Gujarat Breaking News Live: ગુજરાત સહિત દેશ-વિદેશમાં અનેક મોટી ઘટનાઓ બની રહી છે, જેમાં સરકારના નિર્ણયો, રાજકીય પાર્ટીઓના નિવેદનો, દેશના લોકોને અસર કરતા મુદ્દાઓ, અકસ્માતો, હવામાનના સમાચાર અને અન્ય મહત્વપૂર્ણ ઘટનાઓ તેમજ લેટેસ્ટ સમાચાર અને બ્રેકિંગ અપડેટ્સ માટે Zee 24 Kalak Gujarati સાથે જોડાયેલા રહો..
બોટાદ APMCમા દિવાળીના તહેવાર નિમિત્તે 7 દિવસની રજા જાહેર. તા. ૭ નવેમ્બર ૨૬ શનિવાર થી ૧૩ નવેમ્બર ૨૬ ને શુક્રવાર સુધી રહેશે રજા. APMC મા ૭ દિવસ તમામ હરાજી નું કામકાજ રહેશે બંધ. તો ૧૪ નવેમ્બર ૨૬ ને શનિવાર થી યાર્ડ રાબેતા મુજબ શરૂ થશે.
ગુજરાત સરકારના વર્ગ-4 ના કર્મચારીઓને દિવાળીની ભેટ આપવામાં આવી છે. વર્ગ ચારના કર્મચારીઓને ત્રીસ દિવસનું એડહોક બોનસ ચુકવાશે. વર્ગ-4 ના કર્મચારીઓને એડહોક બોનસ પેટે મહત્તમ રૂપિયા 7000ની મર્યાદા રહેશે. સાતમા, છઠ્ઠા અને પાંચમા પગારપંચના નિયમિત કર્મચારીઓને આ બોનસનો લાભ મળશે. સળંગ છ મહિનાની નોકરી પૂર્ણ કરનાર વર્ગ-4 ના કર્મચારીઓ બોનસને પાત્ર. રાજ્ય સરકારના પંચાયત તેમજ બોર્ડ અને નિગમના કર્મચારીઓને પણ લાભ મળશે.
બંગાળની ખાડીમાં સર્જાયું ગંભીર ચક્રવાતી તોફાન. આંધ્ર પ્રદેશના ઓંગોલ નજીક વાવાઝોડાનું લેન્ડફોલ. લેન્ડફોલ સમયે 120 કિલોમીટરની ઝડપે ફૂંકાયો પવન. નેલ્લોર અને પ્રકાસમ જિલ્લામાં સેંકડો વૃક્ષો ધરાશાયી. વિજયવાડા સહિત નીચાણવાળા વિસ્તારોમાં પાણી. તેલંગણા અને ઓડિશામાં પણ ભારે વરસાદની ચેતવણી. વાવાઝોડાના ખતરાને પગલે 20થી વધુ ફ્લાઈટ્સ રદ. ગન્નાવરમ-ચેન્નાઈ એરપોર્ટ પર ખોરવાઈ ફ્લાઈટ્સ. નીચાણવાળા વિસ્તારોમાંથી હજારો લોકોનું સ્થળાંતર. NDRF અને SDRF ટીમની બચાવ કામગીરી યથાવત. CM ચંદ્રાબાબુ નાયડુએ યોજી ઉચ્ચસ્તરીય સમીક્ષા બેઠક. નાગરિકોને સુરક્ષિત ઘરમાં રહેવા મુખ્યમંત્રીની અપીલ. સ્થિતિ સામાન્ય ન થાય ત્યાં સુધી બહાર ન નીકળવા અપીલ.
અમેરિકામાં મિડટર્મ ચૂંટણી પહેલાં વધ્યો ભારે તણાવ જોવા મળ્યો છે. ચૂંટણી પહેલાં અમેરિકાનો ઈરાન પર મોટો હુમલો. અમેરિકાએ ઈરાનના કેશ્મ દ્વીપ પર કર્યા વિસ્ફોટ. કેશ્મ દ્વીપ અને બંદર લેંગેહમાં ધડાકા સંભળાયા. ઈરાને બે અમેરિકી જાસૂસી ડ્રોન પાડ્યાનો દાવો. અમેરિકાના MQM-170 જાસૂસી ડ્રોન તોડી પડાયા.
વડોદરામાં બિલ્ડર પાનસુરીયા બંધુ સામે વધુ બે ફરિયાદ નોધાઈ છે. બોગસ બાનાખત અને ખોટી સહીઓથી મિલકતો અન્યને વેચી માર્યાનો ઘટસ્ફોટ. અમરેલી ભાજપના પૂર્વ ઉપપ્રમુખ સુરેશ પાનસૂરિયા સહિત પાંચ ભાગીદારો સામે વધુ બે ગુના. સિદ્ધેશ્વર પેરેડાઇઝ, પેસિફિક અને પ્રાઇમ પ્લસ સ્કીમમાં રોકાણકારોને ફસાવ્યાનો આક્ષેપ. કરોડોનું રોકાણ કરાવ્યા બાદ મલ્ટિપ્લેક્સ અને ફ્લેટ અન્યને વેચી માર્યાનો આરોપ. ફરિયાદીની જાણ બહાર બોગસ દસ્તાવેજો બનાવી બાનાખત એકતરફી રદ કર્યાનો આક્ષેપ. અગાઉની ફરિયાદો બાદ વધુ બે ગુના નોંધાતાં હરણી પોલીસે તપાસ શરૂ કરી.
