Teeth Cleaning: દાંત પર કાળા ડાઘ પડી ગયા છે? આ વસ્તુથી દાંત સાફ કરજો, ડાઘ થઈ જશે સાફ

Teeth Cleaning Tips: દાંતની સફાઈ બરાબર ન થાય ત્યારે દાંત સંબંધિત અલગ અલગ સમસ્યા થાય છે. સફાઈના અભાવના કારણે દાંત ઘણીવાર કાળા દેખાવા લાગે છે. દાંતમાં સડો પણ થઈ શકે છે. ઘણા લોકોને દાંત પર કાળા ડાઘ દેખાવા લાગે છે. આવું મોટાભાગે બાળકોમાં વધારે જોવા મળે છે. બાળકો ચોકલેટ સહિતની મીઠી વસ્તુઓ વધારે ખાતા હોય છે. અને દાંતની સફાઈ બરાબર કરતાં નથી જેના કારણે દાંત પર ડાઘ પડી જાય છે.

દાંત પર દેખાતા કાળા ડાઘના અન્ય કારણ પણ હોય શકે છે. પરંતુ જો સફાઈના અભાવના કારણે દાંત પર ડાઘ દેખાતા હોય તો તેનો ઈલાજ ઘરેલુ વસ્તુઓની મદદથી કરી શકો છો. આજે તમને એવા ઘરેલુ ઉપાય જણાવીએ જેની મદદથી તમે દાંત પરના ડાઘ ઘરે બેઠા કાઢી શકો છો. તો ચાલો તમને જણાવીએ દાંતની સફાઈ ઘરે બેઠા કઈ રીતે કરવી.

દાંતના ડાઘ કાઢવાની રીતો

આ પણ વાંચો: Ooty: દિવાળી વેકેશનમાં ફરવા જવાનો પ્લાન છે ? તો સુંદર હિલ સ્ટેશન વિશે જાણો, આ જગ્યા મિસ કરવા જેવી નથી

બેકિંગ સોડા અને લીંબુ

દાંતની સફાઈનો સૌથી અસરકારક ઉપાય છે બેકિંગ સોડા અને લીંબુ. દાંત પરથી ડાઘ કાઢવા માટે બેકિંગ સોડા લઈ તેમાં લીંબુના ટીપા ઉમેરો અને પેસ્ટ બનાવો. આ પેસ્ટ દાંત પર લગાવો અને 1 થી 2 મિનિટ મસાજ કરો. 2 મિનિટ પછી કોગળા કરી દાંત સાફ કરો. આ ઉપાય સપ્તાહમાં 2 વખત જ કરવો. વધારે કરવાથી દાંતનું ઉપરનું લેયર ખરાબ થઈ શકે છે.

સ્ટ્રોબેરી અને બેકિંગ સોડા

સ્ટ્રોબેરીના ટુકડા લઈ તેમાં બેકિંગ સોડા મિક્સ કરી આ પેસ્ટને દાંત પર લગાવો. 2 મિનિટ બાદ દાંતની સફાઈ કરો. સ્ટ્રોબેરીમાં રહેલું મૈલિક એસિડ દાંત પરના ડાઘ ઓછા કરવામાં મદદ કરી શકે છે.

આ 2 ઉપાય ઉપરાંત દાંતની સફાઈ નિયમિત કરવાનું રાખો. દિવસમાં 2 વખત દાંત સાફ કરવા. કંઈપણ વસ્તુ ખાધા પછી દાંતની સફાઈ સારી રીતે કરવી જેથી દાંતમાં ફસાયેલા કણ અને ગંદકી નીકળી જાય.

જો દાંત પર કાળા ડાઘ હોવાની સાથે દાંતમાં સડો દેખાતો હોય તે દાંતમાં દુખાવો થતો હોય તો ઘરેલુ ઈલાજ કરીને સમય ન કાઢવો. તુરંત ડોક્ટરને બતાવવું.

(Disclaimer: અહીં આપેલી માહિતી અને ઘરગથ્થુ ઉપચાર સામાન્ય માહિતી પર આધારિત છે. તેને અપનાવતા પહેલા તબીબી સલાહ લેવી જોઈએ. ZEE24kalak તેની પુષ્ટિ કરતું નથી.)