રાજકોટમાં બજાર ખુલતાની સાથે જ સિંગતેલના ભાવમાં ઉછાળો, અમૂલનો હવે છાસમાં મોંઘવારીનો ડામ, હર્ષ સંઘવીએ કર્યું આદિવાસી નૃત્ય

મહેસાણાના કડીમાં વિનોદ પટેલના 65મા જન્મદિવસ નિમિત્તે આયોજિત જાહેરસભા અને રક્તદાન કેમ્પમાં સાંસદ રાજુ શુક્લાના નિવેદનથી સ્થાનિક રાજકારણ ગરમાયું છે. નીતિન પટેલ અને ઋષિકેશ પટેલ સહિતના દિગ્ગજ આગેવાનોની હાજરીમાં તેમણે કાર્યકરોને સ્પષ્ટ સંદેશ આપતા કહ્યું કે ભાજપમાં વ્યક્તિ કરતાં પક્ષ અને વિચારધારા મોટી છે, તેથી 'વ્યક્તિઓના ઝભ્ભા પકડવા કરતાં કમળ પકડવું સારું'. તેમણે 'બટોગે તો કટોગે'નો ઉલ્લેખ કરીને ભાજપની એકતા જાળવવા હાકલ કરી હતી અને આંતરિક મનદુઃખ જાહેરમાં લાવવાને બદલે કાનમાં કહેવાની સલાહ આપી હતી. આ કાર્યક્રમમાં એક તરફ 1609 બોટલ રક્તદાનનો સેવાયજ્ઞ સંપન્ન થયો, તો બીજી તરફ રાજકીય કડવાશ દૂર કરવાની આ શિખામણ બાદ હવે એકતાની કસોટી પર સૌની નજર ટકી છે.

અમદાવાદના સરખેજ વિસ્તારમાં નાર્કોટિક્સ કંટ્રોલ બ્યુરો (NCB) એ મોટી કાર્યવાહી કરતા એક મકાનના ભોંયરામાં ચાલતી ગેરકાયદેસર ડ્રગ્સ બનાવવાની ફેક્ટરીનો પર્દાફાશ કર્યો છે. ચોક્કસ બાતમીના આધારે NCBની ટીમે દરોડો પાડીને સ્થળ પરથી ડ્રગ્સ બનાવવા માટે વપરાતો મોટો જથ્થો અને કાચો માલ જપ્ત કર્યો છે. આ કાર્યવાહી દરમિયાન તપાસ એજન્સીએ મકાનમાલિકની અટકાયત કરીને આ નેટવર્કમાં અન્ય કોણ કોણ સામેલ છે અને ડ્રગ્સનો સપ્લાય ક્યાં કરવામાં આવતો હતો તે દિશામાં સઘન પૂછપરછ હાથ ધરી છે.

મહેસાણામાં એક એસ.ટી. બસના ચાલકે નશાની હાલતમાં બસ ચલાવીને મુસાફરો અને રાહદારીઓના જીવ જોખમમાં મૂક્યા હોવાની ગંભીર ઘટના સામે આવી છે. નશામાં ધૂત બનેલા ચાલકે સ્ટીયરિંગ પરથી કાબૂ ગુમાવતા બસ રોડની સાઈડમાં ઉતરી ગઈ હતી, જોકે સદનસીબે મોટી જાનહાનિ ટળી હતી. આ ઘટનાની જાણ થતાં જ આસપાસના લોકો એકઠા થઈ ગયા હતા, પરંતુ પોલીસ ઘટનાસ્થળે પહોંચે તે પહેલાં જ આરોપી બસચાલક સ્થળ પરથી ફરાર થઈ ગયો હતો. હાલ પોલીસે આ મામલે ગુનો નોંધી ફરાર ચાલકને ઝડપી પાડવા માટે ચક્રો ગતિમાન કર્યા છે.

