રાહુલ ગાંધી બોલ્યા- દેશ એકતરફ અને મોદી એન્ડ ટીમ બીજી તરફ
કોંગ્રેસ નેતા રાહુલ ગાંધીએ કહ્યું- 50% પોલીસકર્મી અમને જણાવી રહ્યાં છે કે અમે જે કરી રહ્યાં છીએ (CEC વિરુદ્ધ આંદોલન) તે સાચુ છે અને અમારે તેને યથાવત રાખવું જોઈએ. પોલીસ, ITBP, CRPF, ભારતના લોકો એક તરફ છે અને નરેન્દ્ર મોદી, અમિત શાહ, અજીત ડોભાલ, જ્ઞાનેશ કુમાર અને ચૂંટણીપંચના 4-5 સભ્યો જે વોટ ચોરીને સુગમ બનાવી રહ્યાં છે અને દેશનું અપહરણ કરી રહ્યાં છે, તે બીજીતરફ છે.

આ પણ વાંચોઃ સુપ્રીમ કોર્ટના મુખ્ય ન્યાયાધીશ સૂર્યકાંતે જણાવ્યું, રાહુલ ગાંધીને મળવાનો કેમ કર્યો ઇનકાર?

આજે સુપ્રીમ કોર્ટમાં અરજી દાખલ કરીશું
લોકસભામાં વિપક્ષ નેતા રાહુલ ગાંધીએ કહ્યું- કોંગ્રેસ અધ્યક્ષ અને મેં ચીફ જસ્ટિસ ઓફ ઈન્ડિયાને પત્ર લખ્યો, જેમાં અમે ભારતીય લોકતંત્ર અને ચૂંટણીની નિષ્પક્ષતાની હત્યા વિશે પોતાની ગંભીર ચિંતા વ્યક્ત કરી. સીજેઆઈએ અમને જવાબ આપ્યો અને અરજી દાખલ કરવાનો નિર્દેશ આપ્યો. આજે હું અને ઈન્ડિયા ગઠબંધનના નેતા મળી સુપ્રીમ કોર્ટ જઈશું અને અરજી દાખલ કરીશું.