Gujarat News Live: સુરત ટેક્સટાઈલ માર્કેટનો વીજળી બચાવવા માટે મોટો નિર્ણય, સોનગઢમાં હિન્દુ યુવકના ઘરે પોલીસની હાજરીમાં પથ્થરમારાનો દાવો

તાપીના સોનગઢમાં સોશિયલ મીડિયા પોસ્ટને લઈને વિવાદ જોવા મળ્યો. નવરાત્રી મહોત્સવની પોસ્ટ બાદ મામલો ઉગ્ર બન્યો. હિન્દુ યુવકના ઘર પર પોલીસની હાજરીમાં પથ્થરમારો થયાનો હિન્દુ સંગઠનનો દાવો. આરોપીઓ સામે કડક કાર્યવાહીની હિન્દુ સંગઠનોની માંગ. આરોપીઓને આજે ન પકડવામાં આવે તો સોનગઢ બંધ રાખવાની હિન્દુ સંગઠન દ્વારા ચીમકી. પોલીસ અધિક્ષક સહિતના ઉચ્ચ અધિકારીઓ ઘટના સ્થળે પહોંચ્યા. સોનગઢમાં કાયદો અને વ્યવસ્થાની સ્થિતિ જાળવવા પોલીસ સતર્ક. હાલ પોલીસ ધ્વારા આરોપીઓ વિરુદ્ધ ફરિયાદ નોંધી પકડી પાડવાની તજવીજ ચાલુ છે. નિઝર ઝોનના dysp એ લોકોને ખોટી અફવાઓ થી દૂર રહેવા કરી અપીલ.

સુરત રેલવે સ્ટેશનની કાયાપલટ માટે 1952ની ઇમારત પર બુલડોઝર ફરશે. ડિસેમ્બરમાં 74 વર્ષ જૂનું બીલ્ડિંગ તોડી કોનકોર્સ એરિયા બનાવાશે. પ્લેટફોર્મ નંબર 1 બંધ કરી ટ્રેનો ઉધના, ભેસ્તાન, ઉત્રાણ ડાયવર્ટ કરાશે. ARO, RPF સહિતની કચેરીઓ પૂર્વ તરફના નવા બિલ્ડિંગમાં જશે. સુરતથી પસાર થતી રોજિંદી 150થી વધુ ટ્રેનોના સંચાલનમાં ફેરફાર થશે. મુસાફરોએ આગામી છ મહિના સુધી અવરજવરની હાલાકીનો સામનો કરવો પડી શકે છે.
 

સુરતના જહાંગીરપુરામાં જ્વલનશીલ કેમિકલની ચોરી કરતી ગેંગનો પર્દાફાશ. હાઈવે પર પાર્ક કરેલા કેમિકલ ટેન્કરમાંથી પાઈપ વડે કેમિકલ ચોરીનું કૌભાંડ. જહાંગીરપુરા પોલીસે દરોડો પાડી ત્રણ આરોપીઓને ઝડપી પાડ્યા. બે ટેન્કરમાંથી કેમિકલ કાઢી કેરબામાં ભરી સસ્તા ભાવે ખરીદી મોંઘા ભાવે વેચવાનું કાવતરું. સ્ટાયરીન મોનોમર અને મિથાઈલ આઈસોબ્યુટાઈલ કિટોન જેવા કેમિકલની ચોરીનો ખુલાસો. કુલ 1.20 કરોડથી વધુનો મુદ્દામાલ કબજે કરાયો. કેમિકલ ભરેલા બે ટેન્કર, ટેમ્પો, બે ટુ-વ્હીલર અને મોબાઈલ ફોન સહિતનો મુદ્દામાલ જપ્ત. સાયણ-હજીરા હાઈવે પર આશારામજીનગર નજીક ઈંટના ભઠ્ઠાના કમ્પાઉન્ડમાં ચાલતું હતું ચોરીનું કાવતરું ત્રણ આરોપીઓ ઝડપાયા, જ્યારે ટેન્કરના બે ચાલક અને ત્રિકમ ખટીક સહિત ત્રણની શોધખોળ ચાલુ. જહાંગીરપુરા પોલીસે ભારતીય ન્યાય સંહિતા અને એક્સપ્લોઝિવ એક્ટ હેઠળ ગુનો નોંધી કાર્યવાહી હાથ ધરી.
 

આજે મુખ્યમંત્રી ભૂપેન્દ્ર પટેલની અધ્યક્ષતામાં કેબિનેટ બેઠક યોજાશે. રાજ્યમાં ઉદભવેલી વીજ સકંટની સ્થિતિ તેમજ ઓછા વરસાદવાળા વિસ્તારોની સ્થિતિ પર ચર્ચા થશે. પીએમ મોદીના ગુજરાત પ્રવાસ અંગે પણ ચર્ચા કરવામાં આવશે. 

