AI માં બનાવવું છે ઉજ્જવળ કરિયર? IIT હૈદરાબાદ લાવ્યું ખાસ પ્રોફેશનલ સર્ટિફિકેશન પ્રોગ્રામ

આર્ટિફિશિયલ ઇન્ટેલિજન્સ (AI) ના ક્ષેત્રમાં કરિયર બનાવવાની તૈયારી કરી રહેલા પ્રોફેશનલ્સ અને છાત્રો માટે IIT હૈદરાબાદે એક નવો સર્ટિફિકેશન પ્રોગ્રામ શરૂ કર્યો છે. સંસ્થાનો ચાર સપ્તાહનો Applied AI Professional Certification Program 24 ઓક્ટોબરથી 14 નવેમ્બર 2026 સુધી ચાલશે. આ કોર્સ હાઇબ્રિડ મોડમાં આયોજીત કરવામાં આવશે. તેમાં માત્ર AI ની થિયરી જ નહીં, પરંતુ વાસ્તવિક પરિસ્થિતિમાં AI સિસ્ટમ બનાવવા અને મેનેજ કરવાની ટ્રેનિંગ આપવામાં આવશે. કોર્સમાં AI એજન્ટ, RAG, મલ્ટી-એજન્ટ સિસ્ટમ અને એઆઈ સિસ્ટમના મૂલ્યાંકન જેવા જરૂરી વિષય સામેલ છે.

ચાર સપ્તાહનો હશે પ્રોગ્રામ
IIT હૈદરાબાદનો આ પ્રોગ્રામ ખાસ રીતે તે લોકો માટે તૈયાર કરવામાં આવ્યો છે જે AI ના વ્યાવહારિક ઉપયોગને સમજવા ઈચ્છે છે. સંસ્થા અનુસાર AI ના ક્ષેત્રમાં એવા પ્રોફેશનલ્સની માગ વધી રહી છે, જે વાસ્તવિક બિઝનેસ જરૂરિયાત માટે ભરોસાપાત્ર અને પ્રભાવી AI સિસ્ટમ તૈયાર કરી શકે. આ જરૂરિયાને ધ્યાનમાં રાખતા પાઠ્યક્રમમાં પ્રેક્ટિકલ ટ્રેનિંગ પર ભાર આપવામાં આવ્યો છે.

ચાર મુખ્ય મોડ્યૂલમાં મળશે ટ્રેનિંગ
કોર્સમાં ચાર મુખ્ય મોડ્યૂલ રાખવામાં આવ્યા છે. પ્રથમ મોડ્યૂલમાં Reliable AI Agents નું બેઝિક જ્ઞાન આપવામાં આવશે. તેમાં મોડલની પસંદગી, ટૂલ કોલિંગ, સ્ટ્રક્ચર્ડ આઉટપુટ, રિટ્રાઈ લોજિક અને રિકવરી જેવા વિષય સામેલ છે. બીજા મોડ્યૂલમાં નોલેજ, મેમરી એન્ડ પ્રોડક્શન (RAG) પર તાલીમ આપવામાં આવશે. તેમાં ડોક્યૂમેન્ટ ચેકિંગ, સિમેન્ટિક સર્ચ, લોન્ગ-ટર્મ મેમરી, રીરેન્કિંગ અને પ્રોમ્પ્ટ ઈન્જેક્શનથી બચાવ જેવા વિષય ભણાવવામાં આવશે.

ત્રીજા મોડ્યૂલમાં Graph-Based Multi-Agent Systems ની જાણકારી આપવામાં આવશે. જેમાં મલ્ટી-એજન્ટ સિસ્ટમ, ઓર્કેસ્ટ્રેશન, ચેકપોઈન્ટ્સ અને MCP પર પ્રેક્ટિકલ ટ્રેનિંગ હશે.

ચોથા મોડ્યૂલમાં Evaluation, Observability and Launch સામેલ છે. તેમાં સ્પર્ધકોને AI સિસ્ટમની તપાસ અને તેને પ્રોડક્શનમાં લોન્ચ કરવાની પ્રક્રિયા સમજાવવામાં આવશે.

IIT ફેકલ્ટી અને ઈન્ડસ્ટ્રી એક્સપર્ટ આપશે ટ્રેનિંગ
પ્રોગ્રામમાં IIT હૈદરાબાદના ફેકલ્ટી સભ્યોની સાથે ઈન્ડસ્ટ્રીના એક્સપર્ટ પણ તાલીમ આપશે. કોર્સ પૂરો કરનાર લોકોને સોર્સ કોડ અને મૂલ્યાંકન સાથે જોડાયેલી સામગ્રી જમા કરવી પડશે. આ સિવાય તેને કામ કરનાર પ્રોડક્શન-સ્ટાઇલ એઆઈ એજન્ટ એપ્લિકેશન પણ પ્રદર્શિત કરવી પડશે.

શરૂઆતી 20 અરજીકર્તાને ફીમાં મળશે છૂટ
સીમિત સીયોની સાથે અર્લી-બર્ડ રજીસ્ટ્રેશન શરૂ થઈ ગયું છે. પ્રથમ 20 અરજીકર્તા માટે ફી 450,000 રૂપિયા (ટેક્સ સહિત) રાખવામાં આવી છે. ત્યારબાદ રજીસ્ટ્રેશન કરાવનાર ઉમેદવારોએ 50,000 રૂપિયા આપવા પડશે.