Mug Pulav Recipe: આણંદનો પ્રખ્યાત મગ પુલાવ બનાવવાની રીત, નાના-મોટા સૌ કોઈ આંગળા ચાટીને ખાશે

Mug Pulav Recipe: ગુજરાતીઓ ખાવાપીવાના શોખીન હોય છે. અહીંના દરેક શહેરમાં સ્ટ્રીટ ફુડમાં અલગ અલગ વસ્તુ ફેમસ છે. ગુજરાતના કોઈપણ શહેરમાં ફરવા જાવ તમને ખાવાપીવામાં અઢળક વેરાયટી મળે. આવી જ એક વેરાયટી છે મગ પુલાવ. મગ પુલાવ આણંદ શહેરનું ફેમસ સ્ટ્રીટ ફુડ છે. જો કે આ પુલાવ એટલો ટેસ્ટી હોય છે કે હવે તો આ આઈટમ ગુજરાતભરમાં ફેમસ થઈ ગઈ છે.

આ પણ વાંચો: Mohanthal Recipe: મીઠાઈની દુકાને મળે એવો જ દાણેદાર અને સોફ્ટ મોહનથાળ બનાવવાની રીત

આણંદનો ફેમસ મગ પુલાવ ડિનર માટે બેસ્ટ વનપોટ મીલ છે. વનપોટ મીલ એટલે કે જમવામાં અલગ અલગ વસ્તુઓ ન બનાવવી પડે. એક જ મેઈન ડીશ હોય જેને ખાવાથી પેટ ભરાઈ જાય. દિવાળીના તહેવાર સમયે આ વનપોટ મીલ તમે પણ ટ્રાય કરી શકો છો. રાત્રે જમવામાં બસ મગ પુલાવ બનાવી લો અને દહીં અથવા છાશ સાથે સર્વ કરો. તમારી બીજી કોઈ વસ્તુ બનાવવી નહીં પડે. જો તમને નથી ખબર કે મગ પુલાવ કેવી રીતે બને તો ચાલો તમને સ્ટ્રીટ સ્ટાઈલ મગ પુલાવ બનાવવાની રીત પણ જણાવી દઈએ.

મગ પુલાવ માટેની સામગ્રી

પલાળીને બાફેલા મગ - 1 કપ
બાફેલા ભાત - 2 કપ
તેલ અને બટર - 2 ચમચી
આદુ લસણની પેસ્ટ - 2 ચમચી
ઝીણી સમારેલી ડુંગળી - 1 નંગ
ઝીણું સમારેલું ટમેટું - 1
હળદર, લાલ મરચું, ગરમ મસાલો, ધાણાજીરું, મીઠું સ્વાદ અનુસાર
ઝીણી સમારેલી કોથમીર

આ પણ વાંચો: Recipe: ઘરે બનાવો બજારમાં મળે એવી જ સાત પડવાળી પુરી, આ રીતે બધા પડ ખુલશે અને પુરી ક્રિસ્પી બનશે

મગ પુલાવ બનાવવાની રીત

• સૌથી પહેલા એક પેનમાં બટર ગરમ કરો. તેમાં તેલ પણ ઉમેરો જેથી બટર બળે નહીં.
• બટરમાં આદુ લસણની પેસ્ટ સાંતળી તેમાં ઝીણી સમારેલી ડુંગળી કુક કરો
• ડુંગળી ગોલ્ડન બ્રાઉન થાય એટલે તેમાં ઝીણા સમારેલા ટમેટા ઉમેરો.  
• ટમેટા સોફ્ટ થવા લાગે એટલે તેમાં હળદર, લાલ મરચું, ગરમ મસાલો, ધાણાજીરું, મીઠું સ્વાદ અનુસાર ઉમેરો.
• મસાલા કુક થઈ જાય એટલે તેમાં બાફેલા મગ અને બાફેલા ભાત ઉમેરો. 
• ભાત અને મગને મસાલા સાથે 5 થી 10 મિનિટ બરાબર કુક થવા દો. 
• ત્યારબાદ ગરમાગરમ મગ પુલાવમાં કોથમીર ઉમેરી સર્વ કરો.

નોંધ - મગ પુલાવ માટે મગ અને ભાત બાફતી વખતે એકવાત ધ્યાનમાં રાખવી કે મગ અને ભાતને છુટ્ટા પાણીમાં બાફવા અને 90 ટકા જ બાફવા. જો મગ અને ભાત ઓવર કુક હશે તો પુલાવ સારો નહીં બને.