ભારતમાં ચાલતા પ્રોટેસ્ટને વૈશ્વિક સ્તરે ચમકાવવાના અભરખા ધરાવતા ધ્રુવ રાઠીને મોટો ફટકો, સાકેત કોર્ટે વોરંટ બહાર પાડ્યું

સોશિયલ મીડિયા ઈન્ફ્લુએન્સર ધ્રુવ રાઠી હાલમાં ભારતમાં હતો અને તેણે બેંગ્લુરુમાં સીજેપીના મુખ્ય ચૂંટણી કમિશનર જ્ઞાનેશકુમાર સામેના વિરોધ પ્રદર્શનમાં ભાગ  પણ લીધો હતો અને ત્યારબાદ ગુરુગ્રામથી તેની અટકાયત પણ થઈ હતી. આ બધા વચ્ચે ધ્રુવ રાઠી હવે લંડન પહોંચ્યો છે અને આ વિરોધ પ્રદર્શન હેઠળ લંડનમાં બધાને  ભેગા થવાનું આહ્વાન કર્યું છે. પરંતુ આ સાથે દિલ્હીથી ધ્રુવ રાઠી માટે એક ખરાબ સમાચાર પણ છે કે તેના વિરુદ્ધ કોર્ટે ધરપકડ વોરંટ બજાવ્યું છે. જો કે તે જામીનપાત્ર છે.

બાળકોનો પણ મૂળભૂત અધિકાર છે ઈન્ટરનેટ, પ્રતિબંધ ન મૂકી શકાય: સુપ્રીમ કોર્ટ

લંડનમાં પ્રદર્શનની તૈયારી

દેશમાં સીજેપી અને વિપક્ષી પાર્ટીઓના કથિત વોટચોરી અને મતદાર યાદીમાં ગડબડીના આરોપોનું સમર્થન કરનારા ધ્રુવ રાઠી હવે આ વિરોધ પ્રદર્શનને વૈશ્વિક સ્તરે ઉભારવાની તૈયારી કરી રહ્યો છે. તેણે બ્રિટનની રાજધાની લંડનમાં સંસદ ચોક પર મહાત્મા ગાંધીની પ્રતિમા સામે વિરોધ પ્રદર્શન કરવાની જાહેરાત કરી છે અને  બધાને ભેગા થવા માટે આહ્વાન પણ કર્યું છે. રાઠીનું કહેવું છે કે હવે આ મુદ્દાને વૈશ્વિક સ્તરે ઉઠાવવાનો સમય આવી ગયો છે. બધાને સ્થાનિક સમય મુજબ 12 વાગે ત્યાં ભેગા થવા માટે આહ્વાન કર્યું. પરંતુ અહીં ભારતમાં ધ્રુવ રાઠી વિરુદ્ધ વોરંટ બહાર પડ્યું છે.

નીટ પ્રોટેસ્ટ વખતે જેમણે 'કોકરોચો'ને આપ્યું હતું ભરપૂર સમર્થન, હવે તેમણે જ કરવા માંડયો વિરોધ

સાકેત કોર્ટે બહાર પાડ્યું વોરંટ

• યુટ્યુબર ધ્રુવ રાઠી વિરુદ્ધ દિલ્હીની સાકેત કોર્ટે જામીનપાત્ર વોરંટ બહાર પાડ્યું છે. આ મામલો 2018નો છે.  વાત જાણે એમ છે કે ભારતીય જનતા પાર્ટીના આઈટી વિંગના એક સભ્યએ 2018માં માનહાનિનો કેસ દાખલ કર્યો હતો અને તેને પગલે આ કાર્યવાહી થઈ છે. 
• ન્યાયનિક મેજિસ્ટ્રેટ રાહુલ જૈને વિકાસ સાંકૃત્યાયન ઉર્ફે વિકાસ પાંડે તરફથી દાખલ કેસ મામલે આ વોરંટ બહાર પાડ્યું છે. 
• વિકાસ પાંડેએ ધ્રુવ રાઠીએ યુટ્યુબ પર અપલોડ કરેલા એક વીડિયોને લઈને તેમના પર માનહાનિનો આરોપ લગાવ્યો હતો. 
• કોર્ટ તરફથી 12 ઓક્ટોબરના રોજ ધ્રુવ રાઠીને નવું સમન પાઠવવામાં આવ્યું હતું. 
• કોર્ટે કહ્યું હતું કે ફરિયાદકર્તા ઘણા વર્ષોથી રાઠીને સમન મોકલવાના પ્રયત્નો કરતો હતો. 
• કોર્ટે પોતાના આદેશમાં જણાવ્યું કે ધ્રુવ રાઠના હરિયાણાના ગુરુગ્રામ સ્થિત ઘરે નવું સમન બજાવવામાં આવે. 
• કોર્ટે આ કેસમાં આગામી સુનાવણી માટે 31 ઓક્ટોબરની તારીખ આપી છે.
  
  LK Advani: ભાજપના વરિષ્ઠ નેતા લાલકૃષ્ણ અડવાણીની તબિયત લથડી, દિલ્હી એપોલો હોસ્પિટલમાં દાખલ
  
  શું છે મામલો?
   
• ફરિયાદી વિકાસ પાંડેના વકીલ સમક્ષ શર્માએ એવી દલીલ કરી કે ધ્રુવ રાઠી આમ તો ઓસ્ટ્રિયામાં રહે છે. પરંતુ દિલ્હીમાં સીજેપીના પ્રદર્શનમાં સામેલ થવા માટે આવ્યા હતા. કોર્ટે ઉલ્લેખ કર્યો કે રાઠીને પહેલું સમન જુલાઈ 2019માં મોકલવામાં આવ્યું હતું. પરંતુ ઘર બંધ હતું. ત્યારબાદ કોર્ટે વોરંટ બહાર પાડ્યું અને હવે 31 ઓક્ટોબરે સુનાવણી નક્કી કરી છે. 
• આ મામલો કેસ નંબર 5786/2018 સંલગ્ન જોડાયેલો છે. 
• 2018માં ધ્રુવ રાઠીએ એક વીડિયો બીજેપી આઈટી સેલ પાર્ટ-3 પોસ્ટ કર્યો હતો ત્યારથી આ મામલાની શરૂઆત થઈ. 
• ફરિયાદકર્તા વિકાસ પાંડે આઈ સપોર્ટ નરેન્દ્ર મોદી નામના સોશિયલ મીડિયા પેજના ફાઉન્ડર છે. 
• આ વીડિયોમાં ધ્રુવ રાઠીએ એવો આરોપ લગાવ્યો હતો કે વિકાસ પાંડે ભાજપ આઈટી સેલમાં સીનિયર પદ પર છે અને તેમણે મહાવીર પ્રસાદ નામની વ્યક્તિને ફેક ન્યૂઝ ફેલાવવા સંલગ્ન નિવેદનોને પાછા ખેંચવા માટે 50 લાખ રૂપિયાની રજૂઆત કરી હતી.