સુરતમાં માસૂમોના જીવ સાથે રમત! બાળકોને અપાતું હતું પશુઓનું કેમિકલ, વાલીઓ ચેતી જજો!

ચેતન પટેલ,સુરતઃ જરા વિચારો...તમે તમારા માસૂમ બાળકને સાજું કરવા માટે, તેને શક્તિ આપવા માટે જે દવા બજારમાંથી લાવો છો...એ દવા ખરેખર દવા છે કે પછી કોઈ 'મોતનો સામાન'? સુરતમાંથી એક એવો ચોંકાવનારો પર્દાફાશ થયો છે, જેને સાંભળીને કોઈપણ વાલીના કાળજા કમ્પી ઉઠશે!

સુરતમાં ચોંકાવનારો પર્દાફાશ!
જે દવાઓ પશુઓની ભૂખ અને ઉત્પાદકતા વધારવા માટે વપરાય છે...તે દવાઓ સુરતમાં માસૂમ બાળકોને 'હેલ્થ ટોનિક' તરીકે વેચવાનું મહાપાપ પકડાયું છે! સુરતના ગોપીપુરા વિસ્તારમાં આવેલા શાંતિનાથ મેડિકલ સ્ટોર પર જ્યારે SOG પોલીસ અને ફૂડ એન્ડ ડ્રગ્સ વિભાગની ટીમે સંયુક્ત દરોડો પાડ્યો... ત્યારે ખુદ અધિકારીઓ પણ ચોંકી ઉઠ્યા હતા.

આ પણ વાંચોઃ ઇન્સ્ટાગ્રામ પર ફેક આઈડી બનાવી યુવતીને પ્રેમજાળમાં ફસાવી: અમદાવાદના ઘાટલોડિયામાં બળાત્કારનો ગુનો, ચેન્નઈનો વિધર્મી ઝડપાયો

આ કૌભાંડનો માસ્ટરમાઈન્ડ છે મોહમ્મદ સાજિદ ઈબ્રાહિમ મુલ્લા. આ આરોપી પશુઓ માટેના એક અને પાંચ લિટરના મોટા કેન ખરીદતો હતો...તેમાંથી લિક્વિડ કાઢીને નાની-નાની 60 મિલી અને 100 મિલીની બોટલોમાં જાતે ભરતો હતો...અને તેના પર બાળકો માટેની પ્રખ્યાત દવા Himalaya Liv.52 Drops ના નકલી સ્ટીકરો લગાવીને વાલીઓને બમણા ભાવે વેચી દેતો હતો!

પશુઓનું આ કેમિકલયુક્ત હેલ્થ સપ્લિમેન્ટ બાળકોના લિવર અને કિડનીને કાયમ માટે નષ્ટ કરી શકે છે. પોલીસે અપીલ કરી છે કે જો કોઈ વાલીએ આ વિસ્તારમાંથી દવા લીધી હોય અને બાળકની તબિયત બગડી હોય, તો તુરંત ડોક્ટરનો સંપર્ક કરે...મેડિકલ સ્ટોરના નામે મોતની દુકાન ચલાવતા આવા તત્વો સામે હવે લોકો ફાંસીની માંગ કરી રહ્યા છે.