રાજ્યના મુર્ધન્ય સાહિત્યકારોના સર્જન સાથે ‘ગુજરાત દીપોત્સવી અંક-૨૦૮૨’ પ્રકાશિત: CM ભૂપેન્દ્ર પટેલે કર્યું વિમોચન

Gandhinagar News: મુખ્યમંત્રી ભૂપેન્દ્ર પટેલે આજે ગુજરાતના સાહિત્ય, કલા અને સંસ્કારના વારસાને ઉજાગર કરતા  ગુજરાત દીપોત્સવી અંક વિક્રમ સંવત ૨૦૮૨નું વિમોચન કર્યુ હતું. રાજ્યના માહિતી ખાતા દ્વારા પ્રતિ વર્ષ પોતાની આગવી પરંપરા અનુસાર ‘ગુજરાત દીપોત્સવી અંક’ પ્રસિધ્ધ કરવામાં આવે છે.

મન પ્રફુલ્લિત બને તેવા ચિંતનાત્મક લેખો..
આ વર્ષે ગુજરાત દીપોત્સવી – ૨૦૮૨માં ગુજરાતના મુર્ધન્ય સાહિત્યકારોની સર્જનશીલ કલમે રજૂ થયેલા સાહિત્યની સૌરભથી વાચક મિત્રોનું મન પ્રફુલ્લિત બને તેવા ચિંતનાત્મક લેખો, કાવ્યો, નવલિકાઓ, વિનોદિકાઓ, નાટિકાઓ સાથેનો સાહિત્ય રસથાળ પીરસવામાં આવ્યો છે.

દીપોત્સવી અંકમાં પ્રસિધ્ધ કરાયા વિશેષ લેખો
આ દીપોત્સવી અંકમાં ગુણવંતભાઈ શાહ, વિષ્ણુભાઈ પંડયા, ડૉ. કુમારપાળ દેસાઈ, રઘુવીરભાઈ ચૌધરી, શાહબુદ્દીન રાઠોડ, રતિલાલ બોરીસાગર, માધવ રામાનુજ, રાજેન્દ્ર શુક્લ જેવા લબ્ધ પ્રતિષ્ઠિત સાહિત્યકારોની સર્જનશીલ કલમે લખાયેલી સાહિત્યકૃતિઓ પ્રસિધ્ધ કરવામાં આવી છે.

યુસુફ પઠાણ પર સરકાર અને વડોદરા કોર્પોરેશન મહેરબાન! 20.53 કરોડની જમીન માત્ર 5.52 કરોડમાં ફાળવાતા રાજનીતિમાં ગરમાવો!

મનમોહક ચિત્રો આ અંકને વધુ નયનરમ્ય બનાવશે..
આ દળદાર અંક 28 અભ્યાસલેખો, 28 નવલિકાઓ, 16 વિનોદિકાઓ, 9 નાટિકા અને 89 જેટલી કાવ્ય રચનાઓથી સંપન્ન છે. સાથેસાથે પ્રકૃતિ, લોકજીવન અને માનવીય સંવેદનાઓને અભિવ્યક્ત કરતી ૫૨ જેટલી રંગીન તસવીરો અને મનમોહક ચિત્રો આ અંકને વધુ નયનરમ્ય બનાવે છે.

આ પ્રસંગે રાજ્યના મુખ્ય સચિવ એમ.કે.દાસ, અગ્ર સચિવ સંજીવ કુમાર, માહિતી અને પ્રસારણ વિભાગના સચિવ ડો.વિક્રાંત પાંડે, અધિક માહિતી નિયામક ડો.સંજય કચોટ તથા સંયુક્ત માહિતી નિયામક જયેશ દવે સહિત માહિતી ખાતાનાં ઉચ્ચ અધિકારીઓ ઉપસ્થિત રહ્યાં હતાં.