પ્રધાનમંત્રી નરેન્દ્ર મોદી ફરી આ તારીખે આવશે ગુજરાત પ્રવાસે: જામનગરમાં ‘સહાયતા સેતુ’ના બનશે સાક્ષી, જાણો શું છે કાર્યક્રમ

PM Modi Gujarat Visit: આગામી 17 થી 19 નવેમ્બર 2026 દરમિયાન એરફોર્સ સ્ટેશન જામનગર ખાતે બહુ-રાષ્ટ્રીય આપત્તિ રાહત કવાયત ‘સહાયતા સેતુ’નું ભવ્ય આયોજન કરવામાં આવ્યું છે. આ પ્રસંગે પ્રધાનમંત્રી, કેન્દ્રીય મંત્રીઓ, ગુજરાતના મહાનુભાવો, CDS અને ત્રણેય પાંખના સેનાપતિઓ આ કવાયતના સાક્ષી બનશે.

• 13-14 નવેમ્બર PM મોદી ગુજરાત આવશે 
• અંબાજી મંદિર દર્શન કરવા જશે પીએમ મોદી 
• 14 નવેમ્બર અંબાજી મંદિર દર્શન કરશે પીએમ મોદી
• પ્રધાનમંત્રી નરેન્દ્ર મોદી 13 નવેમ્બર રાત્રે 9:00 વાગ્યા બાદ દિલ્હી થી અમદાવાદ એરપોર્ટ આવશે 
• અમદાવાદ એરપોર્ટ થી સીધાજ લોક ભવન એટલે કે રાજભવન માં રાત્રી રોકાણ કરશે 
• 14 તારીખ ના રોજ સવારે 10:00 વાગ્યા બાદ બનાસકાંઠા હેલિકોપ્ટર માર્ગે જવાની કરશે 
• અંબાજી મંદિરમાં 12:30 વાગ્યાની આસપાસ માં અંબાજીની પૂજા અર્ચના કરશે 
• પૂજા અર્ચના કર્યા બાદ બપોરે સીધા દિલ્હી પ્રધાનમંત્રી પરત ફરશે

ભારતીય વાયુસેનાનું નેતૃત્વ

આ ઐતિહાસિક કવાયતના સાક્ષી બનવા માટે માનનીય પ્રધાનમંત્રી નરેન્દ્ર મોદી ખાસ ઉપસ્થિત રહેશે. તેમની સાથે કેન્દ્રીય મંત્રીઓ, ગુજરાતના વરિષ્ઠ મહાનુભાવો, ચીફ ઓફ ડિફેન્સ સ્ટાફ (CDS) તેમજ ભારતીય આર્મી, નેવી અને વાયુસેના- ત્રણેય પાંખના સેનાપતિઓ પણ હાજર રહેશે.

PM મોદી ફરી આવશે ગુજરાત પ્રવાસે: જામનગરમાં ૧૭ થી ૧૯ દરમિયાન 'સહાયતા સેતુ' કવાયતનું ભવ્ય આયોજન, ત્રણેય સેનાના પ્રમુખો રહેશે ઉપસ્થિત #Gujarat #BreakingNews #News https://t.co/Qssh50jswf

— Zee 24 Kalak (@Zee24Kalak) November 10, 2026

 ‘સહાયતા સેતુ’ કવાયતમાં મિત્ર વિદેશી દેશોની ટીમો પણ ઉત્સાહભેર જોડાશે

‘સહાયતા સેતુ’ કવાયતમાં ભારતની રાષ્ટ્રીય આપત્તિ રાહત એજન્સીઓ ઉપરાંત મિત્ર વિદેશી દેશોની ટીમો પણ ઉત્સાહભેર જોડાશે. આ કવાયતનો મુખ્ય ઉદ્દેશ્ય આધુનિક ટેકનોલોજીના ઉપયોગ દ્વારા આપત્તિ સમયે સામૂહિક તૈયારીઓને ધારદાર બનાવવાનો અને વિવિધ દેશો વચ્ચે પરસ્પર સંકલન મજબૂત કરવાનો છે.

ભારતીય વાયુસેનાની ક્ષમતા અને માનવતાવાદી સંકલ્પ

ભારતીય વાયુસેના પોતાની અસાધારણ એરલિફ્ટ ક્ષમતા અને વ્યાપક અનુભવના આધારે કોઈપણ કટોકટીના સમયે નાગરિક વહીવટીતંત્રને ઝડપી અને અસરકારક સહાય પૂરી પાડવા માટે સદા તત્પર છે. આપત્તિઓને કોઈ ભૌગોલિક સીમાઓ હોતી નથી, તેથી તાત્કાલિક કાર્યવાહી અને આંતરરાષ્ટ્રીય સહયોગ દ્વારા વધુમાં વધુ લોકોના જીવ બચાવવાનો દ્રઢ સંકલ્પ આ કવાયત દ્વારા વ્યક્ત કરવામાં આવ્યો છે. ‘સહાયતા સેતુ’ માત્ર એક કવાયત નથી, પરંતુ તે આંતરરાષ્ટ્રીય મિત્રતા, એકતા અને માનવતાવાદી સેવાની સહિયારી જવાબદારીનું પ્રતીક બનશે.