નેપાળમાં મોટી દુર્ઘટના, માઉન્ટ એવરેસ્ટ બેસ કેમ્પમાં લેન્ડિંગ વખતે 2 હેલિકોપ્ટર અથડાયા, 1નું મોત
Nepal Helicopter Crash: અમેરિકા બાદ હવે નેપાળમાં મોટી હવાઈ દુર્ઘટના સર્જાઈ છે. નેપાળના માઉન્ટ એવરેસ્ટ વિસ્તારમાં મંગળવારે સવારે મોટો અક્સમાત થયો. અધિકારીઓના જણાવ્યાં મુજબ ફેરિચેમાં લેન્ડિંગ દરમિયાન બે હેલિકોપ્ટર પરસ્પર ટકરાયા જેમાં એક મુસાફરનું મોત નિપજ્યું છે.
નેપાળના માઉન્ટ એવરેસ્ટ બેસ કેમ્પ પર મંગળવારે બે હેલિકોપ્ટર પરસ્પર અથડાયા જેમાં એક વિદેશી નાગરિકનું મોત નિપજ્યું છે. આ દુર્ઘટના ઘટી ત્યારે ત્યાં મોટી સંખ્યામાં પર્વતારોહકો હાજર હતા. કાઠમંડુ પોસ્ટના રિપોર્ટ મુજબ સોલુખુમ્બુ જિલ્લાના ખુમ્બુ પાસાંગ લ્હામુ ગ્રામીણ નગરપાલિકાના વોર્ડ 4 સ્થત ફેરિચેમાં લેન્ડિંગ દરમિયાન બે હેલિકોપ્ટર પરસ્પર અથડાયા હતા જેમાં એક વ્યક્તિનો જીવ ગયો અને એક અન્ય વ્યક્તિ ઈજાગ્રસ્ત થયો છે. પોલીસના જણાવ્યાં મુજબ એર ડાયનેસ્ટી અને ફિશટેલ એરના આ બે હેલિકોપ્ટર સવારે લગભગ 8.11 કલાકે દુર્ઘટનાગ્રસ્ત થયા.
યુએસ મિડટર્મ ઇલેક્શન વચ્ચે અમેરિકાની ઇરાન પર એરસ્ટ્રાઇક: કેશમ આઇલેન્ડ પર ડ્રોન હુમલો, શું ફરી વધશે તણાવ?
પોલીસ કાર્યાલયના સૂચના અધિકારી પોલીસ ઈન્સ્પેક્ટર મૌસમ તમાંગે જણાવ્યું કે માર્યા ગયેલા વિદેશી નાગરિકની ઓળખ હજુ થઈ શકી નથી. તેમણે કહ્યું કે એક મુસાફર ઘાયલ પણ થયો છે. ફિશટેલ એરના હેલિકોપ્ટરને કેપ્ટન પ્રજ્વલ કેસી ઉડાવતા હતા. જ્યારે એર ડાયનેસ્ટીના હેલિકોપ્ટરની કમાન કેપ્ટન રબિન્દ્ર પ્રજાપતિ પાસે હતી. જે આ અકસ્માતમાં ઘાયલ પણ થયા છે.
ઘાયલ થયેલી વ્યક્તિને સારવાર માટે પ્રભુ એરના એક હેલિકોપ્ટરથી લુક્લા લે લઈ જવાયો છે. તેની સ્થિતિ અને આ સાથે જ બંને હેલિકોપ્ટરમાં સવાર અન્ય મુસાફરો અને ક્રુ સભ્યો વિશે હજુ કોઈ જાણકારી સામે આવી નથી.
કઈ રીતે થયો અકસ્માત
બે હેલિકોપ્ટર કઈ રીતે અથડાયા તે કારણ હજુ સામે આવ્યુ નથી. પોલીસે કહ્યું કે જાણકારી મેળવવામાં આવી રહી છે. ઘટનાની તપાસ ચાલુ છે.
Florida Plane Crash: ફ્લોરિડામાં પ્રાઈવેટ જેટ ક્રેશ, આગનો ગોળો બનેલા પ્લેનમાં સવાર 9 લોકોના મોત
વીડિયો થયો વાયરલ
આ દુર્ઘટનાનો એક વીડિયો હાલ સોશિયલ મીડિયા પર વાયરલ થઈ રહ્યો છે. જેમાં બર્ફીલી વાદીઓ વચ્ચે અનેક પર્વતારોહકો ઊભા છે. ત્યારે અચાનક એક હેલિકોપ્ટર આવે છે અને બીજુ પણ ત્યારે જ આવે છે. લેન્ડિંગની કોશિશ દરમિયાન બંને પરસ્પર અથડાય છે. આ જોઈને ત્યાં ઊભેલા લોકોમાં હડકંપ મચી જાય છે અને તેઓ જીવ બચાવવા માટે ભાગવા લાગે છે.
અત્રે જણાવવાનું કે નેપાળમાં પર્યટકો, પર્વતારોહકો અને જરૂરી સામાનની અવરજવર ઉપરાંત ઈમરજન્સી સ્થિતિઓમાં લોકોને સુરક્ષિત બહાર કાઢવા માટે નાના હેલિકોપ્ટરોનો મોટે પાયે ઉપયોગ થાય છે. દેશમાં કપરી ભૌગોલિક સ્થિતિ અને ઝડપથી બદલાતા હવામાનને કારણે અહીં હવાઈ ઉડાણો ઘણી જોખમી પણ બનતી હોય છે. અત્રે જણાવવાનું કે હાલમાં જ અમેરિકામાં પણ એક મોટી હવાઈ દુર્ઘટના ઘટી જેમાં 9 લોકોના જીવ ગયા.
