રાજકોટમાં બજાર ખુલતાની સાથે જ સિંગતેલના ભાવમાં ભડકો: ગૃહિણીઓનું બજેટ ખોરવાયું, ડબ્બાનો ભાવ સાંભળી લાગશે આંચકો!
Rajkot News: દિવાળીના તહેવારો પૂર્ણ થતાની સાથે જ ખાદ્યતેલ બજારમાં ફરી એકવાર તેજીનો માહોલ જોવા મળી રહ્યો છે. સૌરાષ્ટ્રના મુખ્ય માર્કેટ ગણાતા રાજકોટમાં બજાર ખુલતાની સાથે જ સિંગતેલના ભાવમાં મોટો ઉછાળો નોંધાયો છે. મોંઘવારીનો વધુ એક માર પડતા સામાન્ય અને મધ્યમ વર્ગના પરિવારો માટે હવે ઘર ચલાવવું વધુ કપરું બની રહ્યું છે.
Rajkot News: રાજકોટ તેલ બજારમાં સિંગતેલના ભાવમાં ડબ્બે રૂ. 20થી 30નો સીધો વધારો ઝીંકવામાં આવ્યો છે. આ ભાવવધારાને કારણે સિંગતેલના 15 કિલોના ડબ્બાનો ભાવ રૂ. 3,150ની સપાટી વટાવી ગયો છે. દિવાળી બાદ સતત વધી રહેલા ભાવને કારણે બજારમાં ગરમાવો આવી ગયો છે અને રિટેલ ગ્રાહકોમાં ચિંતાનું મોજું ફરી વળ્યું છે.
અમૂલ દ્વારા દૂધ-દહીં બાદ હવે છાસમાં મોંઘવારીનો ડામ: ભાવ વધાર્યા વગર ગ્રાહકોના ખિસ્સા પર ફેરવી કાતર
સિંગતેલના ભાવ આસમાને પહોંચતા ગૃહિણીઓનું માસિક બજેટ સંપૂર્ણપણે ખોરવાઈ ગયું
શાકભાજી, કઠોળ અને મસાલા બાદ હવે સિંગતેલના ભાવ આસમાને પહોંચતા ગૃહિણીઓનું માસિક બજેટ સંપૂર્ણપણે ખોરવાઈ ગયું છે. વેપારીઓના જણાવ્યા મુજબ, બજારની વર્તમાન સ્થિતિ જોતા આગામી દિવસોમાં પણ ભાવમાં વધુ વધારો થવાની પૂરેપૂરી શક્યતા છે. એટલું જ નહીં, આખા વર્ષ દરમિયાન સિંગતેલના ભાવમાં કોઈ મોટો ઘટાડો નહીં આવે તેવી શક્યતા વેપારીઓ વ્યક્ત કરી રહ્યા છે, જે સામાન્ય જનતા માટે મોટો ફટકો સાબિત થઈ શકે છે.
મોંઘવારીનો વધુ એક માર! CNGના ભાવમાં પ્રતિ કિલો 1.50 રૂપિયાનો વધારો, જાણો ક્યાં વધ્યા ભાવ
ભાવ વધારા પાછળ પુરવઠા અને માંગનું અસંતુલન જવાબદાર
બજારના જાણકારોના મતે, સિંગતેલના ભાવમાં થઈ રહેલા સતત ભાવ વધારા પાછળ પુરવઠા અને માંગનું અસંતુલન જવાબદાર છે. એક તરફ મગફળીના ઉત્પાદનમાં ઘટાડો થતા બજારમાં સિંગતેલના પુરવઠા પર સીધી અસર પડી છે, તો બીજી તરફ બજારમાં સિંગતેલની માંગ યથાવત જળવાઈ રહી છે. ઓછા પુરવઠા સામે સતત રહેતી માંગને કારણે તેલ મિલો અને બજારમાં ભાવ ઊંચકાઈ રહ્યા છે.
તહેવારોની ભીડ વચ્ચે રેલવેનો મોટો નિર્ણય: અમદાવાદથી મધુબની માટે ખાસ ટ્રેનની જાહેરાત, જાણો કયા સ્ટેશનો પર મળશે સ્ટોપેજ
સમાચારનો સાર:-
- રાજકોટમાં બજાર ખુલતાની સાથે જ સિંગતેલના ભાવમાં મોટો ઉછાળો...
- ખુલતી બજારમાં સિંગતેલના ભાવમાં ડબ્બે રૂ.20થી 30નો વધારો...
- સારી ક્વોલિટીના સિંગતેલનો એક ડબ્બો રૂ.3150ને પાર...
- સિંગતેલના ભાવ વધતાં ગૃહિણીઓનું બજેટ ખોરવાશે...
- ઉત્પાદન ઘટતાં બજારમાં પુરવઠા પર અસર...
- બીજી તરફ સિંગતેલની માંગ યથાવત રહેતાં ભાવમાં ઉછાળો....
- દિવાળી બાદ હવે સિંગતેલના ભાવમાં સતત તેજીનો માહોલ...
- આગામી દિવસોમાં પણ ભાવ વધવાની પૂરેપૂરી શક્યતા...
- વર્ષ દરમિયાન સિંગતેલના ભાવમાં ઘટાડો નહીં આવે તેવી વેપારીઓની આગાહી...
