ગાંધીનગર મનપાલિકા ચૂંટણીમાં કઈ બેઠક પર કોણે મારી બાજી? 11 વોર્ડના 44 ઉમેદવારોનું લિસ્ટ તૈયાર, જાણો કયા વોર્ડમાં કઈ પેનલ તૂટી?

Gandhinagar Municipal Corporation Election Result: ગાંધીનગર મનપામાં ચૂંટણીની મતગણતરી પ્રક્રિયા પૂર્ણ થઈ ગઈ છે. ગાંધીનગર મહાનગરપાલિકાની ચૂંટણીનું ચિત્ર હવે સંપૂર્ણપણે સ્પષ્ટ થઈ ગયું છે. જનતાએ પોતાના મતો દ્વારા નેતૃત્વની પસંદગી કરી લીધી છે, જેમાં ભારતીય જનતા પાર્ટી (BJP) એ પ્રચંડ બહુમતી સાથે ફરી એકવાર પોતાનું વર્ચસ્વ સાબિત કર્યું છે. જ્યારે વિરોધ પક્ષ તરીકે કોંગ્રેસ આવ્યો છે અને આમ આદમી પાર્ટીનો સુપડા સાફ થઈ ગયા છે.

ગાંધીનગર મનપાની ચૂંટણીમાં આ વર્ષે કોંગ્રેસનું કમબેક; વર્ષ 2021 કરતાં 2026માં સ્થિતિ સુધરી, જાણો કોંગ્રેસની હારના કારણો

ગાંધીનગર મનપામાં 44 બેઠકોમાંથી 38 બેઠકો પર ભાજપનો ભગવો લહેરાયો
ગાંધીનગર મનપાની કુલ 44 બેઠકો માટે યોજાયેલી ચૂંટણીના પરિણામોમાં ભાજપે શાનદાર પ્રદર્શન કર્યું. કુલ 44 બેઠકોમાંથી ભાજપે 38 બેઠકો પર ભવ્ય જીત મેળવી છે. જ્યારે મુખ્ય વિપક્ષી પક્ષ કોંગ્રેસે 5 બેઠકો પર બાજી મારીને પોતાનું અસ્તિત્વ જાળવી રાખ્યું છે. આ ઉપરાંત, એક બેઠક પર અપક્ષ ઉમેદવારે જીત મેળવીને સૌનું ધ્યાન ખેંચ્યું છે, જ્યારે આમ આદમી પાર્ટીને એક પણ સીટ ના મળતા સૌ ચોંકી ગયું છે.

વોર્ડ નંબર 6 માં કોંગ્રેસનો સૌથી મોટો ઉલટફેર: ભાજપ સામે શાનદાર ક્લીન સ્વીપ કર્યું
ગાંધીનગર મનપાની ચૂંટણીના પરિણામોમાં સૌથી મોટો ઉલટફેર વોર્ડ નંબર 6 માં જોવા મળ્યો છે. આ વોર્ડમાં ભાજપને મોટો ઝટકો લાગ્યો છે અને કોંગ્રેસે તમામ 4 બેઠકો પર વિજય મેળવીને ભવ્ય 'ક્લીન સ્વીપ' કર્યું છે. વોર્ડ નંબર 6 માં ભાજપના ખાતામાં એક પણ બેઠક આવી નથી. બીજી બાજુ, ભાજપે વોર્ડ નંબર 1, 3, 4, 5, 8, 9, 10 અને 11 માં એકચક્રી શાસન જાળવી રાખતા તમામ એટલે કે 4-4 બેઠકો પર પ્રચંડ વિજય મેળવ્યો છે.

વોર્ડ નંબર 2 અને 8 માં ભાજપે એક-એક બેઠક ગુમાવી દીધી.. 
ગાંધીનગર મનપાની ચૂંટણીમાં મોટાભાગના વોર્ડમાં દબદબો જાળવી રાખવા છતાં ભાજપને બે વોર્ડમાં નુકસાન સહન કરવું પડ્યું છે. વોર્ડ નંબર 2માં ભાજપે 3 બેઠકો મેળવી છે, જ્યારે 1 બેઠક અપક્ષ ઉમેદવારના ફાળે ગઈ છે. જ્યારે વોર્ડ નંબર 7માં કુલ 4 બેઠકોમાંથી 3 બેઠકો પર ભાજપના ઉમેદવાર વિજયી બન્યા છે, જ્યારે 1 બેઠક પર કોંગ્રેસના ઉમેદવારે જીત મેળવી છે.

2021માં ગાંધીનગર મનપામાં ખાતું ખોલાવનાર 'AAP'ના આ વર્ષે સુપડા સાફ: 32-32 ઉમેદવારોની ડિપોઝિટ ડૂલ, ભાજપનો ભગવો લહેરાયો

કયા વોર્ડમાં પેનલ તૂટી?
વોર્ડ નંબર 2માં ભાજપ અને અન્ય પક્ષોની પૂરી પેનલ જીતવાને બદલે, વોર્ડ-2 ની સીટ નંબર-2 પર અપક્ષ ઉમેદવાર (દિપિકાબેન રાજેન્દ્રસિંહ વાઘેલા) વિજયી બન્યા, જેથી આ વોર્ડમાં પેનલ તૂટી હતી. જ્યારે વોર્ડ નંબર 7માં પણ મિશ્ર પરિણામ આવ્યું છે. વોર્ડ નંબર 7ની 3 બેઠકો પર બીજેપી વિજયી રહી જ્યારે કોંગ્રેસના એક ઉમેદવાર (નગીનભાઇ જગદીશભાઇ નાડીયા) જીત્યા, જેના કારણે અહીં પણ પેનલ તૂટી હોવાનું સ્પષ્ટ થાય છે.

ગાંધીનગર મહાનગરપાલિકા ચૂંટણીમાં કઈ બેઠક પર કોણ જીત્યું?