72 હૂરોના ખ્વાબમાં બન્યો ફિદાયીન: સ્મિત મચ્છર પર હુમલો કરનાર હવે ડેથ ચેમ્બરમાં મરશે!, આવી સજા મળશે

flydubai plane hijack : ઓમાની મૂળનો આતંકવાદી પાયલટ હમામ અલ-હમ્મામી ફ્લાઈ દુબઈની ફ્લાઈટ સાથે શું કરવા જઈ રહ્યો હતો. તેની તપાસમાં સતત ચોંકાવનારા ખુલાસા થઈ રહ્યા છે. કેપ્ટન સ્મિત મચ્છરને ઈજાગ્રસ્ત કર્યા બાદ જે રીતે તેણે કોકપિટના સંવેદનશીલ સ્વિચ સાથે છેડછાડ કરી, તે ખૂબ જ ભયાનક છે. થોડી મિનિટોનો વધુ વિલંબ થયો હોત, તો હમ્મામી પોતાના હાઈજેક મિશનમાં સફળ થઈ ગયો હોત.180 મુસાફરો સાથે તે વિમાનને ઈઝરાયલના મોટા ટાર્ગેટ સાથે અથડાવી શક્યો હોત...

પોતાના મિશન માટે હમ્મામી જીવ આપવા તૈયાર હતો. તેને ફિદાયીન આતંકવાદી બનવાની તાલીમ આપવામાં આવી હોવાનું સામે આવ્યું છે. હવે હમ્મામીનું આ મિશન UAEમાં મૃત્યુદંડ સાથે પૂર્ણ થવાની સંભાવના છે...

હમ્મામીની એ છેલ્લી ઘડીને સમજવા માટે આ વીડિયો જુઓ. UAEમાં મૃત્યુદંડ માટે આ પ્રકારની પ્રક્રિયા અપનાવવામાં આવતી હોવાનું જાણવા મળે છે. ડેથ ચેમ્બરમાં 9 ગનમેન દોષિત પર એક પછી એક ગોળી ચલાવે છે. આ પ્રક્રિયા 2થી 3 મિનિટ સુધી ચાલતી હોવાનું કહેવાય છે. ગોળીઓથી દોષિતનું શરીર સંપૂર્ણપણે ઘાયલ થઈ જાય છે.

• પહેલી ગોળીથી લઈને 9મી ગોળી સુધી
• 3 મિનિટ સુધી તડપશે 'હમ્મામી'!
• 72 હૂરોના ખ્વાબમાં ફિદાયીન બન્યો,
• હવે 9 ગોળીઓથી છલાઈ જશે...!

અહેવાલો અનુસાર UAE હમ્મામીને મૃત્યુદંડ આપી શકે છે. તપાસમાં સામે આવેલા દાવા મુજબ...

હમ્મામીને શા માટે થશે મૃત્યુદંડ?        

• હમ્મામીએ પોતે કબૂલ્યું છે કે વિમાનને બેન ગુરિયન એરપોર્ટ સાથે અથડાવવું તેનું 'સપનું' હતું.
• તેણે ઈઝરાયલ જતી એરલાઈન્સ વિશે માહિતી એકત્ર કરી અને ફ્લાઈદુબઈમાં નોકરી મેળવી.
• આતંકવાદી હુમલામાં સામેલ હોવાના કારણે UAEમાં હમ્મામીને મૃત્યુદંડ મળવાની સંપૂર્ણ શક્યતા છે.
• કાયદા મુજબ તેને ફાયરિંગ સ્ક્વોડ દ્વારા મોતને ઘાટ ઉતારવામાં આવી શકે છે.
• UAEમાં ફાંસી અથવા સાઉદી અરેબિયાની જેમ જાહેરમાં ગળું કાપવાની પરંપરા નથી.
• અમેરિકી રાષ્ટ્રપતિએ ફ્લાઈદુબઈની ઘટનામાં ઈરાનનો હાથ હોવાની વાત કરી છે.

મૃત્યુદંડ આપવા માટે તેનો ગુનો જ પૂરતો

હમ્મામીની પૂછપરછ જોકે હજુ ચાલી રહી છે. અત્યાર સુધી તેણે કોઈ આતંકવાદી સંગઠન સાથે જોડાયેલા હોવાની વાત કરી નથી અને ન તો કોઈ કાવતરાખોરનું નામ લીધું છે પરંતુ તેને મૃત્યુદંડ આપવા માટે તેનો ગુનો જ પૂરતો હોવાનો દાવો કરવામાં આવી રહ્યો છે.

આ વાત સંપૂર્ણપણે સ્પષ્ટ થઈ ચૂકી છે કે હમ્મામીનો ઈરાદો શું હતો અને તે ઈઝરાયલ પાસેથી કેવી રીતે બદલો લેવા માગતો હતો પરંતુ પાકિસ્તાની મીડિયામાં નજમ સેઠી જેવા સિનિયર જર્નાલિસ્ટ ફ્લાઈદુબઈની સમગ્ર ઘટનાને ‘ફોલ્સ ફ્લેગ’ એટલે કે બનાવટી ઘટના ગણાવી રહ્યા છે.

નિવેદનોને લઈને નજમ સેઠી ટ્રોલ 
હવે નજમ સેઠીને કોઈએ પૂછવું જોઈએ કે જ્યારે આરોપી કબૂલાત કરી રહ્યો છે, 180 લોકોના જીવ બચાવનાર પાયલટ ઈજાગ્રસ્ત છે અને તેના માટે સમગ્ર દુનિયામાં દુઆ કરવામાં આવી રહી છે, તો શું આ બધું પણ બનાવટી છે?

જો આ કાવતરું ઈઝરાયલે રચ્યું હતું, તો ફ્લાઈટને ટાર્ગેટ સાથે અથડાવી દેવામાં આવી હોત, જેમ કે નજમ સેઠી 9/11 હુમલા અંગે દાવા કરતા રહ્યા છે. આવા નિવેદનોને લઈને નજમ સેઠી ટ્રોલ પણ થયા છે, પરંતુ આજે પણ તેઓ આવા નિવેદનોથી અટકતા નથી. દરમિયાન દુબઈની હોસ્પિટલમાં સારવાર લઈ રહેલા કેપ્ટન સ્મિતની હાલતમાં સુધારો થઈ રહ્યો છે, પરંતુ સંપૂર્ણ સ્વસ્થ થવામાં હજુ સમય લાગશે...

કેપ્ટન સ્મિતની હાલતમાં કેટલો સુધારો?    

સૂત્રોના મુજબ, કુહાડીના હુમલામાં તેમની ખોપરીમાં ફ્રેક્ચર થયું હતું અને તેમની આંખો તથા મગજ પર પણ અસર થઈ હતી. સાઉદી અરેબિયામાં તેમની સર્જરી બાદ તેમને UAE લઈ જવામાં આવ્યા હતા. ડૉક્ટરો તેમને સતત હાઈ ડોઝની દવાઓ આપી રહ્યા છે. જોકે આ સ્થિતિમાં પણ તેમણે કહ્યું છે કે તેઓ ટૂંક સમયમાં ફરીથી પ્લેન ઉડાવવા માગે છે..

એ દિવસ હવે વધુ દૂર નથી, જ્યારે કેપ્ટન સ્મિત મચ્છર સંપૂર્ણ સ્વસ્થ થઈને ફરી એકવાર કોકપિટની કમાન સંભાળશે અને તેમના પર હુમલો કરનાર હમ્મામી ડેથ ચેમ્બરમાં મૃત્યુદંડનો સામનો કરશે.