દિવાળીના તહેવારો બાદ પણ ખાદ્યતેલની તેજી અટકવાનું નામ નથી લઈ રહી. રાજકોટમાં બજાર ખુલતાની સાથે જ સિંગતેલના ભાવમાં ડબ્બે રૂ. 20થી 30નો મોટો ઉછાળો નોંધાયો છે, જેના કારણે સારી ક્વોલિટીના સિંગતેલના એક ડબ્બાનો ભાવ રૂ. 3150ની સપાટી વટાવી ગયો છે. મગફળીનું ઉત્પાદન ઘટવાથી બજારમાં પુરવઠા પર સીધી અસર પડી છે, જ્યારે બીજી તરફ બજારમાં સિંગતેલની માંગ યથાવત રહેતા ભાવમાં સતત વધારો થઈ રહ્યો છે. વેપારીઓના મતે આગામી દિવસોમાં પણ તેજી યથાવત રહેશે અને સમગ્ર વર્ષ દરમિયાન ભાવમાં કોઈ મોટો ઘટાડો થવાની શક્યતા નહિવત છે. મોંઘવારીના આ વધુ એક મારથી સામાન્ય વર્ગ અને ગૃહિણીઓના રસોડાનું બજેટ સંપૂર્ણપણે ખોરવાઈ ગયું છે.

વલસાડ ખાતે ભગવાન બિરસા મુંડાની જન્મજ્યંતીના અવસરે યોજાયેલા ભવ્ય કાર્યવાહકમાં નાયબ મુખ્યમંત્રી હર્ષ સંઘવી વિશેષ ઉપસ્થિત રહ્યા હતા. આદિવાસી સંસ્કૃતિ અને પરંપરાને માન આપતા હર્ષ સંઘવીએ ઉત્સાહભેર સ્થાનિક કલાકારો સાથે આદિવાસી નૃત્ય પણ કર્યું હતું, જેનાથી સમગ્ર વાતાવરણમાં જોશ અને અનેરો ઉમંગ છવાઈ ગયો હતો. આ પ્રસંગે ઉપસ્થિત જનમેદનીએ તેમની આ સાદગી અને લોકભોગ્ય શૈલીને ખુલ્લા મને વધાવી લીધી હતી.

સુરતથી ઉત્તર પ્રદેશ અને બિહાર તરફ જતા પ્રવાસીઓને પોતાના વતન પહોંચવામાં કોઈ મુશ્કેલી ન પડે તે હેતુથી પશ્ચિમ રેલવે દ્વારા વધુ 6 વિશેષ ટ્રેનો દોડાવવાનો મહત્વપૂર્ણ નિર્ણય લેવામાં આવ્યો છે. તારીખ 15 અને 16 નવેમ્બર (રવિવાર અને સોમવાર)ના રોજ આ વધારાની ટ્રેનોનું સંચાલન કરવામાં આવશે. જોકે યુપી અને બિહાર તરફ જતા મોટાભાગના મુસાફરો અગાઉ રવાના થઈ ચૂક્યા છે, તેમ છતાં બાકી રહી ગયેલા પ્રવાસીઓની સુવિધા અને ભીડને ધ્યાનમાં રાખીને રેલવે તંત્ર દ્વારા આ ખાસ આયોજન કરવામાં આવ્યું છે.

અમરેલીના આંબરડી સફારી પાર્કમાં બાઈક વડે સિંહને ખદેડીને પજવણી કરાતી હોવાનો એક ચોંકાવનારો વીડિયો સોશિયલ મીડિયા પર વાયરલ થયો છે. આ વીડિયોમાં બાઈક સવાર પાસે વોકી-ટોકી દેખાવાની સાથે ઘટનાસ્થળેથી વનવિભાગની સરકારી બોલેરો ગાડી પણ પસાર થતી જોવા મળતા ખુદ વનતંત્રની કામગીરી સામે ગંભીર સવાલો ઉભા થયા છે. વન્યજીવ સંરક્ષણના મોટા દાવાઓ વચ્ચે સામાન્ય નાગરિકો સામે કડક કાર્યવાહી કરતું તંત્ર હવે પોતાના જ કર્મચારીઓ સામે શું પગલાં લેશે તે અંગે ચર્ચાઓ જાગી છે, અને વાયરલ વીડિયોની નિષ્પક્ષ તપાસ કરીને જવાબદારો સામે કડક કાર્યવાહી કરવાની ઉગ્ર માંગ ઉઠી છે.

