આઠમાં પગાર પંચમાં જો આ 10 વર્ષવાળો નિયમ બદલાશે તો સરકારી કર્મચારીઓને બખ્ખે બખ્ખા
8th Pay Commission: સરકારી કર્મચારીઓ આઠમાં પગાર પંચની આતુરતાપૂર્વક રાહ જોઈ રહ્યા છે. આ ભલામણો ક્યારે સરકારનો સોંપવામાં આવશે અને ક્યારે તે લાગૂ થશે તે તો આવનારો સમય જણાવશે પરંતુ તે પહેલા આ અંગે ચર્ચાઓ ઘણી થઈ રહી છે.
કેન્દ્ર સરકારના કર્મચારીઓ આઠમાં પગાર પંચના લાગૂ થવાની રાહ જોઈ રહ્યા છે. કેન્દ્રીય કર્મચારીઓનો એક મોટો વર્ગ એવું માને છે કે સંગઠનો કે હિતધારકોએ પગાર પંચને જે સૂચનો આપેલા છે તેમાંથી મોટાભાગના સૂચનો પર અમલ કરાશે. જો કે ભલામણો ક્યારે સરકારને પહોંચશે અને લાગૂ થશે તે તો સમય જ જણાવશે. સંગઠનોની એક માંગણી એવી પણ છે કે જો તે લાગૂ થાય તો કેન્દ્રીય કર્મચારીઓના પગાર દર 5 વર્ષે રિવાઈઝ થાય.
યુપીમાં ચૂંટણી પહેલા ઓવૈસી-ચંદ્રશેખરની દોસ્તીથી કોને ફાયદો, કોને નુકસાન? દલિત-મુસ્લિમ સમીકરણથી બદલાશે રાજકીય ગણિત
શું છે કર્મચારીઓની માંગણી
સરકારી કર્મચારીઓના પગાર દર 10 વર્ષે નવું પગાર પંચ આવે ત્યારબાદ ફેરફાર થતા હતા. પરંતુ કર્મચારી સંગઠન એવું ઈચ્છે છે કે હવે તેમણે પગાર અને પેન્શમાં સંશોધન માટે 10 વર્ષ સુધી રાહ ન જોવી પડે એવું થવું જોઈએ. એના કરતા દર 5 વર્ષે પગાર અને પેન્શનની સમીક્ષા થવી જોઈએ. કર્મચારી સંગઠનોનું એવું કહેવું છે કે મોંઘવારી સતત વધી રહી છે અને આવામાં એક દાયકા સુધી જૂના પગાર ધોરણ પર નિર્ભર રહેવાથી કર્મચારીઓની ખરીદશક્તિ પ્રભાવિત થાય છે. આથી પગાર અને પેન્શનમાં સંશોધનનો સમયગાળો ઘટાડવાની જરૂર છે.
કોણે કોણે શું કરી છે માંગણી
- અત્રે જણાવવાનું કે તાજેતરમાં ભારત પેન્શનર્સ સમાજ (BPS)એ આઠમાં પગાર પંચને સોંપવામાં આવેલી પોતાના સૂચનોમાં દર પાંચ વર્ષમાં પગાર અને પેન્શનમાં સંશોધન કરવાની માંગણી કરી હતી.
- એ જ રીતે નેશનલ કાઉન્સિલ-જોઈન્ટ કન્સલ્ટેટિવ મશીનરી (NC-JCM)ના સ્ટાફ સાઈડે પણ સમયાંતરે પગાર સંશોધનની જરૂરિયાત પર ભાર મૂક્યો હતો.
- રેલવે સીનિયર સિટીઝન્સ વેલફેર સોસાઈટી (RSCWS)એ પણ આ મુદ્દાને ઉઠાવ્યો છે.
- એટલું જ નહીં ફેડરેશન ઓફ નેશનલ પોસ્ટલ ઓર્ગેનાઈઝેશન્સ (FNPO)એ વર્તમાન દર 10 વર્ષમાં પગાર પંચ બનવવાની વ્યવસ્થાની જગ્યાએ એક સ્થાયી પગાર સમીક્ષા મંડળ બનાવવાનું સૂચન આપ્યું છે.
- જો કે પાંચ વર્ષમાં પગાર સંશોધન લાગૂ કરવાથી સરકારી ખજાના પર કેટલો વધારાનો બોજો પડશે તેની વિગતો હજુ જણાવવામાં આવી નથી.
પ્રણવ મુખર્જીને જોઈતી હતી PMની ખુરશી? સોનિયા ગાંધીએ આ રીતે સંભાળી હતી સ્થિતિ!
પહેલા પણ ઉઠી હતી માંગણી
તમને જણાવી દઈએ કે આ માંગણી કોઈ નવી નથી. આ અગાઉ સાતમાં પગાર પંચ સામે પણ કર્મચારી સંગઠનોએ આ માંગણી ઉઠાવી હતી. ભારતીય પ્રતિરક્ષા મજદૂર સંઘે પણ પગાર સંશોધનનો સમયગાળો ઘટાડવાની માંગણી કરી હતી. હાલ દર પાંચ વર્ષમાં પગર અને પેન્શન સંશોધનની માંગણી ફક્ત કર્મચારી સંગઠનોનો પ્રસ્તાવ છે. આઠમાં પગાર પંચે હજુ તેના પર કોઈ નિર્ણય લીધો નથી. પંચની ભલામણો આવ્યા બાદ કેન્દ્ર સરકાર તેના પર વિચાર કરશે. ત્યારબાદ આ અંગે કોઈ અંતિમ નિર્ણય લેવાઈ શકે છે.
