Gujarat News Live: PM મોદી ભીલડી ખાતે પહોચ્યા, 'મોદી કહી નહિ જાયેગા'ના સૂત્ર સાથે સમર્થનમાં બેનરો, વિશ્વઉમિયાધામમાં વર્લ્ડ રેકોર્ડ સર્જાશે

વડાપ્રધાન નરેન્દ્ર મોદીના બનાસકાંઠા પ્રવાસ દરમિયાન ઉત્સાહ અને ઉમંગનો માહોલ જોવા મળ્યો હતો, જ્યાં તેમના ભવ્ય રોડ શોમાં હજારોની સંખ્યામાં ઉપસ્થિત લોકોએ હર્ષોલ્લાસ સાથે તેમનું સ્વાગત અને અભિવાદન કર્યું હતું. આજના આ વિશેષ પ્રવાસમાં વડાપ્રધાન બનાસકાંઠાવાસીઓને આશરે રૂપિયા ૧૪ હજાર કરોડના વિવિધ વિકાસકાર્યોની ભેટ આપવાના છે, જેનાથી સમગ્ર વિસ્તારના સર્વાંગી વિકાસને વેગ મળશે. આ મુલાકાતનું સૌથી મોટું અને વિશેષ આકર્ષણ પહેલીવાર યોજાયેલી 'ખાટલા સભા' રહી છે, જેણે સ્થાનિક રાજકારણ અને જનસંપર્કમાં એક નવો અધ્યાય જોડ્યો છે.

પ્રધાનમંત્રી નરેન્દ્ર મોદીના બનાસકાંઠા પ્રવાસની પૂર્વસંધ્યાએ પાલનપુરથી ડીસા થઈને ભીલડી સભા રોડ સુધી કોંગ્રેસ અધ્યક્ષ મલ્લિકાર્જુન ખડગેના નિવેદન સામે ભારે વિરોધ જોવા મળ્યો હતો. બનાસ ડેરીના ચેરમેન શંકર ચૌધરી અને ગ્રામવાસીઓની હાજરીમાં "ઘર ઘર લખપતિ દીદી બનાયે બીના, મોદી કહી નહી જાએગા" તેમજ "૨૦૪૭ વિકસિત ભારતના સંકલ્પ સિદ્ધ કર્યા વગર મોદી કહી નહિ જાયેગા" જેવા સૂત્રો સાથેના પોસ્ટરો અને બેનરો રાતોરાત સમગ્ર રૂટ પર લગાવીને કોંગ્રેસ સામેનો આક્રોશ વ્યક્ત કરવામાં આવ્યો હતો.

પ્રધાનમંત્રી નરેન્દ્ર મોદી બનાસકાંઠાના ભીલડી ખાતે આવેલા BBBRC પ્લાન્ટ પહોંચ્યા છે, જ્યાં તેમના આ પ્રવાસને લઈને ભવ્ય તૈયારીઓ કરવામાં આવી છે. પોતાના કાર્યક્રમની શરૂઆતમાં પીએમ મોદી ભવ્ય રોડ શો કરીને સ્થાનિક નાગરિકોનું અભિવાદન ઝીલશે અને ત્યારબાદ પ્લાન્ટની વિશેષ મુલાકાત (વિઝિટ) લેશે. પ્લાન્ટ નિરીક્ષણ બાદ તેઓ સ્થાનિક લોકો અને ખેડૂતો સાથે સીધો સંવાદ સાધવા માટે ખાટલા સભાને સંબોધિત કરશે.

બટાકાનું વાવેતર કરતા ખેડૂતોને થશે સીધો ફાયદો! ગુજરાતમાં 'ફ્રેન્ચ ફ્રાઇઝ' પ્લાન્ટની ક્ષમતા વધારાશે, PM મોદી કરશે ઈ-લોકાર્પણ

આજથી પ્રધાનમંત્રી નરેન્દ્ર મોદી બે દિવસના ગુજરાત પ્રવાસે બનાસકાંઠાના ભીલડી પહોંચ્યા છે, જ્યાં તેમના આગમનથી દિવાળી જેવો ઉત્સાહ અને માહોલ સર્જાયો છે. પ્રવાસ દરમિયાન પીએમ મોદી ભીલડી ખાતે ખાટલાસભાને સંબોધિત કરશે તેમજ ET IVF લેબ અને BBBRC કેટલ ફાર્મની મુલાકાત લેશે. આ સાથે તેઓ કરોડો રૂપિયાના વિવિધ વિકાસકાર્યોનું લોકાર્પણ અને ખાતમુહૂર્ત કરશે તથા બે નવા બાયોગેસ CNG પ્લાન્ટનું ભૂમિપૂજન કરશે. ખાસ કરીને, ભીલડીની આ ધરતી પરથી જ 'પીએમ કિસાન યોજના'નો 24મો હપ્તો પણ દેશભરના ખેડૂતો માટે જાહેર કરવામાં આવશે. 

