Gujarat Breaking News Live: ગુજરાત સહિત દેશ-વિદેશના બ્રેકિંગ ન્યૂઝ અને લેટેસ્ટ અપડેટ તમને અહીં મળશે. તમામ સમાચારો માટે ઝી 24 કલાક સાથે જોડાયેલા રહો.
અમેરિકા અને ઈરાન વચ્ચે વધતા તણાવ વચ્ચે ઓમાનના કિનારા પર એક વ્યાપારિક જહાજ પર હુમલો થયો છે. તેમાં 11 ભારતીય નાવિક ઈજાગ્રસ્ત થયા છે. મંગળવારે વિદેશ મંત્રાલયે આ હુમલાની નિંદા કરી અને કહ્યું કે ઈજાગ્રસ્તોની સારવાર ોમાનના ખસાબમાં ચાલી રહી છે. ભારતે પનામાના ઝંડાવાળા જહાજ પર હુમલાની નિંદા કરતા માગ કરી છે કે આ વિસ્તારમાં સામાન્ય લોકો સાથે જોડાયેલી વસ્તુ અને નાવિકો પર હુમલા તત્કાલ બંધ કરવામાં આવે.
ગુજરાત વિધાનસભામાં પસાર થયેલા ભાડા વિધેયક-2026નો રાજ્યભરના વકીલો દ્વારા વિરોધ કરવામાં આવી રહ્યો છે. હવે આ મુદ્દે નાયબ મુખ્યમંત્રી હર્ષ સંઘવીના નિવાસ્થાને સાંજે 6.30 કલાકે મહત્વની બેઠક મળશે. આ બેઠકમાં વકીલોના પ્રતિનિધિ, કાયદા વિભાગ અને શહેરી વિકાસ વિભાગના અધિકારીઓ હાજર રહેશે.
શું તમે ક્યારેય એવા કણ વિશે સાંભળ્યું છે, જે ક્ષણવારમાં તમારા શરીર, પૃથ્વી અને સંપૂર્ણ બ્રહ્માંડની પાર નીકળી જાય છે અને કોઈને ખબર પણ હોતી નથી? વિજ્ઞાનની દુનિયામાં તેને ન્યૂટ્રિનો કે ભૂતિયા કણ કહેવામાં આવે છે. વર્ષ 2026નું ફિઝિક્સ નોબેલ પુરસ્કાર આ રહસ્યમયી કણોની શોધ કરનાર પ્રસિદ્ધ વૈજ્ઞાનિક પ્રોફેસર ફાન્સિસ હાલ્જેનને આપવાની જાહેરાત કરવામાં આવી છે.
ગાંધીનગર મહાનગર પાલિકાની ચૂંટણીને લઈને નાયબ મુખ્યમંત્રી હર્ષ સંઘવીએ બેઠક યોજી હતી. જેમાં ચૂંટણી પ્રચાર સહિતના મુદ્દે ચર્ચા કરવામાં આવી હતી. શહેર ભાજપ કાર્યાલય ખાતે આ બેઠક મળી હતી. બેઠક બાદ હર્ષ સંઘવીએ ગાંધીનગર મનપામાં ભાજપની જીતનો વિશ્વાસ વ્યક્ત કર્યો હતો.
ઈન્ડિયા બ્લોકના સાંસદોના વિરોધ પ્રદર્શન પર જમ્મુ-કાશ્મીરના મુખ્યમંત્રી ઉમર અબ્દુલ્લાએ કહ્યુ- છેલ્લા કેટલાક દિવસમાં યોજાયેલી ઈન્ડિયા બ્લોકની બેઠકમાં એક કાર્યક્રમ તૈયાર કરવામાં આવ્યો હતો. તેની શરૂઆત સાંસદોના ચૂંટણી પંચ સુધીના માર્ચથી થઈ અને આ જારી રહેશે.
રાહુલ ગાંધીએ કહ્યુ કે વિપક્ષના લોકસભા અને રાજ્યસભાના 300થી વધુ સાંસદ ચૂંટણી પંચને મળવા પહોંચ્યા છે. તેમણે સવાલ કર્યો કે જ્યારે તેઓ દેશના કરોડો લોકોના પ્રતિનિધિ છે તો તેમને ચૂંટણી પંચ સુધી જતાં કેમ રોકવામાં આવી રહ્યાં છે. રાહુલે પોલીસની કાર્યવાહી અને રસ્તો રોકવાને લઈને પણ સવાલ ઉઠાવ્યો છે.
