લગ્નના ઘોડાને કોંગ્રેસે ઘરભેગા કર્યાં, નિષ્ક્રિયતા પડી ભારે, 49 હોદ્દેદારો સસ્પેન્ડ

ચૂંટણી પંચ જ્ઞાનેશ કુમારને હટાવવા માટે 1 નવેમ્બરે દિલ્હીના રામલીલા મેદાનમાં ઈન્ડિયા ગઠબંધનની મોટી રેલી યોજાઈ હતી. આ રેલીમાં કોંગ્રેસના કાર્યકરો દેશભરમાંથી પહોંચ્યા હતા. ગુજરાતમાંથી પણ ઘણા નેતાઓ રાહુલ ગાંધીની આ રેલીમાં ગયા હતા. પરંતુ હવે એક મોટા સમાચાર સામે આવી રહ્યાં છે. ગુજરાત યુથ કોંગ્રેસના 49 હોદ્દેદારો પર પાર્ટીએ કાર્યવાહી કરી છે.

રેલીમાં ન પહોંચેલા હોદ્દેદારો સામે કાર્યવાહી

દિલ્હીના રામલીલા મેદાનમાં ચૂંટણી કમિશનર જ્ઞાનેશ કુમારની વિરુદ્ધમાં યોજાયેલી આ રેલીમાં ગુજરાત યુથ કોંગ્રેસના 49 હોદ્દેદારો ગેરહાજર રહેતા પાર્ટીએ તેમને સસ્પેન્ડ કરી દીધા છે. 1 નવેમ્બરે દિલ્હીમાં યોજાયેલી રેલીમાં ગેરહાજર રહેતાં હોદ્દેદારો સામે પાર્ટીએ કાર્યવાહી કરી છે. જનરલ સેક્રેટરી સહિત અનેક હોદ્દેદારોને પાર્ટીએ સસ્પેન્ડ કર્યાં છે. સામે આવેલી માહિતી પ્રમાણે આ તમામ 49 હોદ્દેદારો પાર્ટીમાં નિષ્ક્રિય હતા અને પાર્ટીએ પહેલા પણ તેમને નોટિસ આપી હતી.

ગુજરાત યુથ કોંગ્રેસના 49 હોદ્દેદારો સસ્પેન્ડ

સસ્પેન્ડ કરવામાં આવેલા યુથ કોંગ્રેસના હોદ્દેદારોની યાદી

પહેલા પાર્ટીએ આપી હતી નોટિસ

પ્રાપ્ત વિગત અનુસાર યુથ કોંગ્રેસના વિવિધ હોદ્દેદારો ઘણા સમયથી નિષ્ક્રિય હતા. આ પહેલાં તેમને કારણદર્શક નોટિસ પણ ફટકારવામાં આવી હતી. હવે સામે આવ્યું છે કે આ હોદ્દેદારો 1 નવેમ્બરે દિલ્હીમાં યોજાયેલા કાર્યક્રમમાં પણ ગેરહાજર રહ્યાં હતા. ત્યારબાદ યુથ કોંગ્રેસ દ્વારા 49 હોદ્દેદારો સામે કાર્યવાહી કરવામાં આવી છે. જેમાં ઘણા જિલ્લાઓના યુથ કોંગ્રેસ પ્રમુખ, સચિવ, જનરલ સેક્રેટરી સહિતના હોદ્દેદારો સામેલ છે.