ઝી ન્યૂઝ ગુજરાતી
/રાષ્ટ્રીય
/ફેસબુક લાઈવ ચાલતું હતું અને કેમેરા સામે જ મોત ત્રાટક્યું: પંજાબમાં પરમિંદરસિંહ ઝોટા પર ધડાધડ ગોળીઓ છૂટી, જાણો શું છે મામલો

ફેસબુક લાઈવ ચાલતું હતું અને કેમેરા સામે જ મોત ત્રાટક્યું: પંજાબમાં પરમિંદરસિંહ ઝોટા પર ધડાધડ ગોળીઓ છૂટી, જાણો શું છે મામલો

Parminder Singh Jhotta : ફેસબુક પર લાઈવ વીડિયો ચાલુ હતો. હજારો લોકો મોબાઈલ સ્ક્રીન પર નજર ટીકાવીને બેઠા હતા અને એ જ સેકન્ડે કેમેરાની સામે મોત ત્રાટક્યું! ધડાધડ ત્રણ ગોળીઓ છૂટી અને એક ક્ષણમાં બધું જ લોહીલુહાણ થઈ ગયું. પંજાબના માનસામાં જે બન્યું, તેણે કાયદા અને વ્યવસ્થાની આબરૂના ધજાગરા ઉડાવી દીધા છે.

Written ByKaran Rajput

Published: Oct 13, 2026, 04:53 PM IST|Updated: Oct 13, 2026, 05:11 PM IST

join share

ફેસબુક લાઈવ ચાલતું હતું અને કેમેરા સામે જ મોત ત્રાટક્યું: પંજાબમાં પરમિંદરસિંહ ઝોટા પર ધડાધડ ગોળીઓ છૂટી, જાણો શું છે મામલો

Image Credit: Ai Image

Mansa Punjab murder : આ કોઈ ફિલ્મી દ્રશ્ય નથી, પણ પંજાબના માનસાની ભયાનક વાસ્તવિકતા છે! ફેસબુક લાઈવ ચાલી રહ્યું હતું અને એ જ સમયે મોત ત્રાટક્યું. પંજાબમાં નશાના કાળા કારોબાર સામે સદાય અવાજ ઉઠાવનારા એન્ટી ડ્રગ ટાસ્ક ફોર્સના સંચાલક પરમિંદરસિંહ ઝોટાની દિનદહાડે હત્યા કરી દેવામાં આવી.

એક મેડિકલ સ્ટોર પર જ્યારે ઝોટા નશીલી દવાઓના વેચાણનો વિરોધ કરવા પહોંચ્યા, ત્યારે દુકાનદાર અશ્વિનીએ કઈ જ વિચાર્યા વગર ઝોટા પર ત્રણ રાઉન્ડ ફાયરિંગ કરી દીધું. આ લોહિયાળ ખેલમાં ઝોટાના અન્ય ચાર સાથીઓ પણ ઘાયલ થયા છે.

પંજાબમાં નશાના માફિયાઓનો આતંક!
નશા વિરુદ્ધ અવાજ ઉઠાવ્યો...
તો ગોળીઓથી કરાયો મૌન!
માનસામાં પરમિંદરસિંહ ઝોટાની હત્યા...
દિનદહાડે ગોળીઓથી ખેલાયો ખૂની ખેલ!

આ હત્યા પાછળની કહાની એક વર્ષ જૂની અદાવત સાથે જોડાયેલી છે. વર્ષ ૨૦૨૩માં પરમિંદરસિંહ ઝોટાએ આજ મેડિકલ સ્ટોરના માલિકને પ્રતિબંધિત નશીલી કેપ્સ્યુલ વહેંચતા પકડ્યો હતો અને બજારમાં જૂતાની માળા પહેરાવીને ફેરવ્યો હતો.

લખનઉ: શિવા શર્મા મોત કેસમાં ચોંકાવનારા ખુલાસા, આરોપી મોડલ શ્રદ્ધાના કોન્ટેક્ટમાં રહેનારા એ હાઈપ્રોફાઈલ લોકો કોણ?

બસ, આ જ અપમાનની આગમાં સળગતા નશાના સોદાગરે તક મળતા જ લોહીની હોળી ખેલી નાખી. ઘટના બાદ માનસામાં તણાવ ચરમસીમાએ છે. ગુનેગાર દુકાન બંધ કરીને ફરાર થઈ ગયો છે અને પોલીસ માત્ર તપાસના દાવા કરી રહી છે.

પંજાબમાં નશાના માફિયાનો આતંક
નશા વિરોધી કાર્યકરની ગોળી મારી હત્યા
પરમિંદરસિંહ ઝોટાની હત્યાથી ખળભળાટ
નશા સામે અવાજ ઉઠાવ્યો...ગોળીઓથી કરાયો મૌન!
ઝોટાની હત્યા, પિતાનો ન્યાય માટે હુંકાર

બાદલે પંજાબને 'ખુલ્લું કતલખાનું' ગણાવ્યું

પુત્રના મોત બાદ પિતા ભીમસિંહે આરપારની લડાઈનું એલાન કર્યું છે. 'જ્યાં સુધી ન્યાય નહીં મળે, ત્યાં સુધી દીકરાના અંતિમ સંસ્કાર નહીં થાય' – પિતાની આ ગર્જનાએ ભગવંત માન સરકારની ઊંઘ ઉડાડી દીધી છે. વિપક્ષ પણ હવે આક્રમક મૂડમાં છે.