અમરેલીના આંબરડી સફારી પાર્કમાં બાઈક વડે સિંહને ખદેડીને પજવણી કરાતી હોવાનો એક ચોંકાવનારો વીડિયો સોશિયલ મીડિયા પર વાયરલ થયો છે. આ વીડિયોમાં બાઈક સવાર પાસે વોકી-ટોકી દેખાવાની સાથે ઘટનાસ્થળેથી વનવિભાગની સરકારી બોલેરો ગાડી પણ પસાર થતી જોવા મળતા ખુદ વનતંત્રની કામગીરી સામે ગંભીર સવાલો ઉભા થયા છે. વન્યજીવ સંરક્ષણના મોટા દાવાઓ વચ્ચે સામાન્ય નાગરિકો સામે કડક કાર્યવાહી કરતું તંત્ર હવે પોતાના જ કર્મચારીઓ સામે શું પગલાં લેશે તે અંગે ચર્ચાઓ જાગી છે, અને વાયરલ વીડિયોની નિષ્પક્ષ તપાસ કરીને જવાબદારો સામે કડક કાર્યવાહી કરવાની ઉગ્ર માંગ ઉઠી છે.

અમદાવાદમાં ઉત્તર ભારતીય પરિવારો દ્વારા આસ્થાપૂર્વક ઉજવાતા ચાર દિવસીય છઠ મહાપર્વને લઈને મનપા તંત્ર દ્વારા તડામાર તૈયારીઓ પૂર્ણ કરી દેવામાં આવી છે. શ્રદ્ધાળુઓની સુવિધા માટે સાબરમતી રિવરફ્રન્ટ પર વિશેષ ઘાટ તૈયાર કરવાની સાથે આ વર્ષે ઇન્દિરા બ્રિજ નીચે પણ બે નવા ઘાટનું નિર્માણ કરવામાં આવ્યું છે અને નદીમાં પૂરતું પાણી છોડવામાં આવ્યું છે. ઘાટ અને આસપાસના વિસ્તારોમાં સફાઈ કામગીરીની સાથે આકર્ષક લાઇટિંગ, સજાવટ અને વિશાળ સ્ટેજ ઊભું કરવામાં આવ્યું છે, તેમજ ભીડને ધ્યાનમાં રાખીને ચુસ્ત સુરક્ષા અને ટ્રાફિક વ્યવસ્થા ગોઠવવામાં આવી છે. આ મહાપર્વ દરમિયાન વ્રતધારીઓ 36 કલાકના નિર્જળ ઉપવાસ રાખી અસ્ત થતા અને ઉગતા સૂર્યને અર્ઘ્ય અર્પણ કરી પરિવારની સુખ-સમૃદ્ધિ તથા સંતાનના દીર્ઘાયુષ્ય માટે પ્રાર્થના કરશે, જેને લઈને શહેરમાં ભારે ઉત્સાહ જોવા મળી રહ્યો છે.

અમદાવાદ શહેરમાં વાયુ પ્રદૂષણનું સ્તર મધ્યમ સ્થિતિએ નોંધાયું છે, જેમાં શહેરનું સરેરાશ PM 10 AQI 156 પર પહોંચ્યું છે. મિનિસ્ટ્રી ઓફ અર્થ એન્ડ સાયન્સની 'સફર' (SAFAR) એપ્લિકેશનના આંકડા મુજબ, સૌથી વધુ પ્રદૂષણ અમદાવાદ એરપોર્ટ વિસ્તારમાં નોંધાયું છે, જ્યાં PM 10 AQI 222 સુધી પહોંચતા તેને 'ઓરેન્જ એલર્ટ' પર મૂકવામાં આવ્યું છે. ચિંતાજનક બાબત એ છે કે શહેરના તમામ સ્ટેશનો પર AQI 100ને પાર થઈ જતાં એક પણ વિસ્તારની હવા સારી કે સંતોષકારક રહી નથી; જેમાં ગ્યાસપુરમાં 178, રખિયાલમાં 151, રાયખડમાં 148 અને ચાંદખેડામાં 129 AQI નોંધાયું છે.
 