એક ક્લિકે 9મા માળે પહોંચશે દૂધ! બનાસ ડેરીનું વેરહાઉસ દેશમાં બન્યું હાઇટેક, રોબોટ સંભાળશે 11 હજાર પેલેટનો સંગ્રહ
 

વિશ્વ ઉમિયાધામ દ્વારા વિશ્વના 7 દેશમાં મેગા બ્લડ ડોનેશન કેમ્પ. ભારત સહિત 7 દેશમાંથી 25000 બોટલ બલ્ડ કલેક્શન કરાશે. સરદાર પટેલની 151મી જયંતિએ 151 સ્થળે બ્લડ ડોનેશન કેમ્પ. અમેરિકા- બ્રિટન સહિત 7 દેશમાં મેગા બ્લડ ડોનેશન કેમ્પ. અમદાવાદ- રાજકોટ સહિત ગુજરાતમાં 100 સ્થળે બ્લડ ડોનેશન કેમ્પ. અખંડ ભારતના શિલ્પીના જન્મદિવસે રક્તદાન કરી એકલાનો સંકલ્પ. થેલેસેમિયા ગ્રસ્ત બાળ દર્દીઓને ઉપયોગી બનશે બલ્ડ. 1510થી વધુ યુવા સંગઠનના સ્વયંસેવકો દ્વારા કેમ્પનું સંચાલન.

અમદાવાદના શાહપુર વિસ્તારમાં રૂ. ૧૫ લાખની રોકડ લૂંટનો મોટો ઘટસ્ફોટ સામે આવ્યો છે. શાહપુર પોલીસે ગણતરીના દિવસોમાં જ આ વણશોધાયેલા લૂંટના ગુનાનો પર્દાફાશ કરી દીધો છે. વેપારી પર ચાકુના ઘા મારીને ૧૫ લાખની લૂંટ થયાની ફરિયાદ તદ્દન ખોટી સાબિત થઈ છે. બેંક લોનના હપ્તા અને આર્થિક સંકડામણથી બચવા ખુદ વેપારીએ જ આ નાટક રચ્યું હતું. વેપારીએ દેવું ચૂકવવા પોતાની જાતે જ હાથ અને પેટના ભાગે ઇજાઓ પહોંચાડી હતી. પોલીસની સઘન તપાસ, સીસીટીવી ફૂટેજ અને ટેકનિકલ એનાલિસિસથી સમગ્ર સત્ય બહાર આવ્યું છે.

પ્રધાનમંત્રી નરેન્દ્ર મોદી આજથી બે દિવસના ગુજરાત પ્રવાસે આવી રહ્યા છે. સવારે દિલ્હીથી રવાના થઈને ડીસા એરપોર્ટ અને ત્યારબાદ ભીલડી પહોંચી તેઓ બનાસકાંઠામાં ET IVF લેબ અને BBRC કેટલ ફાર્મની મુલાકાત લેશે તેમજ વિવિધ વિકાસકાર્યોના લોકાર્પણ અને ખાતમુહૂર્ત કરશે. ત્યારપછી બપોરે ગાંધીનગર લોકભવન (રાજભવન) ખાતે ૩ કલાકના રોકાણ દરમિયાન મંત્રીઓ, નેતાઓ અને અધિકારીઓ સાથે અગત્યની બેઠકો યોજશે. ત્યારબાદ તેઓ એકતા નગર (કેવડિયા) જવા રવાના થશે, જ્યાં ૩૧ ઓક્ટોબરે રાષ્ટ્રીય એકતા દિવસ નિમિત્તે સ્ટેચ્યુ ઓફ યુનિટી ખાતે સરદાર વલ્લભભાઈ પટેલને પુષ્પાંજલિ અર્પણ કરશે અને વિવિધ વિકાસપ્રકલ્પોની ભેટ આપી રાત્રે વડોદરાથી દિલ્હી પરત ફરશે.

