સનમ નીકળ્યો શાતિર બ્લેકમેઈલર: અંગત વીડિયોનો ડર બતાવી સગીરા પાસેથી પડાવ્યા 32 તોલા સોનાના દાગીના
ગુજરાતના છેવાડે આવેલા વલસાડ જિલ્લામાંથી એક એવો કાળજું કંપાવી દેતો કિસ્સો સામે આવ્યો છે, જે દરેક માતા-પિતાની ઊંઘ ઉડાવી દેશે!.
શું તમારા ઘરમાં પણ સગીર દીકરી કલાકો સુધી મોબાઈલની સ્ક્રીન સામે મલકાતી રહે છે? શું તમે એ જાણો છો કે સોશિયલ મીડિયાની સ્ક્રીન પર દેખાતો હસતો અને નિર્દોષ ચહેરો, હકીકતમાં કેટલો મોટો જલ્લાદ હોઈ શકે છે?
ઓનલાઈન દોસ્તીનો ખૌફનાક અંજામ
સોશિયલ મીડિયાની એક નાનકડી દોસ્તી ક્યારે બરબાદીનું કારણ બની જાય તે કહી શકાતું નથી...વલસાડ જિલ્લાના ડુંગરી પંથકમાં ડિજિટલ પ્રેમનો એક એવો ભયાનક અંજામ આવ્યો છે, જેણે સમગ્ર પંથકને ધ્રુજાવી દીધો છે...ડુંગરી પોલીસ સ્ટેશનમાં એક માતાએ કાળજું કંપાવી દે તેવી ફરિયાદ નોંધાવી છે...જેમાં તેમની સગીર દીકરીને પ્રેમજાળમાં ફસાવીને, લાખો રૂપિયા અને ઈજ્જત લૂંટી લેવાનો આરોપ ફેસબુક-ઇન્સ્ટાગ્રામના એક કથિત પ્રેમી પર લાગ્યો છે...પોલીસે મામલાની ગંભીરતા જોઈ તુરંત એક્શન લીધા અને આ સમગ્ર ખેલના મુખ્ય સૂત્રધાર એવા શાતિર આરોપી ધ્રુવીલ પટેલની ધરપકડ કરી લીધી છે.
પ્રેમ, પ્રપંચ અને લાખોની લૂંટ
આરોપી ધ્રુવીલ પટેલ એટલો ખતરનાક હતો કે તેણે સગીરાને માત્ર શારીરિક રીતે જ નહીં, પણ માનસિક રીતે પણ તોડી નાખી હતી...પ્રેમની જાળમાં ફસાવ્યા બાદ આરોપીએ સગીરાના કેટલાક અંગત ફોટા અને વીડિયો ઉતારી લીધા હતા...બસ, ત્યારથી શરૂ થયો બ્લેકમેઈલિંગનો આ ખેલ! ફોટો વાયરલ કરી દેવાની બદનામીની ધમકી આપીને આરોપીએ સગીરા પાસેથી 2 લાખથી વધુની રોકડ અને એક-બે નહીં પણ આખા 32 તોલા સોનાના દાગીના પડાવી લીધા! ઘરમાં જ્યારે દાગીનાની જરૂર પડી અને માતાએ દીકરીને પૂછ્યું, ત્યારે સગીરાના આક્રંદ સાથે આ પાપનો ઘડો ફૂટ્યો!
ઓનલાઈન દોસ્તીનો ખૌફનાક અંજામ
ધ્રુવીલ પટેલ નામના આ શાતિર બ્લેકમેઈલરની ધરપકડ બાદ પોલીસે તેની પાસેથી 15 તોલાથી વધુના સોનાના દાગીના રિકવર કરી લીધા છે...પરંતુ હજુ પણ 17 તોલા સોનું અને રોકડ રકમ ક્યાં છે? આરોપીએ તે ક્યાં સગેવગે કરી? શું આ ગુનામાં તેની સાથે અન્ય કોઈ સામેલ છે? તે તમામ સવાલોના જવાબ મેળવવા ડુંગરી પોલીસ આરોપીના રિમાન્ડ મેળવી ઊંડાણપૂર્વક તપાસ કરી રહી છે...
વલસાડની આ ઘટના આજના ડિજિટલ યુગમાં દરેક વાલી માટે એક સણસણતી લાલબત્તી સમાન છે...મોબાઈલની સ્ક્રીન પર દેખાતો હસતો ચહેરો પાછળથી કેટલો ક્રૂર હોઈ શકે છે, તેનો આ જીવતો જાગતો પુરાવો છે. જો તમારી દીકરી પણ કલાકો સુધી મોબાઈલમાં ખોવાયેલી રહે છે, તો સાવધાન થઈ જજો! કારણ કે સોશિયલ મીડિયા પર અજાણ્યા લોકો સાથેની મિત્રતા ક્યારે બરબાદીના આરે લાવીને ઉભી રાખી દેશે તે કોઈ નથી જાણતું...
