Weight Loss Drinks: આ ડ્રિંક્સ સાથે કોર્ટિસોલ મેનેજ કરી ઈન્ફ્લેમેશન ઘટાડો, કમરની સાઈઝ જાતે જ 34 માંથી 28 થઈ જશે

Weight Loss Drinks: જો તમારું વજન વધારે છે અને વજન ઓછું કરવા માટે તમે ડાયટ અને એકસરસાઈઝ કરતાં હોય તેમ છતાં ફરક ન પડતો હોય તો તેની પાછળ કોર્ટિસોલ લેવલ અને લાંબા સમયના સોજા જવાબદાર હોય શકે છે. ખરાબ પાચન, વધેલું કોર્ટિસોલ શરીરમાં અલગ અલગ સમસ્યા વધારી શકે છે. જેમાં શરીરનું વધેલું વજન પણ છે. કોર્ટિસોલ અને સોજાના કારણે શરીર ફુલેલું હોય તો તેને ઠીક કરવામાં કેટલાક ડ્રિંક્સ તમને મદદ કરી શકે છે. આ ડ્રિંક્સ સતત 15 દિવસ પીવાથી કમરની સાઈઝમાં ફરક દેખાવા લાગશે.

પેટની ચરબી ઓછી કરતાં ડ્રિંક્સ

જીરું, ધાણા અને વરિયાળી

સૌથી પહેલા દરેક ઘરમાં હોય તેવી વસ્તુઓના હેલ્ધી ડ્રિંક વિશે જાણીએ. 1 ગ્લાસ પાણીમાં જીરું, ધાણા અને વરિયાળી ઉમેરી બરાબર ઉકાળો. 5 મિનિટ પાણી ઉકળે પછી તેને ગાળીને પી લેવું. આ ડ્રિંક્સ પાચન સુધારી સોજા ઓછા કરવામાં મદદ કરી શકે છે.

લીંબુનું પાણી

બીજું ડ્રિંક છે લીંબુનું પાણી. એક કપ હુંફાળા પાણીમાં અડધું લીંબુ નીચોવી તેમાં 1 ચમચી ઓલિવ ઓઈલ ઉમેરો અને પછી આ પાણી પી લો. આ ડ્રિંક પાચન સુધારશે અને કબજિયાત જેવી સમસ્યાથી રાહત આપશે.

આદુનું પાણી

ગટ હેલ્થ સુધારવા માટે આદુનું પાણી પી શકો છો. એક ગ્લાસ પાણીમાં ચિયા સીડ્સ પલાળી દેવા અને બીજા દિવસે સવારે તેમાં આદુનો રસ મિક્સ કરી પી લેવું. આદુના ટુકડા પણ રાત્રે પાણીમાં પલાળી શકો છો. સવારે આ પાણી પી લેવું.

ઈસબગોલ

1 ગ્લાસ પાણીમાં 1 ચમચી ઈસબગોલ પલાળી દો. ઈસબગોલમાં ઘુલનશીલ ફાઈબર હોય છે. ઈસબગોલના પાણીમાં લીંબુનો રસ મિક્સ કરી પીવાથી પેટ સાફ આવે છે. પાચન સુધરે છે જેના કારણે પેટના સોજા ઓછા થાય છે. જો કે ઈસબગોલ પીધા પછી પાણી વધારે પ્રમાણમાં પીવું જરૂરી હોય છે.

જો તમને પણ લાગે છે કે તમારું વજન છે તેના કરતાં શરીર વધારે ફુલેલું લાગે છે. તો 15 દિવસ આ 4 માંથી કોઈપણ એક ડ્રિક પીવાનું શરુ કરો. આ ડ્રિંક્સ કોર્ટિસોલ લેવલ સુધારવાની સાથે શરીરના સોજા ઉતારવામાં મદદ કરશે.

(Disclaimer: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ZEE 24 કલાક તેની પુષ્ટિ કરતું નથી.)