Gujarat News Live: રાજ્યમાં આગામી સાત દિવસ વાતાવરણ સૂકું રહેશે, વરસાદની સંભાવના નહીવત

અમદાવાદમાં આજે રાષ્ટ્રપિતા મહાત્મા ગાંધીની જન્મજયંતીની ઉજવણી કરવામાં આવી. ભાજપ પ્રદેશ પ્રમુખ જગદીશ વિશ્વકર્માએ ગાંધીજીને શ્રદ્ધાંજલિ અર્પણ કરી. ઇન્કમટેક્સ ચાર રસ્તા પાસે ગાંધીજીની પ્રતિમાને પુષ્પાંજલિ અર્પણ કરી. પુષ્પાંજલિ બાદ જગદીશ વિશ્વકર્માએ શ્રમિકો સાથે વાતચીત કરી. આ દરમિયાન નજીકના ખાદી સ્ટોરની મુલાકાત લીધી. ખાદી સ્ટોરમાંથી ખાદીની ખરીદી પણ કરી.

ગાંધીનગર મહાનગરપાલિકાની ચૂંટણીમાં જંગ રસપદ બન્યો છે. 21 વર્ષ ના જેન ઝી ઉમેદવાર છે તો 71 વર્ષના ઉમેદવાર પણ મેદાનમાં છે. મહાનગરપાલિકામાં સૌથી વધુ ઉંમરવાળા ઉમેદવાર 71 વર્ષના છે. ઉંમરના કારણે તેમનો પ્રચાર ની કમાન તેમના પરિવારે અને બે પુત્રવધુઓએ હાથમાં લીધી છે.