બંગાળની ખાડીમાં શું ચાલી રહ્યું છે, શક્તિશાળી અર્નબ બાદ વળી પાછું આવી શકે છે વાવાઝોડું?
હાલ અર્નબ વાવાઝોડું આંધ્ર પ્રદેશ, ઓડિશા સહિત કેટલાક રાજ્યોમાં તબાહી મચાવી રહ્યું છે. બંગાળની ખાડીમાંથી આવેલા આ વાવાઝોડાએ એક સાથે અનેક રાજ્યોમાં કહેર વરસાવ્યો છે અને એવી પણ સંભાવના છે કે ગુજરાતને પણ તે અસર કરી શકે છે. ત્યારે આ બધા વચ્ચે હવે એવી પણ સંભાવના વ્યક્ત કરાઈ રહી છે કે વધુ એક વાવાઝોડું આવી શકે છે.
અર્નબ વાવાઝોડું અતિ વિનાશકારી વાવાઝોડું બનીને ત્રાટક્યું અને હવે એવી ચર્ચાઓ છે કે બંગાળની ખાડીમાં વધુ એક તોફાન સર્જાઈ શકે છે. મૌસમ મોડલ મુજબ અર્નબ દરિયાકાંઠો પાર કરી જાય ત્યારબાદ થોડા દિવસો પછી એક નવું લો પ્રેશર બની શકે છે. જે ઓડિશા તરફ આગળ વધી શકે છે. જો કે વિશેષજ્ઞ કહે છે કે આ પૂર્વાનુમાન હજુ નિશ્ચિત નથી, મૌસમ બદલાઈ શકવાની શક્યતા પણ રહેલી છે.
24 કલાકમાં 5 ભૂકંપના આંચકા અને અત્યંત વિનાશકારી વાવાઝોડું અર્નબ! બંને વચ્ચે છે કોઈ કનેક્શન?
આજે ત્રાટક્યું વાવાઝોડું અર્નબ
અત્રે જણાવવાનું કે બંગાળની ખાડીમાં ઉઠેલું વાવાઝોડું અર્નબ આજે આંધ્ર પ્રદેશ અને યમનના કાંઠાઓ વચ્ચે યનમની દક્ષિણે ત્રાટક્યું. હાલ તેની પવનની ઝડપ 115થી 125 કિમી પ્રતિ કલાક છે. જ્યારે ઝાપટાઓની ઝડપ 140 કિમી પ્રતિ કલાક સુધી પહોંચી શકે છે. પહેલા આ વાવાઝોડું અત્યંત ભયાનક અને શક્તિશાળી વાવાઝોડાની કેટેગરીમાં હતું જો કે લેન્ડફોલ બાદ નબળું પડ્યું છે. આઈએમડી સતત તેના પર બાજ નજર રાખી રહ્યું છે. વાવાઝોડાના પગલે અનેક રાજ્યોના કાંઠા વિસ્તારોમાં વરસાદ અને ભારે પવન ફૂંકાઈ રહ્યો છે. ત્યારે હવે બીજું વાવાઝોડું કેમ ચર્ચામાં આવ્યું છે એ પણ જાણો.
શું ફરી આવશે વાવાઝોડું?
- વાત જાણે એમ છે કે 27 ઓક્ટોબરે બંગાળની ખાડીમાં બે સિસ્ટમ સક્રિય હતી એવા રિપોર્ટ છે.
- એક અર્નબ અને બીજુ દક્ષિણ-પશ્ચિમ બંગાળની ખાડીમાં લો પ્રેશર એરિયા.
- કેટલાક મોડલ એવું બતાવતા હતા કે આ તોફાન અર્નબની આસપાસ ફરીને તેજ બની શકે છે.
- આંધ્ર અને ઓડિશા સરહદ નજીક પહોંચી શકે છે.
- એક બીજી સંભાવના એવી પણ છે કે અર્નબ બાદ દક્ષિણ પૂર્વ બંગાળની ખાડીમાં નવું લો પ્રેશર સર્જાય.
- ECMWF, IMD GFS અને ભારત ફોરકાસ્ટિંગ જેવા મોડલ આ નવી સિસ્ટમના તોફાનમાં ફેરવાઈ જવાના અને નવેમ્બરની શરૂઆતમાં ઓડિશા કાંઠા તરફ આગળ વધવાના સંકેત આપે છે. સમય 1-2 નવેમ્બરની આસપાસનો જણાવાય છે.
- જો કે હવામાન મોડલ કપરી પરિસ્થિતિઓમાં અલગ અલગ તસવીરો રજૂ કરે છે.
- ECMWF મોડલે પણ અર્નબ વાવાઝોડાના લેન્ડફોલના સમયે પણ ક્યારેક ક્યારેક ખોટું દર્શાવ્યું હતું.
- આથી વિશેષજ્ઞો ચેતવણી પણ આપે છે કે બીજા ચક્રવાતની હજુ પુષ્ટિ થઈ નથી.
- આઈએમડીએ સત્તાવાર રીતે કોઈ પણ નવું વાવાઝોડું જાહેર કર્યું નથી.
- વિભાગ ડોપલર રડારથી અર્નબ વાવાઝોડા પર નજર રાખી રહ્યું છે. આગળ જે અપડેટ સામે આવશે તેનાથી સ્થિતિ વધુ સ્પષ્ટ થઈ શકશે.
સેટેલાઇટ તસવીરમાં દેખાયો વાવાઝોડાનો ડરામણો નજારો! અડધા ભારત પર સાયક્લોન 'અર્નબ'નો છે ઘેરાવો
બંગાળની ખાડીમાં કેમ ઉઠે છે તોફાનો?
તમને જણાવી દઈએ કે બંગાળની ખાડી ઓક્ટોબર નવેમ્બર મહિનામાં સક્રિય રહે છે. ગરમ દરિયાઈ પાણી અને અનુકૂળ પવન નવા તોફાનને ઊભું કરી શકે છે. એક મોટું ચક્રવાત નબળું પડયા બાદ આસપાસનો ભેજ અને ઉર્જા નવા તોફાનને પ્રોત્સાહિત કરી શકે છે. પરંતુ દર વખતે દરેક મોડલ સાચા પડતા નથી. આથી જે સત્તાવાર બુલેટિન બહાર પડે તેના પર ધ્યાન આપવું જોઈએ અને વિશ્વાસ કરવો જોઈએ.
હાલ તો જો કે અર્નબ વાવાઝોડું ચિંતાનું કારણ બનેલું છે. લેન્ડફોલ પૂરું થયા બાદ તે નબળું પડી જાય પછી જ બીજા વાવાઝોડા અંગે તસવીર સ્પષ્ટ થશે. આઈએમડી દ્વારા સત્તાવાર અપડેટ પર ધ્યાન આપવું અને લોકોએ અફવાઓથી દોરવાઈ જવું નહીં. બંગાળની ખાડીમાં હવામાનનો આ બેવડો પડકાર એ પણ યાદ અપાવે છે કે દરિયાકાંઠાવાળા રાજ્યોએ હંમેશા આવી સ્થિતિ માટે તૈયાર રહેવું જોઈએ.
