બેંગલુરુમાં પતિએ પત્ની, 2 સાળા, 2 ભાભીઓ સહિત 7 લોકોની હત્યા કરી નાખી, કારણ જાણીને રૂવાડાં ઊભા થઈ જશે
Crime News: આજથી દિવાળીની શરૂઆત થઈ ગઈ છે. આજે ધનતેરસ છે અને આજના દિવસે એક બેંગલુરુથી એક હચમચાવી નાખતા સમાચાર આવ્યા છે. જ્યાં એક કેબ ડ્રાઈવરે પત્ની સાથે નારાજગીમાં પત્ની અને તેના પરિવારના 7 લોકોની હત્યા કરી નાખી છે. મોડી રાતે આ ખુલાસો થતા જ હડકંપ મચી ગયો છે. પોલીસે હાલ તો કેબ ડ્રાઈવરને પકડી લીધો છે અને પૂછપરછ ચાલુ છે.
દિવાળી ટાણે જ બેંગલુરુથી એક હચમચાવી નાખતા સમાચાર સામે આવ્યા છે. જ્યાં સામૂહિક હત્યાના બનાવથી ચકચાર મચી છે. એવું કહેવાય છે કે કેબ ડ્રાઈવર કે જેનું નામ ઈન્દુ શેખર હોવાનું કહેવાય છે તે પત્નીના વર્તનથી ખુબ જ નારાજ રહેતો હતો. પત્નીના આવા વર્તન અંગે જ્યારે તેણે સાસરીવાળા સાથે વાત કરી તો તેમણે પણ પત્ની સુનિતાનો પક્ષ લીધો. આ વાતથી નારાજ થઈને કેબ ડ્રાઈવરે પત્ની સુનિતા, અને તેના પરિવારના 6 સભ્યોને મોતને ઘાટ ઉતારી દીધા.
મૃતકોમાં કોણ કોણ સામેલ
આરોપી કેબ ડ્રાઈવરે પત્ની સુનિતા, સાસુ રૂપાવતી, સાળો શિવકુમાર અને શંકર તથા ભાભીઓ દિવ્યા અને નલીની તથા શિવકુમારના સાત વર્ષના પુત્ર પુનિતની હત્યા કરી.
પ્રદર્શન કરવાનો હક 'વેપાર કરવાના-આજીવિકા રળવાના હક' કરતા મહત્વનો? વેપારીઓનો રાહુલ ગાંધીને વેધક સવાલ
તપાસમાં ચોંકાવનારા ખુલાસા
પ્રાથમિક તપાસ મુજબ આરોપીએ આ હત્યાઓની પહેલેથી યોજના ઘડી હોવાનું કહેવાય છે. તેણ સૌથી પહેલા તેની પત્નીને મોતને ઘાટ ઉતારી. જ્યારે ત્યારબાદ તેણે તેના બંને સાળાઓને પાર્ટી આપવાના બહાને ઘરે બોલાવ્યા અને તેમની હત્યા કરી. ત્યારબાદ તેમની પત્નીઓ, પોતાની સાસુ અને એક સાત વર્ષના બાળકને પણ મોતને ઘાટ ઉતારી દીધા.
પોલીસને એવો શક છે કે આરોપીએ હત્યા માટે ખાંડવા માટેનો જે પથ્થર છે તે સિલબટ્ટા (પથ્થર)નો ઉપયોગ કર્યો હોઈ શકે. તેણે મૃતદેહોને પોતાની કારમાં રાખીને અલગ અલગ જગ્યાઓ પર ફેંકી દીધા. ત્યારબાદ લોહીના ધબ્બા મીટાવવા માટે અને પુરાવા નાશ કરવા માટે તેણે રસાયણો (કેમિકલ્સ)નો ઉપયોગ કર્યો.
CJP Protest: શનિવારે કેરળના કોચીમાં CJP કરશે વિરોધ પ્રદર્શન, અભિજીત દીપકે એ કરી જાહેરાત
એવું કહેવાય છે કે આરોપીએ ઘરેલુ વિવાદને પગલે આ હત્યાઓને અંજામ આપ્યો. આરોપી એ વાતે નારાજ હતો કે તેની પત્ની તેના પિયરિયાઓના સતત સંપર્કમાં રહેતી હતી. જ્યારે શ્રીરામપુરા પોલીસ સ્ટેશનમાં ગૂમ થવા અંગેની એક ફરિયાદ નોંધાઈ ત્યારે આ હિચકારા મામલાનો ખુલાસો થયો. પૂછપરછ દરમિયાન આરોપીએ અલગ અલગ નિવેદનો આપ્યા. જેના કારણે પોલીસને આ ભયાનક હત્યાકાંડની જાણ થઈ.
નંદી હિલ્સના તલહટી પાસે ચાર કલાક સુધી સર્ચ ઓપરેશન ચાલ્યું અને પોલીસે સાત વર્ષના બાળક પુનિતનો મૃતદેહ મેળવ્યો. અન્ય મૃતદેહોની પણ શોધ માટે સર્ચ ઓપરેશન ચાલું છે. આ મામલે પોલીસનું કહેવું છે કે આરોપીએ 7 લોકોની હત્યાની કબૂલાત કરી છે પરંતુ હજુ સુધી તેમને ફક્ત એક જ મૃતદેહ મળી આવ્યો છે.
