Gardening Tips: આ રીત ફોલો કરી ઘરે પાણીના ટબમાં ઉગાડો કમળના ફૂલ, એકદમ સરળ છે રીત

How to Grow Lotus at Home:  કમળના ફૂલ અત્યંત સુંદર હોય છે. ઘણી જગ્યાએ તળાવ કમળના ફૂલથી છલકાયેલા જોવા મળે છે. કમળના ફૂલ સામાન્ય રીતે તળાવમાં ઉગેલા જોવા મળે છે. પણ આ ફૂલ તમે ઘરે પણ ઉગાડી શકો છો. વાત જાણીને આશ્ચર્ય થશે પરંતુ એક સરળ પ્રક્રિયા ફોલો કરી અને તમે પાણીના ટબમાં પણ કમળના ફૂલ ઉગાડી શકો છો.  

પાણીના ટબમાં કમળનું ફૂલ

કમળના ફૂલ ઘરે ઉગાડવા માટે વધારે પડતી તૈયારી કે વધારે જગ્યાની જરૂર પડતી નથી. પાણીના ટબમાં કે પછી કુંડામાં પણ કમળનું ફૂલ ઉગાડી શકાય છે. કમળનું ફૂલ ઉગાડવા માટે યોગ્ય રીત ફોલો કરવાની જરૂર હોય છે અને ફૂલની સંભાળ બરાબર રીતે રાખવાની જરૂર હોય છે. અહીં પાણીના કુંડામાં કમળનું ફૂલ કઈ રીતે ઉગાડવું તેની રીત જણાવેલી છે. આ ટિપ્સ ફોલો કરીને તમે ઘરે સરળતાથી કમળના ફૂલ ઉગાડી શકો છો.

ઘરે કમળના ફૂલ ઉગાડવાની રીત

કમળના ફૂલ ઉગાડવા માટે કમળ કાકડીની જરૂર પડશે. માર્કેટમાંથી સારી ક્વોલિટીની કમળ કાકડી લઈ આવો અને તેના બીજના ઉપરના ભાગને થોડું તોડી નાખો જેથી બીજ અંકુરિત થવાની પ્રક્રિયા ઝડપથી થવા લાગે. કમળ કાકડીનું ઉપરનું લેયર કડક હોય છે જો તેને તોડવામાં ન આવે તો બીજ અંકુરિત થવાની પ્રક્રિયામાં બે થી ત્રણ અઠવાડિયા લાગી શકે છે. આવું ન થાય તે માટે ઉપરનું કડક પણ થોડું તોડી નાખવું.

ત્યાર પછી કમળ કાકડીના બીને પાણી ભરેલી વાટકીમાં પલાળી દો. દર બે દિવસે પાણી બદલી દેવું.. થોડા દિવસમાં દેખાશે કે કમળ કાકડી ના બી અંકુરિત થવા લાગ્યા છે. બીજના અંકુર લાંબા થાય ત્યાં સુધી તેને પાણીમાં રાખો. બીના અંકુર લાંબા થઈ જાય પછી તેને ટબ કે કુંડામાં વાવવા.

દિવસમાં 5થી 6 કલાકનો તડકો જરૂરી

અંકુરિત બીજ ને વાવવા માટે એક મોટું ટબ કે કુંડું લેવું. એક વાતનું ધ્યાન રાખવું કે પાત્ર એવું હોવું જોઈએ જેમાં પાણી ભરાયેલું રહે. આ પાત્રને એવી જગ્યાએ રાખવું જ્યાં દિવસ દરમિયાન પાંચ થી છ કલાક તડકો આવતો હોય. જો તડકો બરાબર નહીં મળે તો કમળના ફૂલ બરાબર નહીં ખીલે. ત્યાર પછી ટબ કે કુંડામાં માટી રાખો. કમળના ફૂલ માટે ભારે અને ચીકણી માટે લેવાની હોય છે. કુંડામાં માટી અને વર્મી કમ્પોસ્ટ બરાબર માત્રામાં મિક્સ કરો. માટી અને વર્મી કમ્પોસ્ટના મિશ્રણમાં પાણી ઉમેરો. પાણી એટલું ઉમેરવું કે ઉગેલા બીજને માટીની અંદર રાખી શકાય અને ઉપરના ભાગે પાણી રહે.

કમળના ફૂલ માટે પાણીમાં નું પ્રમાણ વધારે

કમળ કાકડીના બીને માટીમાં રાખો અને તેની ઉપરનો અંકુરિત ભાગ પાણી પર તરતો રહે તે રીતે વાવો. જેમ જેમ બીજ માંથી અંકુર વધતા જાય તેમ પાણી, ખાતર અને માટીમાં વધારો કરવો. કમળના ફૂલ માટે પાણીમાં નું પ્રમાણ વધારે જરૂરી છે. ઓક્ટોબર મહિનામાં કમળના બીજ વાવો છો તો તેમાં વધારે ખાતર ઉમેરવાની જરૂર પડતી નથી.

સૌથી પહેલા પાણી પર પાન ઉગશે. જે પણ પાન સળી જાય કે કાળું પડી જાય તેને કાઢી નાખવું. પાણીના ટબમાં જો કચરો એકઠો થયો હોય તો તેને પણ હટાવી દેવો. એક વખત કમળના પાન બરાબર ખીલી જશે તો પછી તેમાં ફૂલ ખીલવાની શરૂઆત થશે. આ પ્રોસેસ ફોલો કરવાથી પાણીના ટબમાં પણ કમળના ફૂલ ખીલી શકે છે..

(Disclaimer: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ZEE 24 કલાક તેની પુષ્ટિ કરતું નથી.)