ભગવાન બિરસા મુંડાની 151મી જન્મજયંતિ નિમિત્તે આજે છોટાઉદેપુર ખાતે રાજ્યકક્ષાના 'જનજાતીય ગૌરવ દિવસ'ની ભવ્ય ઉજવણી કરવામાં આવી રહી છે, જેમાં મુખ્યમંત્રી ભૂપેન્દ્ર પટેલ ખાસ ઉપસ્થિત રહેશે. આ કાર્યક્રમને લઈને જિલ્લા વહીવટી તંત્ર દ્વારા SN કોલેજ ગ્રાઉન્ડ ખાતે વિશાળ ડોમ તૈયાર કરીને તડામાર તૈયારીઓ પૂર્ણ કરી દેવામાં આવી છે. નિર્ધારિત કાર્યક્રમ મુજબ, મુખ્યમંત્રી સવારે 9:45 વાગ્યે હેલિપેડ ખાતે આવી પહોંચશે અને ત્યારબાદ ભગવાન બિરસા મુંડાને પુષ્પાંજલિ અર્પણ કરીને એક ભવ્ય રોડ શોમાં જોડાશે. મુખ્યમંત્રીના આગમન અને રાજ્યકક્ષાના આ મહોત્સવને સફળ બનાવવા માટે સમગ્ર વહીવટી તંત્ર સંપૂર્ણપણે સજ્જ બન્યું છે.

સુરત રેલવે પોલીસે પેટ્રોલિંગ દરમિયાન પુરી-અમદાવાદ એક્સપ્રેસ ટ્રેનમાંથી મોટા પ્રમાણમાં નશીલા પદાર્થનો જથ્થો ઝડપી પાડ્યો છે. ટ્રેનના રિઝર્વેશન કોચ નંબર બી-6ની સીટ નંબર 57 પાસેથી પોલીસને બિનવારસી હાલતમાં 17.115 કિલોગ્રામ વનસ્પતિજન્ય માદક પદાર્થ ગાંજો મળી આવ્યો હતો, જેની અંદાજિત બજાર કિંમત 8.55 લાખ રૂપિયાથી વધુ થાય છે. હાલ પોલીસે આ મામલે અજાણ્યા શખ્સ વિરુદ્ધ NDPS એક્ટ હેઠળ ગુનો નોંધીને આ ગાંજો કોણ લાવ્યું હતું અને ક્યાં પહોંચાડવાનો હતો તે દિશામાં સઘન તપાસ હાથ ધરી છે.

રાજકોટની ગોંડલ ચોકડી પાસે ટ્રાફિક રેગ્યુલેશનની ડ્યુટી પર રહેલા TRB જવાનોની દાદાગીરીનો એક વીડિયો સોશિયલ મીડિયા પર વાયરલ થયો છે. સીટ બેલ્ટ પહેરવા બાબતે થયેલી બોલાચાલી બાદ TRB જવાનોએ એક મહિલા સાથે ઝપાઝપી કરી હોવાના ગંભીર આક્ષેપો કરવામાં આવ્યા છે. આ ઘર્ષણમાં મહિલાને ઈજાઓ પહોંચતા મામલો ગરમાયો હતો અને તાત્કાલિક પોલીસ ઘટનાસ્થળે દોડી આવી હતી. આ ઘટનાને પગલે સ્થાનિક લોકો અને વાહનચાલકો દ્વારા આસપાસના CCTV ફૂટેજની સઘન તપાસ કરીને કસૂરવાર જવાનો સામે કડક કાર્યવાહી કરવાની ઉગ્ર માંગ ઉઠી છે.

