ભારત પર અલ નીનોની ગંભીર અસર: આગામી 6 મહિનામાં દેશમાં 55 હજાર લોકોના મોતની આશંકા?
'ક્લાઇમેટ ઇમ્પેક્ટ લેબ' એ એક નવું ટૂલ અલ નીનો હીટ મોર્ટેલિટી ટ્રેકર તૈયાર કર્યું છે, જેના લેટેસ્ટ અપડેટથી જાણવા મળે છે કે આગામી 6 મહિનામાં ક્યાં સૌથી વધુ લોકોના મોતની આશંકા છે.
સુપર અલ નીનોને કારણે વર્ષ 2026મા દુનિયાભરમાં વરસાદની પેટર્ન બદલાઈ રહી છે અને તાપમાન વધી રહ્યું છે. તેને જોતા ક્લાઇમેટ ઇમ્પેક્ટ લેબએ એક નવું ટૂલ અલ નીનો હીટ મોર્ટેલિટી ટ્રેકર તૈયાર કર્યું છે. આ ટૂલ જણાવે છે કે અલ નીનોની ગરમીથી મનુષ્યને ખતરો કેટલો છે. આ ટ્રેકર દર મહિનાનો ડેટા આપે છે, જેમાં આગામી 6 મહિના સુધી થનાર સંભવિત મોતનું અનુમાન સામેલ છે.
આ જૂનમાં અલ નીનોની શરૂઆત બાદ ગરમીને કારણે થયેલા મોતના આંકડાને દર્શાવે છે. દુનિયાભરના રાજ્યોના ડેટા ઉપલબ્ધ કરાવી આ ટૂલ ફંડ આપનાર અને કામ કરનારને સૌથી વધુ પ્રભાવિત ક્ષેત્રની જાણકારી આપે છે. તેનાથી તે જાણવામાં સરળતા રહે છે કે સંસાધનોની સૌથી વધુ જરૂરિયાત ક્યાં છે અને ક્યાં લોકોનો જીવ બચાવી શકાય છે.
કુલ કેટલા લોકોના જઈ શકે છે જીવ
હવે આ ટ્રેકરમાં માર્ચ સુધીના ડેટા સામે કરવામાં આવ્યા છે. તે અનુસાર અલ નીનોને કારણે વધતી ગરમીથી લગભગ 8,57,000 મોત થઈ શકે છે, જેમાં લગભગ 373000 મોત આગામી 6 મહિનામાં થવાનું અનુમાન છે. ક્લાઇમેટ ઇમ્પેક્ટ લેબના સહ-સંસ્થાપક અને યુનિવર્સિટી ઓફ શિકાગોમાં અર્થશાસ્ત્રના મિલ્ટન ફ્રીડમેન ડિસ્ટિંગ્વિશ્ડ સર્વિસ પ્રોફેસર માિકલ ગ્રીનસ્ટોને કહ્યુ કે અમારૂ રિસર્ચ નવા પૂર્વાનુમાન ક્ષમતાઓનો ઉપયોગ કરી એક ખુબ જરૂરી સવાલનો જવાબ આપે છે કે ભીષણ ગરમીને કારણે ક્યાં લોકોના જીવ જઈ શકે છે?
તેમણે કહ્યું કે ભીષણ ગરમીની જીવલેણ અસરનો પહેલાથી અંદાજ લગાવવો મોટું પગલું છે. તેનો મતલબ છે કે આપણે તે ઓળખી શકીએ કે ક્યાં લોકોને સૌથી વધુ ખતરો છે અને લોકોનો જીવ જતાં પહેલા શું જરૂરી પગલા ફરી શકાય છે. તેમણે કહ્યું કે આ ટ્રેકર તે સુપર અલ નીનો વિશે જાણકારી આપે છે, જેનો સામનો આપણે આજ કરી રહ્યાં છીએ.
આ પણ વાંચોઃ Explainer: MLC ચૂંટણીમાં કોણ કરે છે મતદાન, સ્નાતક, શિક્ષક...આ કેટેગરી શું છે?
ક્યા સૌથી વધુ મોત?
તેમણે જણાવ્યું કે અલ નીનોને કારણે ગરમીથી સૌથી વધુ થનાર મોત વિકાસશીલ દેશોમાં હશે. આગામી છ મહિના (ઓક્ટોબર-માર્ચ) ના લેટેસ્ટ ડેટા પ્રમાણે અનુમાન છે કે અલ નીનોની ગરમીથી નાઇજીરિયામાં સૌથી વધુ મોત થવાની આશંકા છે. આ છ મહિના દરમિયાન ત્યાં લગભગ 56000 લોકોના મોત થઈ શકે છે. ત્યારબાદ ભારતનો નંબર છે, જ્યાં ગરમીથી લગભગ 55000 મોતની આશંકા વ્યક્ત કરવામાં આવી રહી છે, જેમાં મોટા ભાગના મોત માર્ચ મહિનામાં થવાનું અનુમાન લગાવવામાં આવ્યું છે.
દક્ષિણ-પૂર્વ એશિયા એક મોટું હોટસ્પોટ બનેલું છે. ઈન્ડોનેશિયામાં અલ નીનોની ગરમીને કારણે લગભગ 29000 લોકોના જીવ જવાનું અનુમાન છે, તો બ્રાઝીલમાં દર મહિને ગરમીથી થનાર મોત એવરેજથી વધુ રહેવાનું અનુમાન છે. લેબ અલ નીનો ખતમ થવા સુધી દર મહિને ટ્રેકરને અપડેટ કરશે, જેનાથી તે સતત જાણી શકાશે કે ગરમી સાથે જોડાયેલા મોતનું જોખમ કઈ રીતે બદલાઈ રહ્યું છે.