હરસિમરત કૌર બાદલે પંજાબને 'ખુલ્લું કતલખાનું' ગણાવ્યું છે, તો ભાજપે સવાલ કર્યો છે કે જો સરકાર પોતાના નાગરિકોને જ ન બચાવી શકે તો પંજાબની રક્ષા કોણ કરશે? સવાલ એ છે કે, શું પંજાબ ખરેખર ડ્રગ માફિયાઓના હવાલે થઈ ગયું છે?.

પિતાની આંખના આંસુ અને ન્યાયની ભીખ

સવાલ એ છે કે પંજાબમાં કાયદાનું શાસન છે કે પછી માફિયાઓનું રાજ?. એક સામાજિક કાર્યકર જે નશાના દૂષણને નાબૂદ કરવા લડતો હતો, તેને આવી ક્રૂરતાથી રસ્તા વચ્ચે પતાવી દેવાય ત્યાં સુધી સરકારી તંત્ર ઊંઘતું રહ્યું? પિતાની આંખના આંસુ અને ન્યાયની આ ભીખ હવે પંજાબ સરકાર સામે અનેક સવાલો ઉભા કરી રહી છે.

મુખ્યમંત્રી ભગવંત માને ઉચ્ચ સ્તરીય બેઠક તો બોલાવી લીધી છે, પણ શું પરમિંદરસિંહ ઝોટાના પરિવારને સાચો ન્યાય મળશે? શું પંજાબની ધરતીને નશાના આ લોહિયાળ કારોબારમાંથી મુક્તિ મળશે કે પછી વધુ એક યોદ્ધો આ જ રીતે માફિયાઓનો ભોગ બનશે?...

Add Zee News as a Preferred Source

TAGS:

India News

About the Author

Karan Rajput

કરણ રાજપૂત ગુજરાતના અગ્રણી અને પ્રતિષ્ઠિત પત્રકારો તથા ડિજિટલ મીડિયા લીડર્સમાં ગણાય છે. પત્રકારત્વ ક્ષેત્રે તેમને ૨3 વર્ષોથી વધુનો સમૃદ્ધ અને દીર્ઘ અનુભવ છે. પોતાની લાંબી અને સફળ કારકિર્દી દરમિયાન તેમણે પ્રિન્ટ અને ડિજિટલ એમ બંને માધ્યમોમાં મહત્વપૂર્ણ ભૂમિકાઓ ભજવી છે.વર્તમાનમાં તેઓ Zee 24 Kalak માં ડિજિટલ લીડ (Digital Lead) તરીકે સેવા આપી રહ્યા છે. આ પદ પર રહીને તેઓ ડિજિટલ કન્ટેન્ટ સ્ટ્રેટેજી, ન્યૂઝરૂમના ડિજિટલ ટ્રાન્સફોર્મેશન અને હાયપર-લોકલ ટ્રાફિકને નોંધપાત્ર રીતે વધારવાની રણનીતિનું સફળ નેતૃત્વ કરી રહ્યા છે. ડેટા-ડ્રિવન કન્ટેન્ટ અને આધુનિક ટેકનોલોજીના પ્રયોગો દ્વારા ન્યૂઝરૂમને નવી ઊંચાઈઓ પર લઈ જવામાં તેમને વિશેષ મહારત છે. મર્યાદિત અને ઓછા સ્ટાફ સાથે પણ શ્રેષ્ઠ પરિણામો આપવાની તેમની ક્ષમતા તેમને એક સક્ષમ સંપાદક બનાવે છે. ગુજરાતના અગ્રણી અખબારો જેમ કે ગુજરાત સમાચાર, સંદેશ અને દિવ્ય ભાસ્કરમાં મહત્વપૂર્ણ જવાબદારીઓ સંભાળી છે. આ સિવાય તેઓ ગુજરાત સમાચારની ચેનલ GSTVના તેઓ ડિજિટલ એડિટર રહી ચૂકયા છે.એગ્રીકલ્ચર (કૃષિ) ક્ષેત્રે ઉત્કૃષ્ટ પત્રકારત્વ માટે તેમને બે રાષ્ટ્રીય પુરસ્કારોથી સન્માનિત કરવામાં આવ્યા છે. પડકારોને તકમાં બદલવાની સૂઝબૂઝ, સાહસિક નિર્ણયો અને સતત નવીન કન્ટેન્ટ પ્રયોગો (Content Experiments) થકી તેમણે મીડિયા જગતમાં એક આગવી અને મજબૂત ઓળખ બનાવી છે.