જૂનાગઢ જિલ્લાના વિસાવદર તાલુકાના ખંભાળિયા નજીક ઓજત નદી પાસે બપોરે 12:30 વાગ્યે ટ્રેનની અડફેટે આવી જતાં એક સિંહણનું કરૂણ મોત નિપજ્યું છે. આ દુર્ઘટનામાં 5થી 9 વર્ષની વયની સિંહણ ગંભીર રીતે ઈજાગ્રસ્ત થઈ હતી, જેને તાત્કાલિક સારવાર માટે ખસેડવામાં આવી હતી, પરંતુ તેનું મૃત્યુ થયું હતું. આ ઘટનાની જાણ થતાં જ વનવિભાગનો કાફલો ઘટનાસ્થળે દોડી ગયો હતો અને સમગ્ર મામલે જરૂરી કાર્યવાહી હાથ ધરી છે.

ગાંધીનગરના દહેગામ તાલુકાના અંગુથલા ગામેથી માનવતાને શરમાવતી એક હૃદયદ્રાવક ઘટના સામે આવી છે, જ્યાં ગૌચરના કોતરમાંથી એક લાવારીસ નવજાત બાળકી મળી આવી હતી. આ ઘટનાની જાણ થતાં જ '108' એમ્બ્યુલન્સ દ્વારા તાત્કાલિક બાળકીને પ્રાથમિક સારવાર આપીને વધુ સારવાર માટે ગાંધીનગર સિવિલ હોસ્પિટલ ખસેડવામાં આવી હતી. આ અમાનવીય કૃત્ય કરનાર અજાણી માતા વિરુદ્ધ પોલીસે ગુનો નોંધીને બાળકીને ત્યજીજનારની શોધખોળ માટે સઘન તપાસ શરૂ કરી છે.

ગાંધીનગરના દહેગામ તાલુકાના અંગુથલા ગામેથી માનવતાને શરમાવતી એક હૃદયદ્રાવક ઘટના સામે આવી છે, જ્યાં ગૌચરના કોતરમાંથી એક લાવારીસ નવજાત બાળકી મળી આવી હતી. આ ઘટનાની જાણ થતાં જ '108' એમ્બ્યુલન્સ દ્વારા તાત્કાલિક બાળકીને પ્રાથમિક સારવાર આપીને વધુ સારવાર માટે ગાંધીનગર સિવિલ હોસ્પિટલ ખસેડવામાં આવી હતી. આ અમાનવીય કૃત્ય કરનાર અજાણી માતા વિરુદ્ધ પોલીસે ગુનો નોંધીને બાળકીને ત્યજીજનારની શોધખોળ માટે સઘન તપાસ શરૂ કરી છે.

પાકિસ્તાન સામેની રોમાંચક મેચમાં ભારતીય ટીમની શાનદાર જીત બાદ સમગ્ર દેશમાં દિવાળી જેવો ઉત્સવનો માહોલ છવાઈ ગયો છે. આ ભવ્ય વિજયની ખુશીમાં ગુજરાતના અમદાવાદ, રાજકોટ, મહેસાણા સહિતના અનેક શહેરોમાં લોકો રસ્તા પર ઉતરી આવ્યા હતા. ક્રિકેટપ્રેમીઓએ ફટાકડા ફોડીને અને એકબીજાનું મોં મીઠું કરાવીને આ ઐતિહાસિક જીતની ખૂબ જ ઉત્સાહ અને ઉમંગ સાથે ઉજવણી કરી હતી.

ઓમાન ખાતે રમાયેલા અંડર-19 એશિયા કપની રોમાંચક ફાઇનલ મુકાબલામાં ભારતે પાકિસ્તાનને હરાવીને ટાઇટલ પોતાના નામે કર્યું છે. આ ઐતિહાસિક જીતમાં ગુજરાતના યુવા ક્રિકેટર્સ મોહિત ઉલ્વા અને કાવ્ય પટેલે પોતાની કમાલની રમતથી મહત્વની ભૂમિકા ભજવી હતી. બંને ખેલાડીઓએ મુશ્કેલ પરિસ્થિતિમાં શાનદાર પ્રદર્શન કરીને ભારતીય ટીમને પોતાના દમ પર વિજય અપાવ્યો હતો, જેના કારણે સમગ્ર ગુજરાત અને દેશભરમાં ગર્વની લાગણી ફેલાઈ ગઈ છે.