ઇલિનોઇસના શ્રી વેંકટેશ્વર સ્વામી (બાલાજી) મંદિરમાં સામૂહિક ગોળીબારના કથિત કાવતરાની ફેડરલ હે્ટ ક્રાઇમ તરીકે તપાસ કરવા 100થી વધુ યુએસ કોંગ્રેસના સભ્યોએ એફબીઆઈ સમક્ષ માંગ કરી છે. અત્રે જણાવવાનું કે 19 વર્ષીય એલેક્ઝાન્ડ્રોસ પાપોરાકિસે 11 ઓક્ટોબરે મંદિર પર ફાયરિંગનો પ્રયાસ કર્યો હતો, પરંતુ રાઇફલ બગડી જતાં તે નાસી ગયો હતો અને તે જ દિવસે તેની ધરપકડ કરવામાં આવી હતી. કોંગ્રેસમેન રાજા કૃષ્ણમૂર્તિ અને અન્ય 104 કાયદા ઘડનારાઓએ એફબીઆઈ ડાયરેક્ટર કાશ પટેલને પત્ર લખીને આ મામલાની વ્યાપક તપાસની માંગ કરી છે. પત્રમાં જણાવાયું છે કે ધાર્મિક સ્થળ પર નફરત અને સામૂહિક હિંસાની આ તૈયારી માટે ગંભીર અને વ્યાપક ફેડરલ તપાસ જરૂરી છે. સાંસદોએ એફબીઆઈ પાસે હે્ટ ક્રાઇમ અને જસ્ટિસ ડિપાર્ટમેન્ટના સિવિલ રાઇટ્સ ડિવિઝન સાથેના સંકલન અંગે 29 ઓક્ટોબર સુધીમાં લેખિત જવાબ માંગ્યો છે. અહેવાલો અનુસાર તાજેતરના સમયમાં સોશિયલ મીડિયા પર દક્ષિણ એશિયન સમુદાય વિરુદ્ધના નિવેદનો અને નફરતપૂર્ણ પોસ્ટમાં મોટો વધારો થયો છે. સાંસદોએ તાજેતરના કેટલાક સરકારી વિભાગોના વિવાદાસ્પદ સંદેશાઓ સામે પણ ચિંતા વ્યક્ત કરી છે જે નફરતને પ્રોત્સાહન આપી શકે છે.
 

સુરતના ગોડાદરામાં રિક્ષામાં પેસેન્જરને બેસાડી ખિસ્સામાંથી પૈસા ચોરતી ટોળકી ઝડપાઈ. ગોડાદરા પોલીસને મળી મોટી સફળતા. ચોરીના ગુનાનો ભેદ ઉકેલાયો. રિક્ષામાં પેસેન્જરને બેસાડી આગળ-પાછળ ખસેડવાના બહાને ચોરી કરવામાં આવતી હતી. પેસેન્જરના ખિસ્સામાંથી 7,000ની ચોરી કર્યાનો આરોપ. સુફિયાન ઉર્ફે બાપુ અને અઝહર ઉર્ફે બાવાની ધરપકડ કરાઈ. ચોરીમાં વપરાયેલી રિક્ષા સહિત કુલ 1.07 લાખનો મુદ્દામાલ કબજે કરાયો છે. મુખ્ય આરોપી સુફિયાન સામે અગાઉના અનેક ગુનાઓ નોંધાયેલા હોવાનું પોલીસનું નિવેદન.
 

અંબાજી પંથકમાં અસામાજિક તત્વોનો ત્રાસ જોવા મળી રહ્યો છે. રાવણ દહન કાર્યક્રમ દરમિયાન પથ્થર મારાની ઘટના ઘટી. પથ્થર મારાની આ ઘટનાના વિડીયો સોશિયલ મીડિયામાં વાયરલ થતા લોકોમાં મચી ચકચાર છે. ત્રણથી ચાર લોકોને ઈજા પહોંચી. ઈજા ગ્રસ્તોને અંબાજીની જનરલ હોસ્પિટલમાં ખસેડાયા. અંબાજી પંથકમાં પારાવાર બનતી આવી અસામાજિક તત્વોની લુખી દાદાગીરીથી લોકો ત્રસ્ત થઈ ગયા છે. બે જૂથો વચ્ચે ઉશ્કેરણી બાદ પથ્થરમારો થયા હોવાની ચર્ચા. છુટા હાથને મારામારી અને પથ્થર મારાના વિડીયો સોશિયલ મીડિયામાં થયા વાયરલ થયા છે. આવી ઘટનાઓ સામે કડક કાર્યવાહી નહીં થાય તો આગામી સમયમાં પરિસ્થિતિ વધુ વણસી શકે છે.