જંબુસર બલ્ક ડ્રગ પાર્કમાં ઉદ્યોગો માટે 'ઓફરનો વરસાદ': કેપિટલ સબસિડીથી લઈ સ્ટેમ્પ ડ્યુટીમાં 100% છૂટછાટ

સ્થાનિક અને વૈશ્વિક બજારના સંકેતો વચ્ચે સોના અને ચાંદીના ભાવમાં આજે મોટો ઘટાડો નોંધાયો છે. ચાંદીના ભાવમાં પ્રતિ કિલોગ્રામ ₹૫,૧૦૦ (એકવનસો) નો તીવ્ર કડાકો બોલાયો છે, જ્યારે સોનાના ભાવમાં પ્રતિ ૧૦ ગ્રામ ₹૧,૭૦૦ નો ઘટાડો જોવા મળ્યો છે. આ ઘટાડા બાદ હવે ૧૦ ગ્રામ સોનાનો ભાવ ઘટીને ₹૧,૪૦,૦૦૦ ના સ્તરે અને ૧ કિલોગ્રામ ચાંદીનો ભાવ ₹૧,૯૧,૦૦૦ ના સ્તરે પહોંચી ગયો છે. કિંમતી ધાતુઓમાં આવેલા આ મોટા ઘટાડાને કારણે સોના-ચાંદીના ખરીદદારોમાં ઉત્સાહ જોવા મળી રહ્યો છે.

આણંદ એસઓજી (SOG) શાખાના પીએસઆઈ વતી ₹૨ લાખની લાંચ લેતા એક વચેટિયાને લાંચ રુશ્વત વિરોધી બ્યુરો (ACB) દ્વારા રંગેહાથ ઝડપી લેવામાં આવ્યો છે. એક કેસમાં ધરપકડ ન કરવાના બદલામાં આ લાંચ માગવામાં આવી હતી. એસીબીની કામગીરી દરમિયાન વચેટિયાની કારમાંથી ₹૪૯ લાખની શંકાસ્પદ રોકડ રકમ પણ મળી આવી છે, જેને જપ્ત કરીને પોલીસે આગળની કાયદેસરની તપાલ અને તપાસ તેજ કરી છે.

સુરતના ડીંડોલી વિસ્તારમાં વગર લાયકાતે પ્રેક્ટિસ કરતા ૯ બોગસ તબીબોને પોલીસે ઝડપી પાડીને મોટો પર્દાફાશ કર્યો છે. પોલીસે ડમી પેશન્ટ મોકલીને આ બોગસ ડૉક્ટરોની ચાલાકી ખુલ્લી પાડી હતી અને ઘટનાસ્થળેથી ₹૯૫ હજારથી વધુની કિંમતની એલોપેથિક દવાઓ તથા મેડિકલ સાધનો સહિતનો મુદ્દામાલ જપ્ત કર્યો છે. લોકોના આરોગ્ય સાથે ચેડાં કરતા આ ગેરકાયદેસર ક્લિનિકો પર દરોડા પાડીને પોલીસે કાયદેસરની કાર્યવાહી હાથ ધરી છે.

રાજ્યમાં હવામાન વિભાગ દ્વારા આજે અને આવતી કાલે કમોસમી વરસાદની આગાહી કરવામાં આવી છે, જેના પગલે ખાસ કરીને દક્ષિણ ગુજરાત અને સૌરાષ્ટ્રના વિવિધ વિસ્તારોમાં માવઠું પડવાની સંભાવના છે. ગુરૂવારે અમદાવાદ અને ગાંધીનગરમાં પણ કમોસમી વરસાદી છાંટા પડ્યા હતા, જેના કારણે વાતાવરણમાં અચાનક પલટો જોવા મળ્યો છે. અચાનક બદલાયેલા આ હવામાનને કારણે ખેડૂતોમાં પોતાના પાકને લઈને ચિંતાનો માહોલ સર્જાયો છે.

પ્રધાનમંત્રી નરેન્દ્ર મોદી બે દિવસ માટે ગુજરાતના પ્રવાસે આવી રહ્યા છે, જે દરમિયાન તેઓ રાજ્યને વિવિધ વિકાસકાર્યોની મોટી ભેટ આપશે. આ મુલાકાત દરમિયાન બનાસકાંઠા જિલ્લામાં અનેક મહત્વના વિકાસપ્રકલ્પોનું લોકાર્પણ અને ખાતમુહૂર્ત કરવામાં આવશે. આ ઉપરાંત, પ્રધાનમંત્રી દેશના કરોડો ખેડૂતોને આર્થિક ટેકો આપવાના હેતુથી 'પીએમ કિસાન સન્માન નિધિ' યોજનાનો 24મો હપ્તો પણ સત્તાવાર રીતે જાહેર કરશે, જેનાથી કૃષિ ક્ષેત્રે નવી ઊર્જાનો સંચાર થશે.

એકતા નગર બનશે વધુ આકર્ષક: 220 મીટર લાંબો ગ્લાસ ડેક સ્કાયવોક બ્રિજ અને 127 રૂમની આધુનિક IRCTC હોટેલ તૈયાર