રક્ષક જ બન્યા ભક્ષક! વડોદરાના ગોરવા પોલીસ સ્ટેશનમાં મદદ માગવા ગયેલા ભાઈઓ પર અત્યાચાર, તત્કાલીન PI સામે કોર્ટનો મોટો હુકમ

Vadodara Police: જયંતી સોલંકી/વડોદરા: ગુજરાત પોલીસ સામે ફરી એકવાર ગંભીર આરોપો લાગ્યા છે. વડોદરામાં એક ઘટના બની છે. જ્યાં ગોરવા પોલીસ સ્ટેશનના તત્કાલીન PI કિરીટ લાઠિયા સામે ગંભીર આરોપ લાગ્યા છે જેમાં PI વિરુદ્ધ બે અરજદારોએ કોર્ટમાં અરજી કરી છે અને અરજીને આધારે કોર્ટે તત્કાલીન PI સામે હુકમ જાહેર કર્યો છે.

"ચાર ચોકે વડા મૂકવા, ભૂત-પ્રેત ને મેલી વિદ્યા બધું જ ધતિંગ", કાળી ચૌદશે અંધશ્રદ્ધા પર વિજ્ઞાન જાથાનો પ્રહાર

વડોદરા પોલીસ સામે ગંભીર આરોપ

વડોદરાની ગોરવા પોલીસ સામે લાગેલા ગંભીર આરોપ અંગે વાત કરીએ તો બે ભાઈઓ મદદ માગવા પોલીસ સ્ટેશન આવ્યા હતા. ગોરવા પોલીસ સ્ટેશનમાં બંને ભાઈએ રજૂઆત કરી હતી. ત્યારબાદ પોલીસે બંને ભાઈઓને આખી રાત ગોંધી રાખવામાં આવ્યા. બંને ભાઈઓ સાથે મારપીટ કરવામાં આવી. ઘાયલ એક યુવાન સાંભળવાની ક્ષમતા ખોઈ બેઠો. જે અંગે પોલીસ કમિશનરને પણ રજૂઆત કરવામાં આવી.

પીડિતોએ કોર્ટનો ખખડાવ્યો દ્વાર

જો કે, હજુ સુધી આ મામલે પોલીસ ફરિયાદ નથી નોંધાઈ. જે બાદ બંને પીડિતોએ ન્યાય માટે કોર્ટનો દરવાજો ખખડાવ્યો. જે મામલે JMFC કોર્ટે ગોરવાના તત્કાલીન PI કિરીટ લાઠિયા સામે BNSની જુદી-જુદી કલમો હેઠળ પ્રોસેસ ઈશ્યુ કરવાનો હુકમ કર્યો છે. હવે કિરીટ લાઠિયાને કોર્ટ સમન્સ પાઠવવામાં આવશે. જો કે, કિરીટ લાઠિયાએ પોલીસ કસ્ટડીમાં મારામારી કર્યાના તમામ આક્ષેપોને ફગાવ્યા છે...

હવે શિયાળો નહીં પરંતુ વરસાદ આવશે! બંગાળનો ઉપસાગર તોફાની બનશે, ગુજરાતના હવામાનમાં આવશે પલટો

તત્કાલીન PI સામે પ્રોસેસ ઈશ્યુ કરવાનો કોર્ટનો હુકમ

સમગ્ર ઘટનામાં એક તરફ ફરિયાદીઓનું કહેવું છે કે તેઓ મદદ માગવા માટે ગયા હતા. તો બીજી તરફ પોલીસનું કહેવું છે તે તે બંને ડ્રિન્ક એન્ડ ડ્રાઈવના કેસમાં પકડાયા હતા. જો કે, આખરે તો ન્યાયતંત્ર દ્વારા જ આ મામલા પરથી પડદો ઉઠાવવામાં આવશે અને કોણ સાચું કોણ ખોટું તે નક્કી કરવામાં આવશે.

સમાચારનો સાર:-

• વડોદરા પોલીસ સામે ગંભીર આરોપ
• મદદ માગનાર પર જ ગુજાર્યો અત્યાચાર
• પીડિતોએ કોર્ટનો ખખડાવ્યો દ્વાર
• તત્કાલીન PI સામે પ્રોસેસ ઈશ્યુ કરવાનો કોર્ટનો હુકમ

Gujarat News Live: ગુજરાત યુનિવર્સિટીના નવા કુલપતિની નિમણૂક, ખેડૂતોના માથે ફરી સંકટના વાદળો, અમરેલીમાં દીપડાએ બાળકને ફાડી ખાધો