Indian Passport Visa Free Countries 2026: વિઝા વગર આ 27 દેશોમાં ફરી શકે છે ભારતીય, જુઓ લિસ્ટ

જો તમે પણ વિદેશ ફરવાનું સપનું જોઈ રહ્યાં છો, પરંતુ એમ્બેસીના ચક્કર લગાવવા, મોટી ફાઈલો અને વિઝા રિજેક્ટ  (Visa Rejection) થવાનો ડર લાગે છે તો તમારા માટે સારા સમાચાર છે.

વિદેશ મંત્રાલયના આંકડા પ્રમાણે 2026મા ભારતીય પાસપોર્ટ ધારકોને દુનિયાના 27 દેશોમાં વિઝા વગર (Visa-Free Entry)ની યાત્રા કરવાની છૂટ મળી રહી છે. એટલું જ નહીં 47 દેશો એવા છે જે Visa-on-Arrival એટલે કે પહોંચવા પર વિઝા માગવામાં આવતા નથી. આ સિવાય 66 દેશ ઈ-વિઝાની સુવિધા આપી રહ્યાં છે. એટલે કે પાસપોર્ટ ઉઠાવો, ટિકિટ બુક કરાવો અને નીકળી પડો યાદગાર સફર પર.

આવો જાણીએ તે 27 દેશ ક્યા છે, જ્યાં તમે વિઝા વગર ફરી શકો છો. પરંતુ યાત્રા પહેલા તમારે કેટલીક વાતોનું ધ્યાન રાખવું પડશે.

એશિયામાં ક્યા-ક્યા વિઝા વગર જઈ શકશો
જો તમે બજેટ ફ્રેન્ડલી અને ઓછા સમયમાં ફરવા ઈચ્છો છો તો એશિયાના કેટલાક દેશ તમને જરૂર પસંદ આવશે.

નેપાળ અને ભૂતાનઃ ભારતના પાડોશી દેશ નેપાળમાં વિઝા વગર ફરી શકો છો. તો ભૂતાનમાં પણ વિઝાની જરૂર નથી. બસ તમારે એન્ટ્રી પરમિટ લેવાની હોય છે.

થાઈલેન્ડઃ ભારતીયોની પસંદગીની જગ્યા થાઈલેન્ડ તમને 30 દિવસ સુધી વિઝા વગર ફરવાની મંજૂરી આપે છે.

મલેશિયાઃ મલેશિયામાં ભારતીય પર્યટક 30 દિવસ માટે વિઝા-ફ્રી એન્ટ્રીનો ફાયદો ઉઠાવી શકે છે.

કઝાકિસ્તાનઃ સુંદરતાથી ભરપૂર કઝાકિસ્તાનમાં તમે 14 દિવસ વિઝા વગર રહી શકો છો.

મકાઉ અને ઈરાનઃ મકાઉમાં 30 દિવસ અને ઈરાનમાં દર 6 મહિનામાં એકવાર 15 દિવસ માટે વિઝા-ફ્રી એન્ટ્રીની સુવિધા ઉપલબ્ધ છે.

આઈલેન્ડ અને કેરેબિયન દેશ
જો તમને સમુદ્રના કિનારા અને શાંત જગ્યા પસંદ છે તો આઈલેન્ડ ડેસ્ટિનેશન તમને જરૂર પસંદ આવશે. મોરીશસમાં ભારતીયોને 90 દિવસ સુધી રહેવા કોઈ વિઝાની જરૂર નથી. તો ફિજીમાં તમે 120 દિવસ સુધી રહી શકો છો, પરંતુ ત્યાં પહોંચતા તમારે વિઝિટ પરમિટ લેવાની રહે છે.

આ સિવાય સેશેલ્સ, કુક આઈલેન્ડ અને નિઉએની વાત કરીએ તો સેશેલ્સની યાત્રા વિઝા ફ્રી છે. કુક આઈલેન્ડ્સમાં 31 દિવસ અને નિઉએમાં 30 દિવસ સુધી વિઝા વગર ફરી શકો છો.

કેરેબિયન દેશ જેમ કે બાર્બાડોસ, ગ્રેનાડા, હૈતી, ડોમિનિકા, અલ સાલ્વાડોર, જમૈકા, ત્રિનિદાદ એન્ટ ટોબેગો, સેન્ટ વિન્સેન્ટ અને સેન્ટ્સ કિટ્સ એન્ડ નેવિસ જેવા સુંદર દેશોમાં 30થી 90 દિવસ વિઝા વગર ફરી શકો છો.

આફ્રિકાના દેશો
આફ્રિકાના સેનેગલ અને ગામ્બિયા, આ બંને સુંદર આફ્રિકી દેશોમાં તમે 90 દિવસ સુધી વિઝા વગર રહી શકો છો. તો અંગોલામાં ભારતીયોને 30 દિવસ વિઝા વગર રહેવાની મંજૂરી મળે છે.

સાવધાન રહો, વિઝા-ફ્રીનો મતલબ ડોક્યુમેન્ટ વગર એન્ટ્રી નહીં
ઘણા લોકો વિચારે છે કે વિઝા-ફ્રીનો મતલબ બસ ફ્લાઇટ પકડી અને ચાલ્યા ગયા, તેવું નથી. કેટલીક વાતોનું ધ્યાન રાખો. જેમ કે ભૂતાન અને ફિજી જેવા દેશોમાં ભલે વિઝા ન લાગે, પરંતુ ત્યાંની ઇમીગ્રેશન ઓથોરિટી પાસે પરમિટ (Entry/Visit Permit)  લેવી જરૂરી છે. આ સિવાય લગભગ દરેક દેશની ઇમીગ્રેશન ઓથોરિટી તમારી વાપસીની ટિકિટ અને રહેવા માટે હોટલ બુકિંગના કાગળ માગી શકે છે. જતાં પહેલા તે વાતનું ધ્યાન રાખો કે તમારા પાસપોર્ટ તમારી યાત્રાની તારીખથી ઓછામાં ઓછા 6 મહિના માટે કાયદેસર હોવો જોઈએ.

કોઈપણ દેશના વિઝા નિયમ સમય-સમય પર બદલી શકે છે. તેથી યાત્રાનું પ્લાન બનાવતા પહેલા વિદેશ મંત્રાલય કે તે દેશની સત્તાવાર વેબસાઇટ જરૂર ચેક કરો.