ગુજરાતમાં નકલ માફિયાઓ બેફામ બન્યા છે, ત્યારે અમદાવાદ મહાનગરપાલિકાની આરોગ્ય ટીમે કાલુપુરના જુના ઓકટ્રોય નાકા વિસ્તારમાં દરોડો પાડીને એક મોટા કૌભાંડનો પર્દાફાશ કર્યો છે. આ કાર્યવાહી દરમિયાન મીઠાઈના વેપારીઓને સપ્લાય કરવામાં આવતા નકલી ચાંદીના વરખનો જથ્થો ઝડપી પાડવામાં આવ્યો છે. લોકોના સ્વાસ્થ્ય સાથે ચેડા કરતા આ ભેળસેળિયા તત્વો સામે મનપાની ટીમે કાયદેસરની કાર્યવાહી હાથ ધરી છે, જેનાથી અસલીના નામે નકલી વરખ વેચતા વેપારીઓમાં ભારે ફફડાટ વ્યાપી ગયો છે.
ગાંધીનગર મહાનગરપાલિકાના નવા હોદ્દેદારોની વરણી માટેના નામો લગભગ નક્કી થઈ ગયા હોવાનું જાણવા મળી રહ્યું છે. જે મુજબ મેયરપદ માટે રૂપસિંહ ઠાકોરનું નામ આખરી માનવામાં આવી રહ્યું છે, જ્યારે પક્ષના નેતા તરીકે અનિલસિંહ વાઘેલાનું નામ પણ લગભગ નિશ્ચિત થઈ ગયું છે. બીજી તરફ, ડેપ્યુટી મેયર અને સ્ટેન્ડિંગ કમિટીના ચેરમેન પદ માટે બે-બે દાવેદારોના નામની ભારે ચર્ચા ચાલી રહી છે. ટૂંક સમયમાં જ તમામ નામોની સત્તાવાર જાહેરાત કરીને નવા હોદ્દેદારોની વરણી પ્રક્રિયા પૂર્ણ કરવામાં આવશે.
રાજકોટ જિલ્લામાં રખડતા ઢોરનો ત્રાસ અટકવાનું નામ નથી લઈ રહ્યો, જેનું તાજું ઉદાહરણ જેતલસર પાસે સામે આવ્યું છે. વહેલી સવારે એક્ટિવા પર સવાર થઈને જઈ રહેલા બે યુવકોને અચાનક રખડતા ઢોરે ગંભીર રીતે અડફેટે લીધા હતા. આ અકસ્માતમાં એક યુવકનું કરૂણ મોત નીપજ્યું છે, જ્યારે અન્ય એક યુવકને ગંભીર ઈજાઓ પહોંચતા તેને તાત્કાલિક સારવાર અર્થે હોસ્પિટલ ખસેડવામાં આવ્યો છે. રખડતા પશુઓના કારણે નિર્દોષ લોકોના ભોગ લેવાઈ રહ્યા હોવાથી સ્થાનિક રહીશોમાં ભારે રોષ જોવા મળી રહ્યો છે.
અમદાવાદ શહેરના નિકોલ વિસ્તારમાં પૂરપાટ ઝડપે દોડતી એક બેફામ કારે ગંભીર અકસ્માત સર્જ્યો હતો. રોડ કિનારે બેસીને વેપાર કરતા પાથરણાવાળાઓને આ અનિયંત્રિત કારે અડફેટે લીધા હતા, જેના કારણે સર્જાયેલી આ કરૂણ દુર્ઘટનામાં એક વ્યક્તિનું કમકમાટીભર્યું મોત નીપજ્યું છે, જ્યારે અન્ય ત્રણ લોકોને ગંભીર ઈજાઓ પહોંચતા સારવાર અર્થે ખસેડવામાં આવ્યા છે. ઘટનાની જાણ થતાં જ પોલીસે ત્વરિત કાર્યવાહી કરીને અકસ્માત સર્જનાર બેફામ કાર ચાલકને ઝડપી પાડ્યો છે અને આગળની કાયદેસરની કાર્યવાહી હાથ ધરી છે.
ગીર સોમનાથ જિલ્લામાં છેલ્લા ત્રણ દિવસથી વરસેલા કમોસમી વરસાદે ખેડૂતોની કમર ભાંગી નાખી છે. અચાનક આવેલા આ માવઠાના કારણે ખેતરોમાં લણણી કરીને રાખેલા મગફળીના પાથરા પલળી જતાં પાક સંપૂર્ણપણે બગડી ગયો છે, જેનાથી ખેડૂતોને આર્થિક રીતે મોટું નુકસાન સહન કરવાનો વારો આવ્યો છે. પોતાની વર્ષભરની મહેનત પાણીમાં જતી જોઈને પાયમાલ થયેલા ખેડૂતોએ સરકાર સમક્ષ તાત્કાલિક ધોરણે નુકસાનીનો સર્વે કરાવી યોગ્ય આર્થિક સહાય ચૂકવવાની ઉગ્ર માગ કરી છે.
દિવાળીના તહેવારો ટાણે જ હવામાન નિષ્ણાત અંબાલાલ પટેલે રાજ્યના હવામાનને લઈને મોટી આગાહી કરી છે, જે મુજબ આજે સૌરાષ્ટ્રના કેટલાક વિસ્તારોમાં કમોસમી વરસાદ પડવાની પ્રબળ સંભાવના છે. એટલું જ નહીં, દિવાળીના પાવન દિવસે પણ આકાશમાં વાદળછાયું વાતાવરણ યથાવત રહેશે. આ સાથે આગામી સમયમાં, ખાસ કરીને ૧૨ થી ૧૪ નવેમ્બર દરમિયાન પણ રાજ્યના વિવિધ ભાગોમાં માવઠું પડવાની શક્યતા છે, જેને લઈને ખેડૂતોમાં ચિંતાનું મોજું ફરી વળ્યું છે.
